أجيب تيدا من اوتو ايجيبت ولا من السبع ؟؟؟؟؟
مع العلم ان اوتو ايجيبت قالى هتيجى فى خلال 3 شهور ...والسبع قالى هتيجى فى خلال شهر وانا مش مصدقه الصراحة حاسس انه بيجيب رجلى مش اكتر ...ايه ؤأيكوو ؟-+
عرض للطباعة
أجيب تيدا من اوتو ايجيبت ولا من السبع ؟؟؟؟؟
مع العلم ان اوتو ايجيبت قالى هتيجى فى خلال 3 شهور ...والسبع قالى هتيجى فى خلال شهر وانا مش مصدقه الصراحة حاسس انه بيجيب رجلى مش اكتر ...ايه ؤأيكوو ؟-+
طب بالنسبة للسعر كل واحد قال لك كام؟
كام السعر ؟ وهل هناك كماليات اضافية في واحد فيهم عن التاني ؟؟
سعر ها كام
اوتو ايجيبت افضل وهما لو استلموها اقبل الميعاد هيتصلوا بيك وتقريبا ده اللي بيحصل يعني اكيد ن شاء الله هيتصلوا بيك اقبل الميعاد عشان تستلم وعربيه كويسه جدا والف مبروك مقدما
بص انا سالت لحضرتك فى اوتو ايجيبت .. وبعد ما ادخلت .. قالولى ممكن يسلموك فى خلال شهر ونص
الهاى لاين .. وبتحجز ب1000 .. وبيكون حسب السعر المعلن لنيسان .. عشان احتمال العربيات كلها تزيد ومحدش عارف لسه حتزيد قد ايه ..
فا لو حضرتك حابب .. مفيش مشكلة قولى وانا اوصى على حضرتك
ولو السبع صادق فى المعياد والسعر حيثبتهولك وتدفع مقدم كبير عشان تثبت السعر معاه .. يبقا توكل على الله
فاشوف اللى اللى يريحك
تحياتى
+1111
من اهم الحاجات فعلا موضوع ان حضرتك تثبت معاهم السعر عن طريق دفع جزء كبير من الثمن لو كنت نويت عليها و يكتبوا فى إيصال الاستلام دفعت مبلغ كذا من اصل مبلغ كذا و ما يكونش إيصال بالقيمه اللى دفعتها بس و ده بيبقى حسب المقدم اللى انت دافعه يعنى ما ينفعش تحجز بألف جنيه و يثبت لك السعر و عامه التيدا ارحم كتير جدا من الصنى فى موضوع الحجز و الاستلام بتاعها و الف مبروك مقدما و أهلا بيك معانا
اه تمام اوى لو فعلا اوتو ايجيبت هيثبتلى السعر ...يعنى ادفع التمن اللى قالهولى دلوقت ..مش ساعت لما استلم ..ياريت اوى ....انا هعدي على السبع كمان شوية اسأل..لو مش كده هطلع على اوتو تانى لاني مستريحلهم اكتر الصراخة ..مش عارف اتواصل معاك ازاى ..على العموم دى نمرتي 01222470114 وشكرا جداااا
اعتقد ان العربية موجوده في سمير ريان
بص سيادتك انا كنت متردد زيك روحت الأول أوتو ايجيبت مدينة نصر و قابلني بتاع المبيعات و اتفقت معاه انه حينزل 1500 من سعر العربية و حدفع كاش , قاللي اللون اللي انا عايزه مش متوفر خد من اللي موجود لاننا مش ضامنين حتيجي تاني امتى ( الكلام ده كان في اول شهر 8 ) قولتلهم لأ استنى و انا ونصيبي و سيبتلهم تليفوني عشان لو لقوا حاجة يكلموني طبعا طنشوا لانهم مركزين مع مبيعات الصني , استنيتهم شهر لغاية اول اسبوع في شهر 9 و روحت تاني لقيت نفس قلة الحماس او الهدوء الزايد من البياع و سألته ايه النظام قاللي مش قبل شهر بس حتبقى 2013 و مش حنقدر ننزل جنيه سألته طب بالنسبة لو عايز أأمن مع اليانز قاللي نسبتنا 4.25% من العربية , بس سيبتهم و طلعت على السبع فرع الحرية لقيت برضو الدنيا هادية بس قالولي خلال الشهر ده حتستلم و ممكن قبل كده لأن المصنع طلب منهم حصر للتيدا اللي عندهم و ده معناه ان في شحنة داخلة قريب و بالنسبة لتأمين اليانز قالولي 3.75% و اتكلت على الله و دفعت 3000 حجز بس الايصال مكتوب عليه اني لو تراجعت عن الحجز حيحجزه عندهم 1000 جنيه تستخدم لو خدت عربية تانية من عندهم و دي كانت حركة رخمة لأن البياع مقاليش عليها غير لما دفعت و استلمت الايصال بس سلموني بعد 10 ايام من الحجز و ادوني صيانة ال 1000 + ال 5000 مجانا شامل تغيير زيت و فلتر و ادوني دفتر خصومات 50 جنيه على كل صيانة بعد كده و سلموني هم بوليصة التأمين.
