محتار ما بين شراء ford أو Opel وانواعهم

أنا حالياً بدرس موضوع اني أشتري عربية مستعملة في حدود 45,000 وللأسف هو ده أكتر حاجة مكن ادفعها دلوقتي (أنا أصلاً مكنتش ناوي أعدي ال-40,000 بس لو في حاجة نضيفة جداً في حدود 45 مش مشكلة ). ومحتاج شوية مساعدة من أهل الخبرة والناس ال ليها تجارب في العربيات الادامي عشان ينصحوني بإيه عيوب ومزايا كل موديل من البفكر فيهم.

أنا حصرت الاختيارات بتعطي للأتي :
Ford Focus 2002-2000
Ford Mondeo 1997-2000
Ford Escort 1998-2000 (أرخص بكتير من المونديو، دي هتبقى في حدود 35,000)
Opel Vectra 1996-1999
Opel Corsa 2000-2004
Renault Megane 2000

طبعاً ده كلو حسب الحالة، ولو أخدت بالكو فالمقارنة هي أكتر ما بين Opel و-Ford عشان أنا شايف ف رنج السعر ده دول أنضف حاجة ممكن اركبها، في طبعاً Kia و-Hyundai بس أنا عايز اركب حاجة تكون أحسن من كدا شوية، هي دy أولوياتي في الإختيار:
تكون عربية نضيفة، واعطالها في العادي قليلة
1600cc-2000cc ومكن تتحمل جري شوية
سهلة البيع أدام من غير ما أخسر كتير
قطع غيرها متوفرة
لها مكانيكية مش صعب اني الاقيهم
سعر قطع غيرها معقول (مش مشكلة بنسبلي طول ما اعطالها كويسة وهعرف أجيب قطع غيار أصلي بسهولة )

أنا العربية هستخدمهة في مشاوير طويلة عشان شغلي بيخليني اتحرك كتير وبروح أماكن زي 6 أكتوبر والعبور والحرفيين كتير وفي الفترة الجاية في إحتمال أسافر أحياناً برة القاهرة وعشان كدا مش عايز عربية تعطل كتير وملاقيش حد يصلحها ومعرفش اشتري قطع غيار . وأنا أصلاً سكن في الدقي

أنا كتبت موضوع مشابه في منتندى ال-Opel عشان أعرف أراء السادة الأعضاء هناك في خبرتهم مع ال-Opel، وبما إن أقوى منافس لها بنسبلي هي Ford فحبيت اسئل هنا كمان عن إيه أرأكم في ألإختيار الاودامي ولو مكاني هتنأو أنهي موديل وإيه رأيكم في عربيات ال-ford بالأخص الأنا ذكرتها. أنا كنت سمع إن من مشاكل الفورد هي انها مش منتشرة، مفيش ناس كتيرة بتعرف تصلحها (مكانيكية)، التوكيل بعيد، قطع الغيار مش متوفرة وغالية، هل دي فعلاً مشاكل موجودة؟

إيه نصيحتكوا ليا؟

فورد مونديو بس حاله نظيفه و مش حتعدى 40 باى حال بس اكشف عليها كويس قوى و ان شاء الله مش حتندم ابدا

اقتباس:

---

المشاركة الأصلية كتبت بواسطة aliabdo

فورد مونديو بس حاله نظيفه و مش حتعدى 40 باى حال بس اكشف عليها كويس قوى و ان شاء الله مش حتندم ابدا

---

أولاً شكراً جدا على الرد، أنا كنت خلصت قلت محدش هيرد علي.

طب اشمعنى المونديو؟ حضرتك له شايف انها أحسن من بايت الاختيارات زي ال-Opel مثلاً ؟ وهل هي فعلاً أحسن من باقي موديلات الفورد زي ال-focus مثلاً؟

اولا انا معاي فورد و قبلها ركبت عربيات كتير قديم و جديد
الفرد عربيه عريقه و جامده ثبات محترم جدا قطقع غيار لو انت فاهم و بتعرف تدور حتجيبها بسعر كويس جدا
كماليات تمكانيات كويسهاخر حاجه بقي و هي السعر
يعني لو لقيت عربيه زي الومنديو مثلا نفس الموديل و الحاله و ممكن كماليات اقل حتضرب سعر الفورد في 2 تقريبا و ده عن تجربه شخصيه
عموما الااوبل كويس برضو بس انا برجح الفورد و بنصح بيها

