استفسار في الانترا الجديدة

**svneleven** · 08-01-2013 06:51 AM

السلام عليكم و رحمة الله. عندي شوية استفسارات كده.
مبدئيا العربية معايه من شهر 3/2012 و ماشية حوالي 9800 كم عشان أنا بسافر كتير و أسيببها مركونة.
المهم من كام اكتشفت أن عربيتي ما ينفعش أفتح الكنبة علشان الشنظة تتفتح علي الصالون زي كل العربيات. ده الجيتز و السيينا كان فيها كده. حركة خنيقة قوي. و طبعا راجعت دليل المالك لقيت أن فيه شدادين في الشنطة عشان تفتح الكنبة لكن واضح أن الأخ غبور مش منزلها كده لكن مكتوب في دليل المالك أن ده أوبشن مش في كل العربيات. فكنت عاوز أعرف من الأخوة الملاك الكلام ده عند الجميع و الا عربيتي أنا فقط.
أنا جربت طبعا أفتح الباب بالمفتاح من غير ما استعمل الريموت و طبعا الكلاكس اشتغل و فضحتني فكده أتأكدت أن الانذار شغال لكن كنت عاوز أشوف موضوع ال ايموبيلايزر. جربت أقعد جوه العربيه و قفلت الانذار و دورت دارت عادي لكن بردو الكلاكس اشتغل فسألت التوكيل قالي هتدور طالما بالمفتاح بتاعها و أكدلي أن فيها ايموبيلايزر. طب عشان أعرف أجرب أزاي؟ فكرت أعمل مفتاح عند أي حد و أجرب المفروض ما تدورش الا بمفتاحها. مش عارف يا ريت تفيدوني.
حاجة تاني عربيتي وكيل موديل 2012 اوتوماتيك جنوط 16 مش طاسات بلوتوث و ABS و Driver Air Bag و Sun roof. ديه اسمها ايه؟ هاي لاين و الا GLS و فئه كام تانية و الا تالتة و الا ايه؟
و شكرا جزيلا لكل من سيقرأ و لكل من سيرد و أتمني أني أكون واحد منكم لأني الصراحة باعشق العربية ديه مش عشان هيه أحسن عربية أو ما فيهاش عيوب لكن لأني بلاقي نفسي فيها.

**Medicalist** · 08-01-2013 08:36 AM

بالنسبه للايموبلايزر روح على اى حد بتاع مفاتيح عاديه وقوله يطلعلك مفتاح على الى معاك مفتاح عادى هيقولك مشفر سيبك منه قله لا انا عايزه عادى ب 10 او 12 جنيه تكلفته
روح على العربيه هيفتح الباب ماشى
دور الكونتاك لو دار يبقى مفيش فيها
لو ما دارتش يبقى المفتاح مشفر و العربيه فيها ايموبلايزر

**Samir Elshahawy** · 08-01-2013 09:44 AM

المشاركة الأصلية كتبت بواسطة svneleven

السلام عليكم و رحمة الله. عندي شوية استفسارات كده.
مبدئيا العربية معايه من شهر 3/2012 و ماشية حوالي 9800 كم عشان أنا بسافر كتير و أسيببها مركونة.
المهم من كام اكتشفت أن عربيتي ما ينفعش أفتح الكنبة علشان الشنظة تتفتح علي الصالون زي كل العربيات. ده الجيتز و السيينا كان فيها كده. حركة خنيقة قوي. و طبعا راجعت دليل المالك لقيت أن فيه شدادين في الشنطة عشان تفتح الكنبة لكن واضح أن الأخ غبور مش منزلها كده لكن مكتوب في دليل المالك أن ده أوبشن مش في كل العربيات. فكنت عاوز أعرف من الأخوة الملاك الكلام ده عند الجميع و الا عربيتي أنا فقط.
أنا جربت طبعا أفتح الباب بالمفتاح من غير ما استعمل الريموت و طبعا الكلاكس اشتغل و فضحتني فكده أتأكدت أن الانذار شغال لكن كنت عاوز أشوف موضوع ال ايموبيلايزر. جربت أقعد جوه العربيه و قفلت الانذار و دورت دارت عادي لكن بردو الكلاكس اشتغل فسألت التوكيل قالي هتدور طالما بالمفتاح بتاعها و أكدلي أن فيها ايموبيلايزر. طب عشان أعرف أجرب أزاي؟ فكرت أعمل مفتاح عند أي حد و أجرب المفروض ما تدورش الا بمفتاحها. مش عارف يا ريت تفيدوني.
حاجة تاني عربيتي وكيل موديل 2012 اوتوماتيك جنوط 16 مش طاسات بلوتوث و ABS و Driver Air Bag و Sun roof. ديه اسمها ايه؟ هاي لاين و الا GLS و فئه كام تانية و الا تالتة و الا ايه؟
و شكرا جزيلا لكل من سيقرأ و لكل من سيرد و أتمني أني أكون واحد منكم لأني الصراحة باعشق العربية ديه مش عشان هيه أحسن عربية أو ما فيهاش عيوب لكن لأني بلاقي نفسي فيها.

