استفسار في الانترا الجديدة

**Rsarabia** · 09-01-2013 03:54 PM

المشاركة الأصلية كتبت بواسطة SAMEH_FOUAD

مافيش ولا فئة فيها ايموبليزر فى الالنترا كلها بدون ايموبليزر حتى ال fully loaded , عشان بس تبقوا عارفين , العربية لو فيها ايموبليزر هتلاقى رسمة مفتاح اول لما تيجى تفتح الكونتاكت

دا بالنسبة للوكيل :)
لكن الخليجى فيه ايموبيليزر فى الفئات العالية ابتداءا من High Line مرورا ب GLS و فولى لودد
الفئات الاقل مفيهاش ايموبيليزر الكلام دا بالنسبة ل 2012 و 2013

لكن عمو غبور سواء 2012 او 2013 لا يوجد ايموبيليزر الا فى الفولى لودد اللى هى اصلا بصمة

**svneleven** · 12-02-2013 05:45 AM

ما فيش حساس و لا شاشة ديجيتال. سألت واحد تاني في التوكيل قال ما فيهاش ايموبيلايزر و كمان حطيت المفتاح في الكونتاكت و ما فيش علامة مفتاح طلعت في التابلوه فواضح ان فعلا ما فيهاش ايموبيلايزر.

**svneleven** · 12-02-2013 05:58 AM

المشاركة الأصلية كتبت بواسطة ahmed_lada

بسم الله الرحمن الرحيم
افهم من كاتب الموضوع إن السيارة فيها مميزات رغم عن العيب اللى بتتكلم فيه ممكن تقول رأيك فيها بصراحة لانى ناوي اشتري عربية ومحتار اشتر إيه

بأمانة ما فيهاش عيوب جوهرية أو حاجة مؤرقة. لكن مثلا مش موفرة في البنزين زي ما بيقولوز عادية خالص. أنا مثلا بعمل 11 كيلو بالكتير في اللتر مع العلم أني علي طول بجري بالعربية و بعمل كيك داون. العلربية واطية بسيط لكن زيها زي كل العربيات. الحاجة الرخمة بجد بالنسبالي و ممكن ناس كتير ما تحسهاش حكاية أن ديل العربية بيلعب لو أخذت ملف علي سرعة و كان فيه مطب بعرض الطريق. لكن لو ما فيش مطب العربية عاملة زي العنكبوت و ثباتها في الملفات حكاية بجد. أنا شايف أن العربية ديه رغم أني شايف أدائها عادي لكن هي فعلا أحسن عربية بالتمن ده من حيث الشكل و الاأداء و اعادة البيع و النعومة و السعة الداخلية.

**Samir Elshahawy** · 12-02-2013 10:10 AM

المشاركة الأصلية كتبت بواسطة svneleven

بأمانة ما فيهاش عيوب جوهرية أو حاجة مؤرقة. لكن مثلا مش موفرة في البنزين زي ما بيقولوز عادية خالص. أنا مثلا بعمل 11 كيلو بالكتير في اللتر مع العلم أني علي طول بجري بالعربية و بعمل كيك داون. العلربية واطية بسيط لكن زيها زي كل العربيات. الحاجة الرخمة بجد بالنسبالي و ممكن ناس كتير ما تحسهاش حكاية أن ديل العربية بيلعب لو أخذت ملف علي سرعة و كان فيه مطب بعرض الطريق. لكن لو ما فيش مطب العربية عاملة زي العنكبوت و ثباتها في الملفات حكاية بجد. أنا شايف أن العربية ديه رغم أني شايف أدائها عادي لكن هي فعلا أحسن عربية بالتمن ده من حيث الشكل و الاأداء و اعادة البيع و النعومة و السعة الداخلية.

بداية تقبل تحياتي و مروري بالموضوع ..

أنت بنفسك قولت : بتجري و تعمل كيك داون علي طول
يعني بتحرق بنزين علي طول
عايزها توفر في البنزين أزاي ؟

شوف يا سيدي الفاضل ..

