بنات: الزواج التقليدى.. أحبووش!

**kimokaim** · 08-01-2013 06:51 PM

أصلا البت من اياهم تقولك انا اختار وانا اعمل واطلع وانزل !

وفي الاخر تيجي امها مربطالها مع وحدة تعرفها عشان يجي ابنها يخطبها !

ولا غنى عن جواز الصالونات العائلي لاغلب الشعب المصري باختلاف طبقاته الاجتماعية

طبعا مش لما تقول صالونات مش هو التقليدي البحث بتع المسلسلات والافلام !

بل جواز يتم بخطوات معينة تنتهي على جواز صالوني عصري !!

**AutoTycoon** · 08-01-2013 06:56 PM

قشطة و لا الشباب عايز الطريقة بتاعتهم المش تقليدية دي و غالباً دول بيصدوا عند اهاليهم

**S O P H O S** · 08-01-2013 07:13 PM

يا جماعة شوية
ارفعوا من روح البنات شوية مش كده ..

**shaddadfalcon1** · 08-01-2013 08:58 PM

بعيد عن المغالاة اللي بتحصل بس انا بشوف علي فتكات كلام ينقط

تلاقي البنت بتقولك انا خطيبي بيجيلي كل اسبوع ومش بيجيب غير تورتايه او مش بيديني غير 100 جنيه كل مره هو كده بخيل؟
ولتانيه تقولك انا مش بكلم خطيب غير 4 ساعات في اليوم هو كده مش بيحبني ؟
واللي تقولك انا هتجوز الأسبوع اللي جي وريحة بقه مش عاجباني انا بفكر افشكل الموضوع

كلام عبيط يجيب جلطه افي الرجل بصراحه ومتفهمش دوول بيبقو ستات بيوت ازاي

**Ahmed_Adham** · 09-01-2013 01:34 AM

بيتكلمو عن جواز الصالونات وكأنهم هيدخلو من غير مايشوفو بعض حتى! مش فيه خطوبه بيبان فيها الحلو من الوحش؟ واللي ميشوفش الوحش في الخطوبه يبقى يستاهل اللي يجراله عشان بيبقو شايفين الغلط قدامهم ويفوتو مع ان بعد الدخله الغلطه بفوره.

وبعدين هوه جواز الصالونات مش بيجيب عيال وجواز الحب هوه اللي بيجيب عيال؟

وبعدين أيوه انا اتجوزت جواز صالونات. مش بالظبط قوي بس المهم مكنتش بحب مراتي ولا ماشي معاها قبل ما أخطبها.

**Y a r i s** · 09-01-2013 01:40 AM

لا وفي دلوقتي الجديد حاجة طالعة كده اسمها ( جمالات )
بس ده مسخرة المساخر .... بس اقولكم على حاجة كلووو مضروووب دلوقتي اذا بيقولك تالت تربع الزيوت الي في السوق من موبيل وشيل وكالتيكس اضربوا ومش عاوز البنات تتضرب اذا الدوى والاكل بقو مغشوشين ومش عاوز البنات تبقى مضروبة ... وحتى شبابنا دلوقتي بقه فيه مضروووب كتير في السوق ... وتلاقي الواد منهم لابس ومتشيك وتقولوا بتشتغل ايه يا بابا. يقلك انا وبلا فخر من كبار مشجعين نادي الزمالك على القهوة ههههههههههه. وبطل من ابطال البلاي استيشن والسوبر ناتيندو. :)

**BESO516** · 09-01-2013 08:01 AM

والله انا ليا رأى فالموضوع ده من حكم انى خطبت كذا مره

انا واحد من الناس اللى مش هبص لبنت مشيت معاها او عرفتها من على الفيس او النت عموما لأنها زى معرفتنى اكييد اكييد عرفت قبلى !!!

البنت من دوول تيجى تقولك انا عايزه فارس احلامى يكون طويل - وسيم - مش رفيع ولا تخين - عنده شقه وعربيه ووظيفه محترمه و....و.... الخ ونسيت هى عندها ايه بمعنى انها لو حلوه فى مليون احلى منها لو مستواها عالى فملايين اعلى منها فده اللى بيخليهم يقعدوا والرجاله تقول رضينا بالهم والهم مش راضى بينا

ودلوقتى فعلا بقى صعب وصعب جدا تلاقى واحده بنت ناس - تصون بيتك تحبك لشخصك انت مش عشان شقتك او عربيتك او عندك ايه ؟؟؟؟؟؟

وجواز الصالونات من انجح التجارب على فكره وكله بيبان فالخطوبه الوحش والحلو

**ahmedteam** · 09-01-2013 09:57 AM

على رأى شنورى

لاتحزن اذا فاتك قطر الزواج فأن يفوتك القطار خير من ان يدهسك

**shady_hamdy** · 09-01-2013 10:04 AM

المشاركة الأصلية كتبت بواسطة beso516

والله انا ليا رأى فالموضوع ده من حكم انى خطبت كذا مره

انا واحد من الناس اللى مش هبص لبنت مشيت معاها او عرفتها من على الفيس او النت عموما لأنها زى معرفتنى اكييد اكييد عرفت قبلى !!!

البنت من دوول تيجى تقولك انا عايزه فارس احلامى يكون طويل - وسيم - مش رفيع ولا تخين - عنده شقه وعربيه ووظيفه محترمه و....و.... الخ ونسيت هى عندها ايه بمعنى انها لو حلوه فى مليون احلى منها لو مستواها عالى فملايين اعلى منها فده اللى بيخليهم يقعدوا والرجاله تقول رضينا بالهم والهم مش راضى بينا

ودلوقتى فعلا بقى صعب وصعب جدا تلاقى واحده بنت ناس - تصون بيتك تحبك لشخصك انت مش عشان شقتك او عربيتك او عندك ايه ؟؟؟؟؟؟

وجواز الصالونات من انجح التجارب على فكره وكله بيبان فالخطوبه الوحش والحلو

و على فكرة بردة معظم الى بيوصوا لمرحلة جواز الصالونات بيكونوا عدوا المرحلة دة و فشلوا بيدوروا على الراجل الى فيفكر بالطريقة دة انوا يروح يتجوز صالونات علشان اكيد معرفتش قبلى و يلبس فى الاخر واحدة مفرومة الاساسا الاهل و التربية دور على التربية و الراجل المحترم الغيور على بيتة الى مصاحب بنتة هتلاقى البنت الى هتصونك