للعلم انا كان عندي فليشيا و 124و 132و 128و كرولا مو 2000
و جين 2 و مازدا و ماروتي كان عندي عربيات تانيه مش فاكرها ؛ الفكره اني ركبا عربيات كتير ة اقدر اقولك الفورد ممتازه بس بشرط الحاله الممتازه عشان الفورد عربيه بشوات ما تتركبش من ورا شحات
و ربنا يوفقك

مش هتكلم فى الاوبل علشان عمرى ما سوقت او كان معايا عربية اوبل مقدرش احكم عليها عن نفسى للأمانة

بس اللى اقدر اتكلم عنه هو الفورد ,, بجد اللى يركب فورد مش بيركب حاجة تانية انا كان عندى فيستا ولما بعتها جبت فوكاس 2003 ,, بجد الفورد دى حاجة تانية بمعنى الكلمة تحس فعلا انك راكب عربية

بالنسبة للفوكاس 2002 هى زى اللى معايا بالظبط عربية ممتازة سحب وموتور ممتازين و ثبات عالى جدا جدا جدا بس بتستهلك بنزين الى حد ما بس فعلا العربية ممتازة ,, بس مش عارف هل 45 الف يجيبولك فوكاس بحالة كويسة ولا لأ ,,, والمونديو عربية ممتازة برضوا

بالنسبة لفطع الغيار فهى متوفرة ومش غالية خالص بالنسبة لعمرها ,, والميكانيكية موجودين كتير

وبالنسبة لاعادة البيع فعايز اقولك فعلا الفورد اعاة بيعه سىء من ناحية انك هتخسر فلوس فيها ,,, بس ده فى حالة الجديد انما المستعمل مش بتخسر فلوس خالص وده عن تجربة واقسم بالله انا اليوم اللى نزلت فيه اعلان العربية الفيستا هو هو نفس اليوم اللى جالى مشترى اشتراها ,, معنى كده ان الفورد بتتباع بسهولة يعنى مش زى الكلام اللى بيتقال دى مش بتتباع وملهاش زبونها والكلام الفاضى ده

وفى الاخر قارن بين كل الموديلات وشوف ايه اللى يناسبك انت وتوكل على الله وربنا يوفقك ان شاء الله

شكراً جداً عل ردود والمساعدة يا جماعة، فعلاً الموضوع ده لا يقدر بمال بلنسبالي .

أنا حالياً استبعدت الفيكترا عشان بعد ما سألت كذا واحد له خبرة فيها قالولي بلاش أحسن، أما بتقدم اعطالها بتبقى كتير وأما بتفتح مش بتخلص وهتكرة نفسك معها. الببص عليهم دلوقتي Ford mondeo و-ford focus. ولو مش كدا يبئة دايو نوبيرا أو لانوس بقى. بس أنا ميال أكتر لل ford بس خايف فيها من موضوع الحياه العملية الناس بتخوفني اني مش أهعرف اصلاحها وألاقي قطع غيار، بس المفروض إن التوكيل الجديد محترم وبيعمل صيانة للحاجات الاديم بردو ولا أنا غلطان؟ ومن كلامك أفهم إن قطع الغيار بردو متوفرة؟

اقتباس:

---

المشاركة الأصلية كتبت بواسطة aliabdo

اولا انا معاي فورد و قبلها ركبت عربيات كتير قديم و جديد
الفرد عربيه عريقه و جامده ثبات محترم جدا قطقع غيار لو انت فاهم و بتعرف تدور حتجيبها بسعر كويس جدا
كماليات تمكانيات كويسهاخر حاجه بقي و هي السعر
يعني لو لقيت عربيه زي الومنديو مثلا نفس الموديل و الحاله و ممكن كماليات اقل حتضرب سعر الفورد في 2 تقريبا و ده عن تجربه شخصيه
عموما الااوبل كويس برضو بس انا برجح الفورد و بنصح بيها

للعلم انا كان عندي فليشيا و 124و 132و 128و كرولا مو 2000
و جين 2 و مازدا و ماروتي كان عندي عربيات تانيه مش فاكرها ؛ الفكره اني ركبا عربيات كتير ة اقدر اقولك الفورد ممتازه بس بشرط الحاله الممتازه عشان الفورد عربيه بشوات ما تتركبش من ورا شحات
و ربنا يوفقك

---

أشكرك جداً عل نصيحة والإهتمام، وطبعاً خبرتك دي تقولي إن كلام حضرتك أكيد ثقة.