دي كانت قصتي و ربنا يوفقك للأصلح و الخير
ادفع في الاتنين بس اشرط علي بتاع السبع انهملو اتاخروا عن اسبوعين تقدر تاخد الحجز ولو السبع سلمك ابقي اروح خد مقدم حجزك من اوتو ايجيبت وبكده يبقي ضمنت الاتنين واللي هيجي الاول هيسلمك
التيدا عربية محترمة فعلا
بها مزايا عديدة لو ماتمسكتش بالشكل المبهر
اختيار موفق
بس انا اتوقع ان سعرها هيزيد علشان بتيجي من المكسيك اذا كان الصني الي بتتجمع هنا زادت
يعني عامل السرعة مهم في اختيارك لمكان شراءها
وياترى ايه اللون الي عاجبك
ربنا يوفقك فيها ويديك خيرها ويكفيك شرها ان شاء الله
تقبل تحياتي
للاسف كده كده لازم عستنى ولازم هستلم بالسعر الجديد لانها فعلا مش موجودة وافل واحد قال بعد شعر :) نصيبى بقا ربنا يستر وتغلى الفين ولا حاجة بس زى الصنى..اللى لقيتها فضى وانا بكره اللون ده...
العربية شكلها عادى مش حلو ولا وحش ..بس انها يابانى وواسعة اوى كده وسريعة جدا..وحوار الكنبة اللى ورا بتتحرك وفتحىة سقف وتكيف تاتش وبالسعر ده كويسة الحمد لله
انا بدور عل الازرق ..ومشكور عالاهتمام
اشكرك على ذوقك
واتمنى تلاقي الي عاوزه ان شاء الله لان واضح ان اللون يستحق عندكم مخاطرة الانتظار
وبصراحة لون العربية بيفرق اوي ولازم الواحد يكون حابه
هي عربية رائعة من وجهة نظري ومن قبلي من وجهة نظر ملاكها ولاسباب كتيرة ربما لا يتطلب الموضوع ذكرها
تقبل مروري
اشكرك على ذوقك
عموما نيسان مابترفعش بمبالغة زي هيونداى
انا بعد غلاء الالنترا لا اجد افضل من التيدا بصراحة
مشكلتي اني بره مصر ومش هارجع الا على الصيف
وساعتها بقى نشوف الاسعار بقت ايه
أحييك على اختيارك لسيارة صالونها واسع تقفيلها راقي تكييفها ثلاجة فراملها قوية عزلها مميز سحبها رائع قطع غيارها متوفرة
ربنا يحفظهالك من العين ويديك خيرها ويكفيك شرها
بس ابقى طمنا حجزها مدته كام شهر وجبتها منين وبكام ان شاء الله (انصح باوتو ايجيبت الكل بيشكر فيها)
وياريت الزميل الي سأل عن سمير ريان يقولنا عمل ايه
تقبلوا تحياتي
ايوة فعلا هيونداى بتبالغ جدا وبتبالغ فى رفع الاسعار ..ما فى عربيات زودت الفين بس بسبب الدولار هما بيرفعو ٨ ولا عشرة ليه؟؟؟ عاملين زى لما التاكسى يغلى الجرة عشا البنزين غلى يقوم سواقين اللى بالسولار هما كمان يغلو !!!!! بيهيصو بمعنى اصح وعلى ايه اصلا اشتري عربية ب١٤٢ الف بلاستيك ومفهاش غير ايراج وحد بدون اى اوبشن..يعنى لاقيمة ولا ابشنززز..........
الحمد لله انا شفت المميزات دي فى التيدا ومقتنع بيها حتى لو شكلها مش بخطوط حديثة بس مميزاتها طغت على شكلها... فاضل بس حتت السبات على سرعات ماسوقتهاش بسرعة عليا الصراحة ان شاء الله تبقى كويسة....
اما بالنسبة للحجز... روحت اوتو ايجيبت اللى فى امتدد حسن امأمون( شارع النادى الاهلى ) وقالى لو اى لون ممكن تيجى فى خلال شهر ونص اما اللون اللى انا عايزة ازرق فبيقول قليل بيقولى اعمل حسابك على ٣ شهووور !!!! بس اعمل ايه مضطر استنى بس لانى مستريحلهم عن غيرهم والحجز بالف بس مش ب ١٠ و ٢٠ زي غيرهم .. ولو رجعت فى كلامى مفيش خصم الف جنيه زي غيرهم. اما الاسعار فهى ١٢٠ الف هاتش بالك اوتوماتيك. . فول ابشنز ب ١٢٨ ونص وبفتحة سقف ب ١٣١ ونص. اما السيدان فبتبقى اقل ٥ الاف فى اول فئة بس ومتساوية فى السعر بالهاتش باك فى باقى الفئات .. وقالولى متوقع تزيد سعرها من الفين ل ٣ الاف بسبب الدولار. .. بس كده. ومشكوور على اهتمامك وانا موجود لو فى اي سؤال ...
هوا بصراحه اوتو ايجيبت كويسين فى التسليم وبيشرح بالتفصيل,بس هما موعدهم فعلا مش اوى.
شكرا على ردك الكريم
وكويس ان في اوتوايجيبت في مدينة نصر وكمان بالتسهيلات دي
بصراحة العربية دي مش خسارة تتجاب بلس بفتحة السقف
على قدر ما انا معارض للصني جدا فانا معجب بالتيدا
اما الثبات سمعت عنه انه اقل من الالنترا بس ده يعني للي بيجري فوق 120-140 كيلو وفي ناس قالت انه كويس
انا عندي الحكومة حاسة انها شكلها صغير ومش عائلي رغم انها فعلا واسعة من جوه ده اصحاب القشقاي قالوا على الكنبة الي ورا واسعة بس مش زي التيدا وده قريته في المنتدى اكتر من كده ايه
بس فعلا عائق سفري هو الي مأخرني ان شاء الله توفق وتجيبها باللون الي عاوزه وان شاء الله يفضلوا يستوردوا العربية دي بالسعر ده تقريبا حتى الصيف وتكون من نصيبي
لو منك اقعد بقى اقرا مواضيع التيدا في هذا المنتدى الرائع وافلها علشان تبقى استاذ فيها ان شاء الله من قبل ماتستلمها وان شاء الله تكون قدم خير عليك
تحياتي