نداء لاهل الخبره العربيه هتموتنى

انا معايا سكودا فليشيا العربيه بتعوم اوى و كانت هتموتنى امبارح اتزحلقت العربيه خالص و مكنتش حتى معدى ال 100.
المهم انا كشفت على عفشه العربيه و لقي ان الحاجات دى عايزه تتغير
1-علبه دركسيون
2-زوج مقصات
3-زوج مساعدين + بطاحات
4-اولسيه كوبلن داخلى
5-زوج مساعدين خلفى
6-قطمه دركسيون
و لقيت ان العجلتين اللى قدام مرحلين من الشمعدان.
المهم انا خايف اغير العفشه و اصرف كل الفلوس دى و العربيه ثباتها ميكونش حلو لان العفشه هتكلفنى حوالى 3 الاف كده
انا مش عارف ابيع العربيه و اكمل شويه على ال3 دول و اجيب حاجه تانيه ولا اصرف عليها و امرى لله

ايه يا جماعه ميش اى حد يقدر يفيدنى ايه سبب التعويمه دى؟ او اغير ايه بس عشان مشكله الثبات دى تتحل؟ عشان انا حاسس ان العفشجى بيستسهل و عايز يغير كل حاجه مره واحده مع العلم ان بتاع ضبط الزوايا قال ان الى عايز يتغير عندى علبه الدركسيون فقط .
و بالنسبه لترحيله العجل دى ايه الحل بتاعها انا عملت زراجين 3 مرات و رجعت تانى

الاول دور و اسال عفشجى تانى قبل ما تعمل اى حاجة
و القرار يرجع ليك و لظروفك و ظروف عربيتك تعمر و لا تبيع .... بالتوفيق ان شاء الله

انا قصد بعد ما هصرف الثبات هيبقى كويس ولا هصرف فلوسى عال ارض عشان موضوع العجل اللى مرحل دا

شوف واحد بتاع عفشه كويس الأول لأن ممكن يكون في مشكله في شاسيه العربيه هو اللي بيرحل العجل

أتأكد كويس ان اساس العربيه سليم وبعدين اصرف براحتك وهتلاقي مقابل اللي صرفته ان شاء الله

بس بتاع ضبط الزوايا قال ان الترحيل من الشمعدان ازاى اتأكد انه مش من الشاسيه

للرفع