☎ ◣◥ هل ما زلت تستخدم التيلفون الارضي ؟ ◤◢ ☎

**Y a r i s** · 08-01-2013 01:02 PM

مساء الخير ... والاحساس والطيبة

الا صحيح يا شباب ... هل انتوا لسه بتستخدموا التيلفون الارضي
ولا خلاص راحت عليك يا سكر ... ومقضينها موبايلات .... وهل التيلفون الارضي له جدوى حقيقية في حياتك ، ولا اهميتوا كلها بتتركز بالاتصال بالدلفري ههههههه هل معقولة لسه لحد دلوقتي في ناس بتحب في التيلفونات زي زمان. ولا خلاص بححححححح .... انا بجد متغاظ منوا ومن وجودوا في البيت رغم ان زمان. كلمت يجي مليون واسطة علشان اعرف ادخلوا بيتي وكان بالحجز. ... ده حتى لمن اتغربت بره بلدي وسافرت بره مصر كنت بتصل مخصوص دولي على اهلي واول حاجة بطمن عليها بعد صحتهم. بقولهم اخبار التيلفون ايه. بتدفعوا الفواتير ولا لأ .... اووووعه يا فلان تنسى الفاتورة. بعدين يرفعوا العدة هههههههه كنت خايف على العدة قوووي معرفش ليه !

لكن دلوقتي كل اهمية التيلفون هو ان ادخل الانترنيت. البيت فقط

ولولا الله ثم الانترنيت كنت لغيتوا من زمان .... لاني كل ٣ توشهر ببص الاقي فاتورة غريبة عجيبة
حاجة وستين جنية طب بتاعت ايه دي بتيجي كالتالي. ٣٧ جنية اشتراك تقلش مشترك في art ولا الشو تايم ولا يكونش مشترك في الدوري العام ههههه المهم. و ١٠ جنية مصاريف ادارية ومش عارف تقريباً كمان ٤.٥ جنيه ضريبة ومش عارف كام دمغة. ومكالمات زايدة. ابصر ايه .... طيب انا عاوز افهم يعني ايه كلمة مكالمات زايدة هل يعني اني ليه مكالمات مجانية في اليوم وانا زودت عنها ولا ايه الحكاية بالزبط ؟ !!!

@@@@@@@@@@@@@@

المهم لو قلنا ٦٠ جنيه على ٣ شهور يبقى الشهر ب ٢٠
زائد ٩٥ جنية اشتراك شهري
يبقى النيت في النهاية واقف عليا ب ١١٥ جنية كل شهر
وفي النهاية سرعة زي الزفت. وداون لود زبالة. وفي النهاية يقولك ليه تزنق نفسك هههههه طب ما انتوا الي زنقني .... هو انا عاوز ازنق نفسي بمزاجي .... ثم ايه فايدة التيلفون الارضي في حياتي ما تمدولنا كيبول. وتريحونا. ولا تزنوقني ولا ازنوقك. ده انا من ساعت ما ركبت. النيت والتيلفون ابتدى يوش وشغال بقه على فلاتر ... ده كمية الفلاتر الي اشتريتها لو حليت بيها مياة البحر كان زماني طلعت مية معدنية. وباستحمة واتشطف بيها كمان كل يوم هههههه. ومع ذلك لسه بيوش

@@@@@@@@@@@@

المهم هل انتا راضي عن الفلوس الي بتدفعها. والسرعة الرهيبة والمهولة الي بتوصلك ؟
وهل التيلفون الارضي ليه اي اهمية في حياتك !!!

مستني ارائكم وتقبلوا تحياتي ...

**kimokaim** · 08-01-2013 01:10 PM

مين ده ؟؟؟؟

**Ghosts** · 08-01-2013 01:14 PM

بستعملة أكيد وخصوصآ لما أحب أرغى لأنى لما بتكلم فى الموبايل لمدة طويل بصدع ....

**kimokaim** · 08-01-2013 01:16 PM

اتصاﻻت يو اس بي مويديوم ارحم بقى

اشتراك 125جنيه سرعة فائقة مع 6+6 جيجا

طبعا حيجي واحد يقولك انا بستخدمهم في يوم !!! ياجدعان 12جيجا تصفح وستريمينغ وداونلود للحاجات المهمة

كفاية جدا جدا للشغل وخﻻفه ، طبعا هواة تحميل اﻻفﻻم يشوفلهم سكة ثانية

**Y a r i s** · 08-01-2013 01:17 PM

المشاركة الأصلية كتبت بواسطة mohamed_selim

خفيف خفيف ... دليفرى و ساعات مكالمات

طيب هل انتا راضي عن الفلوس الي بتدفعها في مقابل الاتصالت بالدلفري. يعني مثلاً لو حسبت يا محمد. باشا. قيمة الاشتراك الشهري. ٢٠ جنية ده غير المكالمات الزايدة .... طب ماهو بالعشرين جنيه دي تجيبلك كارت شحن وتعيش احلى مافي اللحظة. هههه

