كاسيت وسماعتين حلويين

**Ali Attia** · 08-01-2013 12:28 AM

السلام عليكم

ناوي ان شاء الله انزل اشتري كاسيت ماركة بفلاشة وسماعتين كويسين وممكن 2 كمان للباب فقط من غير جي ام ولا صب عشان الميزانية , انا معايا اكسنت 99 ,
كنت عايز اعرف من حضراتكو:
* ايه افضل كاسيت سوني او بيونير في حدود 600 جنيه
* ايه افضل سماعات متعديش 400 جنيه تديني صوت حلو وتعوضني عن عدم وجود جي ام او صب .
* وهل في سماعات خلفية ال Rms بتاعها عالي زي البيضاوي بس مدورة ولا لأ لأن اللي عندي الفبريكة بتاعها مدورين
* هل الكاسيت ممكن يقوم 4 سماعا ت ولا لازم جي ام
* انهي افضل اشترييهم من التوفيقية واركبهم برا ولا اشتريهم من نفس المكان اللي هيركبهوملي.

متشكر جدا واسف للأطالة

**dr_7ooda** · 08-01-2013 12:48 AM

بص ياباشا
الكاسيت يفضل بايونير وممكن تجيب 1450 وده ب 640 جنيه ودي صورته‫‎اوتو ماركت pioneer - xplod‎s Fotos | Facebook‬

السماعات البيضاوي عنصر مهمممممممم جدا في السيستم ومن غيرها عمرك ما هاتسمع صوت حلو ومافيش سماعه مدوره هاتديك الاداء بتاع البيضاوي حتي لو 500 وات ولو خايف تفتح في الصاج اعمل رف خشب وعليه وما تفتحش في الصاج
وممكن تجيب سماعه كينوود 400 عادي مش دبل بيز وهاتعمل في حدود ال 400 جنيه

والبيبان ممكن تجيبلها بايونير مدور 250 وات ودي صورتها ‫‎اوتو ماركت pioneer - xplod‎s Fotos | Facebook‬

اتمنالك التوفيق

**eldell** · 08-01-2013 02:02 AM

المشاركة الأصلية كتبت بواسطة dr_7ooda

بص ياباشا
الكاسيت يفضل بايونير وممكن تجيب 1450 وده ب 640 جنيه ودي صورته‫‎اوتو ماركت pioneer - xplod‎s fotos | facebook‬

السماعات البيضاوي عنصر مهمممممممم جدا في السيستم ومن غيرها عمرك ما هاتسمع صوت حلو ومافيش سماعه مدوره هاتديك الاداء بتاع البيضاوي حتي لو 500 وات ولو خايف تفتح في الصاج اعمل رف خشب وعليه وما تفتحش في الصاج
وممكن تجيب سماعه كينوود 400 عادي مش دبل بيز وهاتعمل في حدود ال 400 جنيه

والبيبان ممكن تجيبلها بايونير مدور 250 وات ودي صورتها ‫‎اوتو ماركت pioneer - xplod‎s fotos | facebook‬

اتمنالك التوفيق

+11111111111111111111111

خليك فى الكينوود 400 وات حلويين وهااات سماعتين سونى 300 واات للباب وهتسمع ادااء محترم جداااااااااااااااااا

**Ali Attia** · 08-01-2013 03:37 AM

شكرا د. حودة و ديل علي الرد
بس كنت عايز اعرف
* هل الكاسيت ممكن يقوم 4 سماعا ت ولا لازم جي ام
* انهي افضل اشترييهم من التوفيقية واركبهم برا ولا اشتريهم من نفس المكان اللي هيركبهوملي.
وعايز تفاصيل الرف الخشب ده بيركب ازاي من غير مقطع في الصاج وعند مين ؟
والكاسيت البيونير ده كدة احسن حاجة في السعر ولا ايه لأني اعرف ان في موديلات كتير اوي ؟

**dr_7ooda** · 08-01-2013 04:15 AM

المشاركة الأصلية كتبت بواسطة Ali Attia

شكرا د. حودة و ديل علي الرد
بس كنت عايز اعرف
* هل الكاسيت ممكن يقوم 4 سماعا ت ولا لازم جي ام
* انهي افضل اشترييهم من التوفيقية واركبهم برا ولا اشتريهم من نفس المكان اللي هيركبهوملي.
وعايز تفاصيل الرف الخشب ده بيركب ازاي من غير مقطع في الصاج وعند مين ؟
والكاسيت البيونير ده كدة احسن حاجة في السعر ولا ايه لأني اعرف ان في موديلات كتير اوي ؟

بص يا فندم كصوت ارشحلك البايونير وكامكانيات يبقي السوني gt 500 ودا عامل في حدود 580 جنيه