(1).. بالنسبة للانذار شوف الموضوع ده :
http://www.nilemotors.net/Nile/31616...-2012-a-2.html

(2).. موديل عربيتك هو GLS

(3).. بالنسبة لموضوع الكنبة الخلفية ده موجود في كل عربيات الفئة الاولي حتي الفئة الثالثة اللي معاك علي كلامك لكن لاحظ أن فيه ورا المسند الخلفي فتحة علي الشنطة من خلال الكنبة نفسها

(4).. طبعا أحنا بنرحب بيك معانا في قسم هيونداي و ياريت تنضم بتسجيل بياناتك في دليل مالكي الألنترا MD :
http://www.nilemotors.net/Nile/327991-md.html

و للمزيد من المعلومات أو الاستفسارات يرجي الاطلاع علي الرابط التالي :
http://www.nilemotors.net/Nile/277467-md.html

**akmm** · 08-01-2013 10:21 AM

جميل ................

**Ahmed_BYD_F0** · 08-01-2013 10:42 AM

بسم الله الرحمن الرحيم
افهم من كاتب الموضوع إن السيارة فيها مميزات رغم عن العيب اللى بتتكلم فيه ممكن تقول رأيك فيها بصراحة لانى ناوي اشتري عربية ومحتار اشتر إيه

**Rsarabia** · 08-01-2013 11:07 AM

حضرتك لو عندك حساس ركن و التكييف له شاشة ديجتال هتبقى gls
مفيش حساس ولا شاشة ديجتال هتبقى اعلى فئة فى الهاى لاين
بالنسبة لموضوع الايموبيليزر بنسبة 90 % مش هيكون فيها
لان معلوماتى ان ال 2012 الوكيل مفيش فيها ايموبيليزر غير فى الفولى لودد اللى هى اصلا بصمة :)
لو حضرتك عاوز تتأكد هتحط المفتاح و تفتح الكونتاك تكة واحدة بس و تبص فى التابلو لو لقيت علامة مفتاح جوة العربية يبقى فيها ملقتهوش يبقى مفيهاش من غير متحاول تطلع عليه نسخة

**محمد التنجى** · 08-01-2013 09:06 PM

العربيه دى هاى لاين gl وليسgls انا معايا نفس الفئه
ع ماعتقد انها مفيهاش ايمبوليزر
فى فتحه ورالمسند الخلفى على الشنطه

**hossam_elwani** · 08-01-2013 09:46 PM

المشاركة الأصلية كتبت بواسطة rsarabia

حضرتك لو عندك حساس ركن و التكييف له شاشة ديجتال هتبقى gls
مفيش حساس ولا شاشة ديجتال هتبقى اعلى فئة فى الهاى لاين
بالنسبة لموضوع الايموبيليزر بنسبة 90 % مش هيكون فيها
لان معلوماتى ان ال 2012 الوكيل مفيش فيها ايموبيليزر غير فى الفولى لودد اللى هى اصلا بصمة :)
لو حضرتك عاوز تتأكد هتحط المفتاح و تفتح الكونتاك تكة واحدة بس و تبص فى التابلو لو لقيت علامة مفتاح جوة العربية يبقى فيها ملقتهوش يبقى مفيهاش من غير متحاول تطلع عليه نسخة

+1111111111111

**easy2002** · 09-01-2013 02:05 PM

العربية مفيش فيها ايموبليزر لو فيها هتلاقي لمبة نورت مع أول تكه ف المفتاح لونها أصفر مائل للبرتقالي عبارة عن عربية جواها مفتاح ودي ف الفولي لودد فقط

**SAMEH_FOUAD** · 09-01-2013 02:56 PM

مافيش ولا فئة فيها ايموبليزر فى الالنترا كلها بدون ايموبليزر حتى ال fully loaded , عشان بس تبقوا عارفين , العربية لو فيها ايموبليزر هتلاقى رسمة مفتاح اول لما تيجى تفتح الكونتاكت