ده غير لو خدت بال حضرتك من قيمة فواتير التيلفونات الي بتيجي هتلاقيها اعتباطية
بمعنى كل واحد ورزقوا .... شركة التيلفونات مصمصت جيوب الشعب المصري من اكتر من ٢٠ سنة
والدليل اني شايف بسم الله مشاء الله وانا بقلب في النيت. لقيت. ارقام فلكسية مرتبات شهرية بتدفع. للمدراء في الشركة

@@@@@@@@@@@@@@@

رواتب كبار المديرين بالشركة المصرية للاتصالات

وثائق الشركة المصرية للاتصالات ومن بينها كشف الرواتب والمكافأت التي تخص كبار مديرين الشركة والتي يزيد رواتب بعضهم عن مليون ونصف المليون بينما يعتبر اقل رواتب المديرين فيهم يتقاضي ما يزيد عن ربع مليون جنيه كراتب شهري
وتتراوح الرواتب بين مبالغ مالية كبيرة يتقاضاها كبار المديرين بالشركة المصرية للاتصالات فيما يطالب عدد كبير من العاملين بالشركة المحتكرة لخدمات الاتصالات في مصر على مستوى الجمهورية، الغريب أن بعض المكافأت تزيد عن الراتب الاساسي لبعض المديرين ومنهم أحد المديرين الذي يتقاضي شهريا حسب الوثيقة 1.670533 جنيه فراتبه الاساسي هو 512.049 الف جنيه بينما يتقاضي مكافأة مسماه انجاز اعمال تبلغ قيمتها 400.000 جنيه ومكافأة اخري بمسمى بدل ادارة عليا 124.800 ومكافأة تحت مسمى امتحان تبلغ قيمتها 145.044 الف جنيه ليصل الاجمالي الكلي للراتب تحديدا 1.670.533 شهريا حسبما ذكرت الوثيقة.

عبدالحميد -------- -مرتب شهرى - 1670533(مليون و670الف و533ج)
محمد -------------مرتب شهرى - 1520529 (مليون و520الف و529ج)
عماد ------------------مرتب شهرى - 1278874(مليون و278الف و874ج)
سناء --------------مرتب شهرى - 1269193(مليون و269الف و193ج)
السيد م-----------------مرتب شهرى - 1215193 (مليون و215الف و193ج)
حسن ------------مرتب شهرى -1170231 ( مليون و170الف و231ج(
سيد -------------- -مرتب شهرى - 1090831 (مليون و90ألف و831)
خالد ------------- -مرتب شهرى - 1085462 (مليون و85الف و462ج)
طارق --------------مرتب شهرى - 756338 (756الف و338ج)
محمود-------------مد-مرتب شهرى - 390538 (390الف و538ج)
احمد ------------------ف-مرتب شهرى - 268837 (268الف و837ج )
ملاحظة تم حذف الاسم كامل من قبلي .... فقد يكون بريئي الزمة حتى تثبت ادانتهم !
ملحوظة هامة : هذه الأرقام المكتوبة بجانب الأسماء هي رواتبهم الشهرية وليست أرقام تليفوناتهم

المصدر : مدونة امسك فلول .
فايه راي حضرتك :)

**hossam_elwani** · 08-01-2013 01:22 PM

للاسف لسه بستخدمه عشان النت واصل عليه وبدفع الجبايه بكل ادب

**mohammedabdallh** · 08-01-2013 01:27 PM

انا بستخدمه لما بكون جنبه + النت

وانت يا يارس بتحقد على المديرين كدا ليه
انت عاوز مدير يقبض الف ولا اتنين فى الشهر
امال يبقى مدير ازاى
ياراجل كبر مخك

**Y a r i s** · 08-01-2013 01:34 PM

المشاركة الأصلية كتبت بواسطة ghosts

بستعملة أكيد وخصوصآ لما أحب أرغى لأنى لما بتكلم فى الموبايل لمدة طويل بصدع ....

