أنا معايا حالياً 127 موديل 1984 وناوى أبيعها .. لوفرضنا أن معايا 20 ألف جنيه .. تنصحونى أشترى أيه مستعمل
عرض للطباعة
أنا معايا حالياً 127 موديل 1984 وناوى أبيعها .. لوفرضنا أن معايا 20 ألف جنيه .. تنصحونى أشترى أيه مستعمل
لو معاك 20 الف وهتكمل عليهم ثمن العربيه 127 ولا 20 الف بس علشان هتفرق كتير جداااا لان العشرين الف مش هتركب عربيه حديثه يعني ممكن 25000 تجيب هوينداي اكسيل 1300 انما 20000 ممكن تجيب عربيه سوزوكي ماروتي موديل اواخر التسعينات
لا 20 الف بس >>> وشكراً على ردك وأهتمامك
انصحك وعن تجربة بالمازدا 323 سيدان بس تكون موديل 82 يابانى لان اللى بعد كده كورى بس طبعا شرط الحاله الكويسه
موفرة جدا فى البنزين وواسعه من جوه وشكلها شيك بالنسبة للموديلات القديمة
ممكن بعد كده عندك الفيات بموديلاتها 128 -132 -131 وكل حاجه حسب حالتها طبعا
وبرده نصيحه متدفعش فلوسك كلها فى العربية مرة واحده لان العربية مهما كانت كويسه هتحتاج تصرف عليها شوية يعنى تجيب فى حدود 18000 مثلا وتعمل حسلبك فى 2000 تظبط بيهم العربية على مزاجك
واى مساعده او استفسار انا تحت امرك ان شاء الله وبالتوفيق
احسن عربية فى السعر دة هى المازدا 323 عربية ناعمة وسحبها ممتاز وثباتها حلو جدا وقطع الفيار متوفرة ومش غالية
uno
لادا سماارا الجبارة..ناعمة وجامدة جدااااااا...
انا معايل نفس السعر بس انا احسن عربيات لاقيتها فى السعر ده كانت بالترتيب
سوزوكى سويفت
ابيزا 89 سيستم بورش حاله ممتازه وكانت عامله 18 الف ماتور 1200 cc
اكسيل هاتش باااك بس كل اللى شوفته راشش جوا بسب لحام او مغير نص علشان كدا بعدت عنهم خالص لان اكتشفت ان مفيش حاله نضيفه بالسعر ده
الماروتى ولونى مبحبهاش
لادا سمارا كانت عامله 17 الف بس معجبتنيش حسيت انها عربيه غريبه وشديده زياده عن اللزوم وناشفه
و البى ام 316 و 318 موديل 1980ّّّّل موديل 1982 بس عيبها قطع الغيار
سيتروين AX بس نا كتير قالولى ابعد عنها مش عارف ليه الصراحه
مازدا 323 موديل 80 -81-82 بس الصراحه شكلها معجبنيش
هوندا سيفك موديل 80-82-83-84-85 ودى عجابتنى جدااااااا بس لاقيت السويفت اشيك منها
فورد فيستا ودى برده قالولى قطع غيارها مفيش و بتسخن
المهم انا اللى عاجبنى فى ده كلوا كان الاكسيل بس المشكله كانت الحاله بالسعر ده وحشه والسويفت كانت بالنسبالى احسن اختيار وادينى اهو هروح اشوف واحده فى اليومين دول وادولى وياريت كلوا يقولى رايه
انا شايف احسن حاجه بالنسبالك هتكون الأونو بس ممكن تزود حاجات بسيطه
خليهم معاك أحسن ، التوكيلات هتخلى الناس تسيب عربياتها فى البيت وتمشى ملط فى الشوارع