مفتاح توجية هواء التكييف اتكسر يارجالة

**MITSUKERO** · 08-01-2013 10:59 AM

السلام عليكم

امبارح و الجو تلج بشغل الدفاية في العربية و بغير وضع الهواء علشان يطلع من الهوايات اللي عند الزجاج الامامي و هووووب المفتاح تقل سنه بسيطة بتعافي عليه بس مش قوي يعني و لقيته زي ما يكون فوت كده و مش شغال و الهواء بيطلع من الهوايات الطبيعية فقط و مش راضي يغير اتجاه خروج الهواء

ممكن بس طريقة تصليحة او حد يقولي اصلحة فين او افكه اكشف عليه الاول ولا اعمل ايه ؟

انا بحتاج المفتاح ده جدا خصوصا في الشتاء علشان الهواء السخن ميبقاش خارج في وشي علي طول لانه بالوضع ده هيخيلي برد وش لاني هتنفس الهواء السخن بطريقة مباشرة انما لما ببقي عامل علي اتجاه الخروج من هوايات الزجاج بيبقي جو العربية سخن بس الهواء مش مباشر و بيفرق جدا والله

ارجو المساعدة و جزاكم الله خير

**mero100** · 08-01-2013 11:29 AM

أحد أمرين :
‏1- الفتاح نفسه إتكسر
‏2- أو إن الوايرات إتقطعت .

أعتقد اللي حيكشف حد بتاع تكييف .

لو الوايرات .. دي بتتباع.

عاوز بقي أنصحك نصيحه أخويه .. متشغلش التكييف سخن لأن أضراره جامده جدا بعد ما تنزل من العربيه.

**MITSUKERO** · 08-01-2013 12:26 PM

المشاركة الأصلية كتبت بواسطة mero100

أحد أمرين :
‏1- الفتاح نفسه إتكسر
‏2- أو إن الوايرات إتقطعت .

أعتقد اللي حيكشف حد بتاع تكييف .

لو الوايرات .. دي بتتباع.

عاوز بقي أنصحك نصيحه أخويه .. متشغلش التكييف سخن لأن أضراره جامده جدا بعد ما تنزل من العربيه.

بأذن الله هروح للراجل بتاع التكييفات اللي بتعامل معاه علي يوم الجمعة

و للأسف انا مش بعرف امشي من غير التكييف السخن في الشتاء بس انا مش بعمله سخن علي الاخر انا بعمله علي منتصف المسافة بين السخن و الساقع و بشغل الفريون عادي يعني بعادل جو العربية مش اكتر و قبل ما اوصل المكان اللي رايحة بعشر دقائق ببتدي اظبط درجة الحرارة بالتدريج و ربنا بيستر

الجو تراب مش ساقعه بس و ده صعب جدا تفتح الشبابيك معاه ده غير ريحة العادم بقي و الكلاكسات غصب عنك بتقفل الزجاج