. طب ماهو ياجوست باشا. لو عندك هيد فون بحيث تبعد الموبايل عنك .... انا بصراحة بعشق السمعات امو سلك بتاعت الموبايل بتتحط في الودان زي الوك مان كده وبمشي وبتحرك بكل طلاقة بخلاف التيلفون الي. بيقيدك انك لازم تقعد جمبو :)

المشاركة الأصلية كتبت بواسطة kimokaim

اتصاﻻت يو اس بي مويديوم ارحم بقى

اشتراك 125جنيه سرعة فائقة مع 6+6 جيجا

طبعا حيجي واحد يقولك انا بستخدمهم في يوم !!! ياجدعان 12جيجا تصفح وستريمينغ وداونلود للحاجات المهمة

كفاية جدا جدا للشغل وخﻻفه ، طبعا هواة تحميل اﻻفﻻم يشوفلهم سكة ثانية

. انا لسه صحيح. شايف اعلان بتاع فودافون بيقلك برضو حاجة عن اليو اس بي كده تعيش معاها وتعمل داون لود براحتك بس مش عارف تفاصيل العرض .... لان لو فعلاً كان الكلام ده حقيقي ومفهوش نصبايا من بتاعت الشركات او استخدام العادل والكلام ده يبقى والله ِ من بكره اروح اسلم التيلفون البيت للشركة واشتري دماغي منهم ... بس انا اهو عندي الفلاشة بتاعت منجز دي بتاعت اتصالات ومزهقاني عيشتي كل ما اجي افتح صفحتين او اتكلم كلمتين ابص الاقي. رصيدي خلص .... حتى لغايت دلوقتي بفكر اغير شركة المحمول علشان نفسي شركة تعملي انترنيت بجد. واشتراك لزيز اقدر احطوا في عدة سامسونج اس ثري بس مش عارف انهو افضل

المشاركة الأصلية كتبت بواسطة hossam_elwani

للاسف لسه بستخدمه عشان النت واصل عليه وبدفع الجبايه بكل ادب

حبيب قلبي يا حسام باشا هيا فعلاً جباية وايتاوة
والمرتبات الخيالية الي بتدفع للمدراء دي لو تتوزع على الموظفين كانت نغ نغتهم كلهم او على الاقل بدل ما يكشبوا كل المكاسب دي. يكسبو نص المكاسب ويدونا مكان الفلوس الي بيكسبوها دي كلها سرعات للانترنيت او على الاقل مكالمة صافية الواحد يقدر يستمتع بيها. الا على ما اتذكر كنت اجي اكلم واحد وابص اسمع كده على نفس المكالمة وحدة. بتكلم حبيبها .... اقوم قافل وعايد الاتصال. هبا اسمع صوت واحد. بيردح لمراتوا ولا وحده بتردح لجوزها .... ده انا احياناً كان عندي هواية زمان لمن اجي اتصل على حد وتشبك مكالمة على مكالمة اقول للي بكلموا استنى لمن نسمع بيقولوا ايه ههههههههه.

**Y a r i s** · 08-01-2013 01:45 PM

المشاركة الأصلية كتبت بواسطة mohammedabdallh

انا بستخدمه لما بكون جنبه + النت

وانت يا يارس بتحقد على المديرين كدا ليه
انت عاوز مدير يقبض الف ولا اتنين فى الشهر
امال يبقى مدير ازاى
ياراجل كبر مخك

. ههههههههههههه
حبيب قلبي يا محمد .... لا ياباشا ربنا يزيدهم من نعيمو قادر يا كريم وبلاش احنا ههههههه
احنا مبنورقش احنا بنقرر وننبر بس ههههههههه

ياسيدي ربنا يزيدهم من نعيموا .... بس هو مش أن الأوااااااااااان إن يكون في كمان استخدام عادل للاجور كمان ويكون في سقف ليها. يعني واحد موظف حكومة ياخود بالملايييييييييين في بلد فقيرة زي مصر
كفاية. علية ١٠٠ الف جنية في الشهر يعني هو هيعمل بالباقي أيه. !!!!
أنا عارف أن العيشة بقت صعبة والمصاريف تقلت وعلبت السجاير غليت والبنزين هيغلى ده غير مصاريف العيال بس ١٠٠ الف جنيه اهو يا دوووووووووووووبك يقضي بيهم لاخر الشهر ( ياعيني ههههههه )

ثم هو في سؤال ملح بالنسبة ليا المرتبات الي. بالملايييييين دي كلها ... من ال ١٠ جنية مصاريف ادارية الي بيخدوها من الغلبان الي زي حالاتي ... علشان اتأخررررت شوية في الدفع لاني ممعيش يفرضوا عليا جباية علشان يقبضوا هما ملالاييين .... ياسيدي بلاش ١٠٠ الف. خليها ١٢٠ اهو العشرين الف دول يبقوا مصروف بوكيت ليه ههههههه وخلي المية للعيال .... ولا ايه :) وتحياتي