أنا بختار ما بين 2000 ford mondeo و-focus ٢٠٠٢ حالياً من موديلات ال-ford. وغير كدا حطار أروح عل دايو
حضرتك طيب تنصحني بإيه وانا بدور، يعني أدور على عربية أوتوماتيك ولا منوال وكام cc وتكون عاملة كام كيلو؟ وأنهي يعتبر أحسن ال-focus ولا ال-mondeo ؟ من ناحية الحياه العملية والاعطال وكدا. هي د حتبئى عربيتي الأساسية فطبعاً مش عايز حاجة تتعبني.

وحضرتك طبعاً اتكلمت إن لازم تكون حالتها كويسة، بس أنا أعرف ازاي ده، يعني كا بداية إيه اليخليني أعرف أبوص على إيه، وهل الكشف موجود في التوكيل وهيبقى كافي اني أعرف أقيم العربية ولا هحتاج أعرف حاجة معينة أبوص عليها أو اسئل حد تاني؟

اقتباس:

---

المشاركة الأصلية كتبت بواسطة meda2711

مش هتكلم فى الاوبل علشان عمرى ما سوقت او كان معايا عربية اوبل مقدرش احكم عليها عن نفسى للأمانة

بس اللى اقدر اتكلم عنه هو الفورد ,, بجد اللى يركب فورد مش بيركب حاجة تانية انا كان عندى فيستا ولما بعتها جبت فوكاس 2003 ,, بجد الفورد دى حاجة تانية بمعنى الكلمة تحس فعلا انك راكب عربية

بالنسبة للفوكاس 2002 هى زى اللى معايا بالظبط عربية ممتازة سحب وموتور ممتازين و ثبات عالى جدا جدا جدا بس بتستهلك بنزين الى حد ما بس فعلا العربية ممتازة ,, بس مش عارف هل 45 الف يجيبولك فوكاس بحالة كويسة ولا لأ ,,, والمونديو عربية ممتازة برضوا

بالنسبة لفطع الغيار فهى متوفرة ومش غالية خالص بالنسبة لعمرها ,, والميكانيكية موجودين كتير

وبالنسبة لاعادة البيع فعايز اقولك فعلا الفورد اعاة بيعه سىء من ناحية انك هتخسر فلوس فيها ,,, بس ده فى حالة الجديد انما المستعمل مش بتخسر فلوس خالص وده عن تجربة واقسم بالله انا اليوم اللى نزلت فيه اعلان العربية الفيستا هو هو نفس اليوم اللى جالى مشترى اشتراها ,, معنى كده ان الفورد بتتباع بسهولة يعنى مش زى الكلام اللى بيتقال دى مش بتتباع وملهاش زبونها والكلام الفاضى ده

وفى الاخر قارن بين كل الموديلات وشوف ايه اللى يناسبك انت وتوكل على الله وربنا يوفقك ان شاء الله

---

كلام حضرتك مقنع جداً برد من نحيت إعادة البيع، طب وحضرتك رأيك أبوس على fiesta ولا escort ولا focus ولا mondeo، أنا شايف إن ال-mondeo وال-focus أحسن ٢ ادامي ومبستش عل باقي كتير بصراحة مدام أقدر أبوص على دول. طب إيه الحضرتك تعرفو من عيوب الفوكس أو الحاجات الأبص عليها وأنا بشتري عشان أقيم العربية؟

أنا ساكن في الدقي فهل في مكانيكية موجودين قريب مني؟ وهل التوكيل بيعمل صيانة ويوفر قطع غيار للموديلات الزي مع حضرتك؟

لو حضرتك مكن تقولي برد مثل لقطع الغيار بكام ده بردو هيسعدني جداً، يعني مثلاً لو حاعمل صيانة عامة للعربية هتتكلف في حدود كم؟ طقم بوجيهات، تيل فرامل ؟ طرمبة بنزين؟ حساسات أو فوانيس؟ عشان بس أبقى وخد فكرة

لو المقارنة بين الاربع عربيات دول وعايز منهم اتنين تقارن بينهم بس يبقى اكيد فوكاس ومونديو واستبعد الفيستا والاسكورت

