ضبط زوايا الساجا في بريدجستون

**amazingahmed** · 08-01-2013 07:47 AM

امبارح قررت أني أروح أضبط الزوايا للساجا علشان العربية بتحدف شمال، و الحدفة زادت لما غيرت أماكن الأربع عجلات Cross
المهم رحت بريدجستون عمارات العبور لأنهم هم اللي عندهم برنامج الساجا (على فكرة البرنامج بتاع ساجا 2007 لكن شغال على الموديلات الجديدة كمان) و كشف عليها و قاللي أنها محتاجة زرجينة و أنهم معندهمش و قاللي روح اسأل في أحمد سعيد. و قاللي افتح العجلة اليمنى الأمامية نصف سنتي لفوق و العجلة اليمنى الخلفية سنتي.
و فعلا رحت أحمد سعيد و سألت وصفولي واحد في شارع الجيش رحتله عمللى الزرجينة و أخد 100 جنيه.
رجعت لبريدجستون و قالولي أن الزرجينة مضبوطة و كمل هو ضبط الزوايا و الحمد لله العربية مبقتش تحدف.
التكلفة:
بريدجستون: 15 جنيه كشف و 35 جنيه ضبط (لأن فيه خصم 50% لحاملي ستيكر نابل موتورز)
الاسطى محمد: 100 جنيه زرجينة

**Ahmed_BYD_F0** · 08-01-2013 09:39 AM

بسم الله الرحمن الرحيم
افهم من كاتب الموضوع إن السيارة فيها عيوب ممكن تقول رأيك فيها بصراحة لانى ناوي اشتري عربية ومحتار اشترى إيه

**akmm** · 08-01-2013 10:19 AM

الله يبارك لك فيها ........................

**momo44** · 08-01-2013 11:47 AM

ال100 جنيه زرجينة العجلتين يعنى الفردة ب 50
طيب ممكن تقولى مكانه بالظبط

**amazingahmed** · 20-01-2013 11:03 AM

المشاركة الأصلية كتبت بواسطة Ahmed_Lada

بسم الله الرحمن الرحيم
افهم من كاتب الموضوع إن السيارة فيها عيوب ممكن تقول رأيك فيها بصراحة لانى ناوي اشتري عربية ومحتار اشترى إيه

مفيهاش عيوب ولا حاجة. ضبط الزوايا بيتعمل في أي عربية لما تحس أنها بدأت تحدف منك. و ده غالبا بيحصل من الشوارع الزبالة اللي بنمشي فيها أو لو عملت حادثة أثرت على العجل أو لو غيرت فرد الكاوتش مكان بعضها. العربية ما شاء الله جميلة و قيمة مقابل النقود. لا تتوقع أن تكون مرسيدس و لكنها سيارة ممتازة لسعرها.

المشاركة الأصلية كتبت بواسطة momo44

ال100 جنيه زرجينة العجلتين يعنى الفردة ب 50
طيب ممكن تقولى مكانه بالظبط