ثرموستات الكوعة... المفترى عليه

**monamize4** · 20-06-2013 05:03 PM

شكرا على الرد الوافى دا ,, ربنا يجعله ف ميزان حسناتك
هجرب انفخ الراديتير بالهوا و ان شاء الله الامور تتظبط

معلش سؤال تانى ,,
فى ضرر لو كانت الميه ف القربة اعلى من علامة ال h ف حالة ان العربية باردة تماما ؟
و المفروض اصلا تكون الميه ف القربة عندى انهى مستوى بالظبط لما تكون العربية باردة ؟ و لما تكون سخنة ؟

شكرا مقدما

**hawary2** · 23-08-2013 02:35 AM

متابع باهتمام

**exact** · 18-09-2013 02:35 AM

كلامك لو قلت عليه رائع يبقى انا باقلل من قيمته... بس مع ذلك انا افضل عدم تركيبه سوى في الشتاء لسيارتي

اتمنى فقط توضيح نقطة... الترموستات له اتجاه بيركب منه... وعادة فيه فتحة جانبية لاخراج الهواء من الدايره بيبقى عباره عن خرم صغير جدا

المشاركة الأصلية كتبت بواسطة michohat

عن نفسي بدئت اعاني من تسخين العربية في الصباح ( بتاخد وقت كتير علشان تسخن )
ففكرت اشغل الترموستات تاني بس كل الخوف يعلق وانا مش حاسس و حسب ما اعرف انه لو علق وهو مقفول الموتور يبوظ

ففكرت اني اوصل حساس حرارة واركبه على كوعه او مشترك اعمله عموله واركبه قبل الترموستات واوصله ع عداد حرارة
ليكون عندي ف العربية 2 عداد حرارة واحد قبل الترموستات والتاني بتاع الريداتير بحيث لو لقيت عداد الترموستات علي جامد اعرف ان الترموستات علق

اعتقد ان من اسباب تلف الترموستات مياه الحنفية اللي بنحطها ف الردياتير وكمان ان سوائل التبريد اللي في السوق ممكن تكون مغشوشة

فكره المشترك دي مش فكرتي دي فكره احد الاعضاء في منتدى سيارات اخر وكان يهدف بيها لتركيب عداد حرارة ديجيتال للعربية بس انا هغير مكان المشترك وهركبه قبل الترموستات

أغلب العربيات في الطبيعي عداد الحرارة راكب بين الموتور وكوعة الترموستات وبالتالي لا حاجة للتعديل

**عمارمطر** · 18-09-2013 03:03 AM

موضوع اكثر من رائع ومهم جدا ويجب ان يقدر الكل خطوره الغاء الثرموستات واضراره على الموتور
شكرا على موضوعك المفيد والجميل

**eraser** · 19-09-2013 03:16 AM

تسلم ايدك يا باشا موضوع هايل كالعادة

**mastr_n** · 22-10-2013 10:12 AM

اللة ينور عليك بجد الواحد استفاد كتير من الموضوع
نخش فى الموضع العربية عندى سيراتو 2010 المهم من فترة كدة لقيتها بتسخن على الاخر وانا اصلا ماعنديش مؤشر للحرارة فكانت لمبة ال check كانت بتنور علطول الحمد للة فى مرة وانا ماشى ونزلت ابص عليها لقيت الريداتير فاضى والكهربائى قالى خلى ميكانيكى يبصلك عليها وطبعا فتى المبكانيكية كالعادة زى حضرتك قولت بالزبط قالى دية من ثرمومستات الكوعة وقعد يفتى طبعا ويقولى دية معمولة علشان الدول الباردة والتلج و الحوار دة
المهم شيلتها والعربية ظبطت معايا حوالى يومين ورجعت تانى نفس المشكلة روحتلة تانى قالى هانحل الريداتير ونكشف علية و المهم كشفنا علية لقيتة مخروم فعلا وبيسرب مياة
قالى انا عندى واحد كيا سيراتو استيراد بس شكلة كان متبدهل شوية بس انا فضلت اشترى واحد جديد احسن

مش كدة صح؟
والعيب كدة اكيد مش من الثرموثتات فهل اركبها تانى خصوصا ان احنا داخلين على فصل شتاء وكمان العربية استهلاكها للبنزين عالى نسبيا

ومتشكرين على المواضيع المقيدة دية

**borio1704** · 28-10-2013 09:36 PM

المشاركة الأصلية كتبت بواسطة mastr_n

الله ينور عليك بجد الواحد استفاد كتير من الموضوع
نخش فى الموضع العربية عندى سيراتو 2010 المهم من فترة كدة لقيتها بتسخن على الاخر وانا اصلا ماعنديش مؤشر للحرارة فكانت لمبة ال check كانت بتنور علطول الحمد لله فى مرة وانا ماشى ونزلت ابص عليها لقيت الريداتير فاضى والكهربائى قالى خلى ميكانيكى يبصلك عليها وطبعا فتى المبكانيكية كالعادة زى حضرتك قولت بالزبط قالى دية من ثرمومستات الكوعة وقعد يفتى طبعا ويقولى دية معمولة علشان الدول الباردة والتلج و الحوار دة
المهم شيلتها والعربية ظبطت معايا حوالى يومين ورجعت تانى نفس المشكلة روحتلة تانى قالى هانحل الريداتير ونكشف علية و المهم كشفنا علية لقيتة مخروم فعلا وبيسرب مياة
قالى انا عندى واحد كيا سيراتو استيراد بس شكلة كان متبدهل شوية بس انا فضلت اشترى واحد جديد احسن

مش كدة صح؟
والعيب كدة اكيد مش من الثرموثتات فهل اركبها تانى خصوصا ان احنا داخلين على فصل شتاء وكمان العربية استهلاكها للبنزين عالى نسبيا

ومتشكرين على المواضيع المفيدة دية

أحسن حاجة عملتها إنك غيرت الرادياتير... كده المفروض تكون حليت المشكلة من جذورها..

الثرموستات بقى لازم ترجع فورا علشان أداء العربية يتظبط... بس أهم حاجة تعملها إنك تنظف الدايرة كويس قبل ما تركبه علشان نشيل كل آثار الصدا الموجود في الموتور.. لإني أتوقع تكون بتحط مية عادية من فترة

بالمرة كمان أكشف على دايرة التبريد علشان تطمن إن مفيش أي تسريب تاني.

آخر حاجة عايز أؤكد عليها... ثرموستات الكوعة مفيد في الصيف وفي الشتا... بس فايدته بتبقى واضحة ومحسوسة قوي في الشتا

...

-

-

الموضوع: ثرموستات الكوعة... المفترى عليه

LinkBack

أدوات الموضوع

عرض

-

-

-

-

-

-

المواضيع المتشابهه

ثرموستات الكوعة

سؤال : هل توجد ثرموستات الكوعه داخل الكوعة بتاعت الميه ؟

افيدوني في ثرموستات الكوعة افادكم الله

ثرموستات الكوعة لاوبل فيكترا بي

ثرموستات الكوعة

الكلمات الدلالية لهذا الموضوع

المفضلات

المفضلات

ضوابط المشاركة