والله هى الفوكاس زى اى عربية ملهاش حاجات معينة يعنى انت تكشف كشف شامل على الشاسيه والعفشة والموتور فى مركز او بنزينة محترمة او فى التوكيل ,, والتوكيل بيصلح الفيستا ال 98 وبيبع ليها قطع غيار يبقى اعتقد بيبع للفوكاس الموديل ده واصلا قطع غيارها متوفرة جدا جدا بره التوكيل انا سألت طبعا قبل ما اشترى وموجودة عادى واسعارها قريبة من الفيستا 98 اغلى حاجة بسيطة ,,,, انا العربية لحد دلوقتى مغيرتش فيها حاجة غير البوجيهات وسعرهم زى بتوع الفيستا بالظبط 100 جنيه الطقم " اصلى" ,, بس انا جبت طقم اصلى بلاتنيوم وده ب 200 جنيه بس عموما قطع غيارها مش غالبة ومتوفرة جدا و حتى قطع الغيار الاستيراد موجودة ومتوفرة جدا ... لحد دلوقتى العربية مش شايف فيها اى عيوب يعنى ثبات عالى جدا جدا جدا جدا جدا وموتور ممتاز وفخامة وكماليات وتكييف ممتاز ... يمكن العيب الوحيد اللى شايفه انها بتستهلك بنزين او يمكن علشان انا كنت راكب الفيستا 1300 فمكنتش بتسحب بنزين فمش متعود انما هى عربية ممتازة فعلا ساعتها هتحس انك راكب عربية... بشرط انك تجيب حاجة حالتها ممتازة وان شاء الله ربنا يوفقك فى عربية ممتازة

اقتباس:

---

المشاركة الأصلية كتبت بواسطة meda2711

لو المقارنة بين الاربع عربيات دول وعايز منهم اتنين تقارن بينهم بس يبقى اكيد فوكاس ومونديو واستبعد الفيستا والاسكورت

والله هى الفوكاس زى اى عربية ملهاش حاجات معينة يعنى انت تكشف كشف شامل على الشاسيه والعفشة والموتور فى مركز او بنزينة محترمة او فى التوكيل ,, والتوكيل بيصلح الفيستا ال 98 وبيبع ليها قطع غيار يبقى اعتقد بيبع للفوكاس الموديل ده واصلا قطع غيارها متوفرة جدا جدا بره التوكيل انا سألت طبعا قبل ما اشترى وموجودة عادى واسعارها قريبة من الفيستا 98 اغلى حاجة بسيطة ,,,, انا العربية لحد دلوقتى مغيرتش فيها حاجة غير البوجيهات وسعرهم زى بتوع الفيستا بالظبط 100 جنيه الطقم " اصلى" ,, بس انا جبت طقم اصلى بلاتنيوم وده ب 200 جنيه بس عموما قطع غيارها مش غالبة ومتوفرة جدا و حتى قطع الغيار الاستيراد موجودة ومتوفرة جدا ... لحد دلوقتى العربية مش شايف فيها اى عيوب يعنى ثبات عالى جدا جدا جدا جدا جدا وموتور ممتاز وفخامة وكماليات وتكييف ممتاز ... يمكن العيب الوحيد اللى شايفه انها بتستهلك بنزين او يمكن علشان انا كنت راكب الفيستا 1300 فمكنتش بتسحب بنزين فمش متعود انما هى عربية ممتازة فعلا ساعتها هتحس انك راكب عربية... بشرط انك تجيب حاجة حالتها ممتازة وان شاء الله ربنا يوفقك فى عربية ممتازة

---

....ممكن استفسر من حضرتك عن السعر اللى اشتريت بيه عربيتك؟؟ وانا حاسس ان الجيل الاول من الفوكاس ده مش منتشر مع انى اعرف ان سمعته ممتازة...ممكن اعرف النضيف من الجيل ده موديلات 2000-2005 يعمل رينج كام ؟؟

توكل على الله واركب فورد يا باشا بجد ومش هتندم
انا شارى فورد اسكورت من 3 شهور وهبيعها لانها واخدة عين حلوة وعاملة حادثتين فى شهر واحد وهجيب فورد تانى يا اما اسكورت يا اما مونديو
واسعار قطع غيارهم معقولة جايب الكبوت بتاع الاسكرت استيراد بحوالى 400 جنية والساترة الامامية ب 300 جنية
اعسعر قطع غيارها رخيص ومش غالى بس انت هتتلسع لسعتين كدة فى الاول لغاية لما تعرف تدور فين فى الحادثة الاولانية كنت جبت الكبوت ب 600 جنية والستارة ب500