أنا معايا حوالي 55000 وعايز أجيب عريبة كوسية ممكن تدلوني أجيب اية
عرض للطباعة
أنا معايا حوالي 55000 وعايز أجيب عريبة كوسية ممكن تدلوني أجيب اية
ده عرض بشوية عربيات من 50 الي 60 الف من car100100
http://car100100.com/search.php?search_type=p&price=50
ممكن ينفعك
شكرا أخ بس انا ماليش في الهوندا
انا بفكر في دايو بس عايزها عالية 2006 اية رايك؟
السيد المحترم
لا يسمح بالتعاملات التجارية الغرض على صفحات المنتدى بدون تصريح من الإدارة
برجاء مراجعة قواعد المنتدى
الإشراف...
لانسر كريستاله موديل 2000
ممكن تركب منها حاله نضيفه اوي بالتمن دا
او ممكن تويوتا عيون موديل 98 او ا99
أنا محتار بين لانسر كريستالة ولا الدايو مع فارق الموديل
يعني بالفلوس الي معايا ممكن اركب لانسر 99 أو دايو 2006/2007
مش عارف بجد؟؟
أ/ محمد شامي
هي الهوندا Si موديل 94 تعمل 55000 و تكون حالة ممتازة فعلاً
اصل انا معيا نفس المبلغ و ممكن يزيد شوية لحد 58000 و كنت بفكر في الهوندا بس ناس خوفتني منها علشان قطع الغيار قليلة شوية و كمان غالية
و ياريت حضرتك توضحلي معدل الأستهلاك بتاع البنزين
و لو موديل 96 Si تعمل في حدود كام
و شكراً لتعاونك
طبعا ممكن تركب كرستالة وانا عندى واحدة مالهاش حل glx
:shocked::shocked:
لانسر ... لانسر ...لانسر
أولا أنا باعتذر عن تأخري في الرد على حضرتك بس والله لسه شايف المشاركه حالا
المهم
قطع غيار الهوندا الأصليه لا تعتبر غالية مقارنة بأدائها و ما يمكن ان يحدث من مشاكل اذا استخدمت التقليد على سبيل المثال مره اشتريت ساعة حرارة تيواني ب 70 جنيه علشان الأصليه كانت ب 190 و الموتور سخن و كان رايح فيها لولا ستر ربنا.
الموديل الSi الجيل الخامس كان أخره سنة 95 و بعدين بدأ الجيل السادس في النزول للأسواق المصريه بالموديلات الأتيه
1- LXi و ده يعمل من 54 الى 58 حسب حالته وكمالياته
2- EXi وده يعمل من 58 الى 62 حسب حالته وكمالياته
3- VTi وده يعمل من 60 الى 68 حسب حالته وكمالياته
4- SiR و ده يعمل من 72 الى 82 حسب حالته و كمالياته