من خلال أستخدامي للألنترا md علي مدار أكثر من سنة و عامل بيها دلوقتي قرابة ال 36,000 كم معظمهم سفر و طرق سريعة , أقدر أقول و بكل ثقة أن استهلاك العربية دي كالتالي :

أولا.. في الطرق السريعة و حتي سرعة 120 كم/س
- 6.8 لتر / 100 كم كحد أقصي : علي سرعة 120 كم/س و حتي 138 كم/س
- 5.7 لتر / 100 كحد أدني : علي سرعات أقل من ال 100 كم/س
و لكن يشترط ثبات السرعة لفترات طويلة و زيادة السرعات بشكل تدريجي

ثانيا.. داخل المدينة (في الطرق المزدحمة) :
- أعلي متوسط أستهلاك كان 9 لتر / 100 كم (وسط القاهرة)
- أعلي متوسط أستهلاك كان حوالي 11 لتر / 100 كم (وسط المدينة - شارع شبرا تحديدا)

ثالثا.. الاجمالي مابين الطرق السريعة و داخل المدن :
أنا متوسط أستهلاكي اليومي هو المؤشر الحقيقي لهذه النوعية لأني باتحرك يوميا كالتالي :
- الرحاب / مساكن شيراتون (حوالي 15 كم) .. متخذا طريق السويس - ثم الاوتوستراد
- مساكن شيراتون / الرحاب (حوالي 15 كم) .. متخذا الاوتوستراد - ثم طريق السويس
متوسط السرعة في رحلتي الذهاب و العودة حوالي 50 كم/س و بحد أقصي 130 كم/س

هذا بالاضافة لبعض المشاوير الاضافية داخل الرحاب و مدينة نصر و التجمع الخامس

الأستهلاك من واقع قراءة كمبيوتر العربية :
- من 7.5 لتر / 100 كم
- الي 8.0 لتر / 100 كم

الأستهلاك من الواقع :
- بافول بنزين مرة كل أسبوع : حوالي 20 لتر
- أجمالي المسافة المقطوعة أسبوعيا : حوالي 250 كم (شاملة كل تحركاتي خلال الاسبوع للعمل و المشاوير الخاصة)

بذلك يكون اللتر بيعمل 12.5 كم .. أي متوسط الاستهلاك الحسابي هو 8.0 لتر / 100 كم
و هو يتطابق الي حد كبير مع قراءة كمبيوتر العربية

و عايز أقول لك حاجة كمان :
حاليا انا بأحاول أقلل من أستهلاك البنزين
- بأتباع اسلوب قيادة مثالية و هادية
- أتباع مسارات ذات كثافة مرورية منخفضة
- أتباع مسارات أقل طولا في المشاوير اليومية الروتينية

النتيجة أني وصلت لمعدل أستهلاك 2.0 لتر بنزين في اليوم

هنا بقي السؤال لحضرتك و كل الاخوة اللي بيشوفوا الموضوع و الرد بتاعي :

كده الالنترا md موفرة و لا مش موفرة ؟

**SHAW2Y_103** · 12-02-2013 05:23 PM

موفره جدا طبعا وبعدين يبشمهندس سمير الواحد بيخد كلامك ثقه انا اصلا حجزت النترا على كلامك بس مستني اللون يوصل ان شاء الله قريبا

**Ultramisho** · 12-02-2013 11:18 PM

الالنترا عربية مبهرة بمزاياها
وكل ماتغلى ابحث عن غيرها وبعدين ارجعلها
وان شاء الله هأغير في الصيف عند عودتي لمصرنا الغالية

بس برضه انا احترت
الفولي لودد وكيل فيها ايموبيليزر ولا لأ
اصلي نزلت البروشور بتاعها مالقيتش اي كلام عن الايموبيليزر اكنه اكتشاف رغم وجوده في الاي اكس 20

أفيدونا أفادكم الله باجابة شافية مؤكدة

خالص تحياتي
ياريت تفيدوني لان الرد يفرق معايا

**Samir Elshahawy** · 12-02-2013 11:22 PM

المشاركة الأصلية كتبت بواسطة ultramisho

الالنترا عربية مبهرة بمزاياها
وكل ماتغلى ابحث عن غيرها وبعدين ارجعلها
وان شاء الله هأغير في الصيف عند عودتي لمصرنا الغالية

بس برضه انا احترت
الفولي لودد وكيل فيها ايموبيليزر ولا لأ
اصلي نزلت البروشور بتاعها مالقيتش اي كلام عن الايموبيليزر اكنه اكتشاف رغم وجوده في الاي اكس 20