والكاسيت ان شاء الله هايبقي كويس علي السماعات لكن المشكله عموما ان عدة الصوت بيعدي عليها وقت وتلاقي نفسك اتعودت عليها ونفسك تزود جي ام و بعدين صب وممكن بازوكا وهكذا لكن تأكد انك هاتنبهر بالكاسيت والسماعات أول ما هتركبهم

والرف ده بيكلف حوالي 50 وموكيت عليه ب 20 وبترفعه علي أد ما تقدر عن الكوبسته الصاج والفتحات بتاع السماعات القديمه هاينزل منها مغناطيس السماعات الجديده بس وباقيتها فوق ولو عاز توسيع هايوسع حاجه بسيطه وطبعا اللي هايعمل ده كله الفني اللي هايركبلك

وفي بيتهيئلي اماكن في القاهره بتشتري منهم الحاجه والتركيب مجانا ويفيدك فيها اللي من القاهره

وبالتوفيق

**akmm** · 08-01-2013 09:58 AM

كله تمام ..... وممكن تركب وتشترى من ادريان .

**Ali Attia** · 10-01-2013 04:10 PM

يا ريت يا جماعة لو حد يعرف اسعار جديدة للكاسيت او السماعات يقوللي

**eldell** · 12-01-2013 02:49 PM

المشاركة الأصلية كتبت بواسطة ali attia

شكرا د. حودة و ديل علي الرد
بس كنت عايز اعرف
* هل الكاسيت ممكن يقوم 4 سماعا ت ولا لازم جي ام
* انهي افضل اشترييهم من التوفيقية واركبهم برا ولا اشتريهم من نفس المكان اللي هيركبهوملي.
وعايز تفاصيل الرف الخشب ده بيركب ازاي من غير مقطع في الصاج وعند مين ؟
والكاسيت البيونير ده كدة احسن حاجة في السعر ولا ايه لأني اعرف ان في موديلات كتير اوي ؟

الكاسيت يقوم اربع سماعات عااادى جدااااااا ياعلى بس طبعا مش زى ماهما شغالين على جى ام بس صوت هيبقى معقول

عندك اختيارين اما تنزل تشترى الحاجه من التوفيقيه وتركب عند ادريان
اما تروح فانتازيا جسر السويس ويركبلك العده كلها مع بعض
الرف ده لو انت عملته عند ناجر مش هيكلفك 50 جنيه زى ماااقالك د حوده وعند الى هيركب هيكلفك حوالى 800 الى 100 جنيه ورائى تعمله عندهم علشان لو فيه حاجه هما الى يبقو متحملين كل حاجه يعنى تمشى من عندهم الوصوت مظبوط 100 فى ا100 والرف لو هتركب سماعتين عليه مش هيقطع فى الصاج خااالص لو هتركب 4 ممكن يقطع حته للاتنين الى فى النصف بس وعاادى يعنى مش هتفرق كتييييير

بالنسبه للكاسيت ده حلووو بس مشكلته انه مخرج ار سى واااحد وبعدين الى عرفته من صنايعى ان الكاسيت ده المخرج بتاعه مش بيبقى شغال الله اعلم ده صح والا غلط بيعملو كنفرتر كده وصله سلك وطالع منها ار سى وبيلغى بتاعته لاكن الكاسيت كامكانيات معقوووول جدااااااااااااا

**Ali Attia** · 16-01-2013 03:35 AM

الحمدلله نزلت التوفيقية و جبت من محل اسمه الزغل كاسيت بايونير 2450 ب 600 جنيه وسماعتين كينود 500 وات اندونيسي ب 435 جنيه
وركبتهم في محل في الهرم وركبت بوردة خشب كله 150 جنيه
والحمدلله كويسين اوي

دي صورة الكاسيت

DEH-2450UB Car stereo with Front USB, iPod/iPhone Direct Control and 2 RCA Pre-out (2012 Model) - Pioneer Car Stereo - Digital Media Receiver

الموضوع: كاسيت وسماعتين حلويين

LinkBack

أدوات الموضوع

عرض

كاسيت وسماعتين حلويين - انشر الموضوع فى :

-

-

-

-

-

-

المواضيع المتشابهه

اخيرا ركبت كاسيت وسماعتين وده التقرير

عايز كاسيت وسماعتين جداد في حدود 700 الي 800 جنيه تنصحوني بايه ؟

عايز اركب كاسيت وسماعتين حلوين

كاسيت وسماعتين ب500ج

كاسيت وسماعتين للبلدوزر

الكلمات الدلالية لهذا الموضوع

المفضلات

المفضلات

ضوابط المشاركة