أفيدونا أفادكم الله باجابة شافية مؤكدة

خالص تحياتي
ياريت تفيدوني لان الرد يفرق معايا

اللي أعرفه أنها مش موجودة في عربيات الوكيل لكن ممكن في الخليجي
عموما هأتأكد و أرد عليك

**Ultramisho** · 12-02-2013 11:54 PM

المشاركة الأصلية كتبت بواسطة samir elshahawy

اللي أعرفه أنها مش موجودة في عربيات الوكيل لكن ممكن في الخليجي
عموما هأتأكد و أرد عليك

أشكركم باباشمهندس
وفي انتظار ردكم الكريم

بارك الله فيكم

**svneleven** · 14-02-2013 02:54 PM

المشاركة الأصلية كتبت بواسطة samir elshahawy

بداية تقبل تحياتي و مروري بالموضوع ..

أنت بنفسك قولت : بتجري و تعمل كيك داون علي طول
يعني بتحرق بنزين علي طول
عايزها توفر في البنزين أزاي ؟

شوف يا سيدي الفاضل ..

من خلال أستخدامي للألنترا md علي مدار أكثر من سنة و عامل بيها دلوقتي قرابة ال 36,000 كم معظمهم سفر و طرق سريعة , أقدر أقول و بكل ثقة أن استهلاك العربية دي كالتالي :

أولا.. في الطرق السريعة و حتي سرعة 120 كم/س
- 6.8 لتر / 100 كم كحد أقصي : علي سرعة 120 كم/س و حتي 138 كم/س
- 5.7 لتر / 100 كحد أدني : علي سرعات أقل من ال 100 كم/س
و لكن يشترط ثبات السرعة لفترات طويلة و زيادة السرعات بشكل تدريجي

ثانيا.. داخل المدينة (في الطرق المزدحمة) :
- أعلي متوسط أستهلاك كان 9 لتر / 100 كم (وسط القاهرة)
- أعلي متوسط أستهلاك كان حوالي 11 لتر / 100 كم (وسط المدينة - شارع شبرا تحديدا)

ثالثا.. الاجمالي مابين الطرق السريعة و داخل المدن :
أنا متوسط أستهلاكي اليومي هو المؤشر الحقيقي لهذه النوعية لأني باتحرك يوميا كالتالي :
- الرحاب / مساكن شيراتون (حوالي 15 كم) .. متخذا طريق السويس - ثم الاوتوستراد
- مساكن شيراتون / الرحاب (حوالي 15 كم) .. متخذا الاوتوستراد - ثم طريق السويس
متوسط السرعة في رحلتي الذهاب و العودة حوالي 50 كم/س و بحد أقصي 130 كم/س

هذا بالاضافة لبعض المشاوير الاضافية داخل الرحاب و مدينة نصر و التجمع الخامس

الأستهلاك من واقع قراءة كمبيوتر العربية :
- من 7.5 لتر / 100 كم
- الي 8.0 لتر / 100 كم

الأستهلاك من الواقع :
- بافول بنزين مرة كل أسبوع : حوالي 20 لتر
- أجمالي المسافة المقطوعة أسبوعيا : حوالي 250 كم (شاملة كل تحركاتي خلال الاسبوع للعمل و المشاوير الخاصة)

بذلك يكون اللتر بيعمل 12.5 كم .. أي متوسط الاستهلاك الحسابي هو 8.0 لتر / 100 كم
و هو يتطابق الي حد كبير مع قراءة كمبيوتر العربية

و عايز أقول لك حاجة كمان :
حاليا انا بأحاول أقلل من أستهلاك البنزين
- بأتباع اسلوب قيادة مثالية و هادية
- أتباع مسارات ذات كثافة مرورية منخفضة
- أتباع مسارات أقل طولا في المشاوير اليومية الروتينية

النتيجة أني وصلت لمعدل أستهلاك 2.0 لتر بنزين في اليوم

هنا بقي السؤال لحضرتك و كل الاخوة اللي بيشوفوا الموضوع و الرد بتاعي :

كده الالنترا md موفرة و لا مش موفرة ؟

أنا معاك أن طريقة سواقتي مستهلكة للبنزين و لكن أنا كل العربيات اللي ركبتها كنت بسوقها بنفس الطريقة و كان تقريبا الاستهلاك هو هو زي الانترا. يعني مش موفرة عنهم و لا حاجة.