عرض للطباعة
الزوجة/الزوج و الحب عموما زى الفنلة اول ما تلبسها بتبقى حاسس بوجودها لكن بعد فترة مش بتحس بيها مع انها مازالت موجودة ( نظرية من كتاب د/ مصطفى محمود مش فاكر اسمه).
انا شخصيا معرفتيش سر المقوله اللى بتقول ان الجواز شر لابد منه غير بعد ما اتجوزت و شوفت و شميت و لمست وسمعت و تذوقت المعنى بتاعها بكل حواسي الخمسة.
المصرية مصممه بحيث انك مش تعرف تعملها update او upgrade و لو مش مصدقنى 95% من البنات فى مصر تقدر تعرف انها متجوزه او لاء من اول نظرة ليها وده عشان مفيش maintenance.
جواز االصالونات زى جواز الحب كله بيبان بعد الجواز بفتره و محدش بيبان على حقيقته غير بعد العشرة.
طبعا الجواز مفيش احلى منه فى الدنيا لكن زى كل شيء جميل لازم تدفع تكاليفه و هو عقد قسط بتدفع المقدم بتاعه فى الشقة و العفش و تقسط الباقى طول عمرك و قيمة القسط انت و مقدرتك و مقدرة اللى هتعرف تستلف منهم.
الواحد بيتجوز عشان يستقر و يستريح و لو ملقاش الراحة دى فى بيته اكيد هيدور عليها فى حاجة تانية (الانترنت-البلايسيشن- كورة القدم............) حاجة كده زى العربية بتجيبها عشان تريحك من قرف المواصلات لكن لو لاقيتها مش مريحة و فاتحها بوقها و كل شوية صيانة اكيد هتستحمل عشان العيال لكن لو على الجواز اكيد يغوور فى الحالة دى.
لكن بقى اغلبية البنات دلوقتى تشوف منهم العجب و اخر حاجة حصلت ادامى مهندس اتقدم لمهندسة و قعدوا مع بعض اكتر من مرة و عنده الشقة و العربية و مؤدب جدا و عيلة محترمة يعنى من الشباب اللى متعرفش تمسك عليه غلطة و النتيجة البنت مش راضيه بيه عشان مش حساه. طيب دى بقى نقولها ايه غير ........!!!!!!!
فى خطوبتى الاولى كنت اول ما الاقى خطيبتى شايفه نفسها اخدها و و ننزل نزور سيتى ستارز و طبعا بترجع منه و هى فاهمة الحياة اكتر.
المشكلة ان البنات اتربت على مسلسلات التليفزيون و كل خبراتهم تافهة جدا الا من رحم ربي منهم
يعنى ايه بنت عاوزه تتجوز ما بتعرفش تطبخ و لا تغسل ( اللى متجوز اكيد اتعور فى شوية لبس جديد كده فى الاول و اللى ما اتجوزيش يا ريت ياخد باله) ؟؟؟
فى الاخر الجواز احلى و اخر حاجة ممكن تعملها فى حياتك لان بعد كده هتبقى حياتكما (انت و هى) و بعدها حياتكم (انت وهى و العيال).
اخي survivla
بجد احييييك من اعماق قلبي على كلامك ....
++++++++++++++++++++++++ 1 ....
أستااااااااااااااذ و معلم كبير كبير كبير ....
يالهواااااااااااااااااااا ى ....
فكرتنى بخطيئتى الأولانية (خطيبتى) كانت بتعمل كدة بردوة لحد ما أتخنقت و فسخت الخطوبة بعد شهرين
+1 ....
أهالى البنات اللى زى دول مش عارفين يربوهم لأنهم متربوش أصلآ ....
تخيل أنت لما تتعامل مع أبو العروسة وأمها وتحس أنهم مش محترمين ... يبقوا هيربوا بنتهم أزاااااااااااى؟؟!!
انا مقتنع ببعض ردود الاعضاء ولكن احب اضيف حاجة جديده
مع احترامي للرجالة العيب فيكم برضوا ,انتم عايزين واحده تكون جميلة وشيك واستايل وحاجة كدا مغلفة بالسيلوفان , انتم بدورا غلط , صححوا نظركم وحتلاقوا في بنات كتير جدعة وبتاعه عيشه وتستأمنها علي عرضك ومالك وتشيلك وقت الازمات , بس النوعية دي مش حتلاقيها بتهتم بلون ضوافرها او باخر موضه وممكن يكون شكلها عادي او حتي جميلة بس مش مهتمية بنفسها لان بالنسبة ليها الحاجات دي مش كل حاجة فى الدنيا , النوع دا من البنات هو اللي حيعمر معاكم وحيرحكوا العمر كله , صحح نظرك وممكن تلاقيها جنبك بس انت مكنتش شايفها
على فكره يا جماعه نجاح جواز الصالونات يعتمد على الطريقه اللي بيتم بيها. يعني متجيش واحده انتو متعوفوهاش غير من بعيد وتقولكو أنا عندي عروسه لفلان ابنكو. لو العروسه جت عن طريق حد تعرفوه كويس وعارفين اختياره في الغالب التجربه هتنجح على الاقل هتعدو فتره القبول الاولانيه. مره جت واحده قريبتنا من بعيد وقالت أنا عندي لفلانه عريس و ووووووو قلنالها ماشي خليه ييجي يوم كذا ويومها ضحكنا لما شبعنا. ده مكنش عريس ده كان انسان غريب الاطوار وطلع كان متجوز بنت عمه وطلقها عشان مش بتخلف وراح اتقدم لواحده تانيه ونصبو عليه بعد الخطوبه وخلعو بالشبكه وعمل معاهم مشاكل وأقسام ومخدش حاجه.
لكن لو اللي جايبلكو العريس او العروسه حد بتثقو فيه هتلاقو ناس محترمه وفي الغالب الخطوبه هتتم على خير ويبقى فاضل بس دراسه الشخصيه خلال فتره الخطوبه.
تحذير مهم جدا لأي واحد لسه داخل على الجواز. لو حصلت أي حاجه مش مريحاك اخلع فورا عشان في الخطوبه سهل التراجع لكن بعد الجواز هتبقى اتدبست وهتتحسب عليك جوازه لأن اللي هتفوته قبل الجواز هتلاقي أده 10 مرات بعد الجواز وخد بالك الجوازه المريحه بتبقى مريحه من أول لحظه وهتلاقي كل الامور ماشيه بسلاسه واهلها ناس متفاهمين ومش بيدققو في الصغيره قبل الكبيره يعني مش معقول هتبقى في مشاكل أيام الخطوبه وتبقى بعد الجواز مرتاح.
+1 ....
تماااااااااااام يا أحمد ....
فى شباب كتيييييييييييييييير أوى بيتجوزوا بالرغم من أنهم بيبقوا شايفين عيوب فظيعة فى فترة الخطوبة وبيضحكوا على نفسهم و يقولوا أنهم بعد الجواز هيصلحوا العيوب دى و بعد ما تقع الفاس فى الراس يكتشفوا عيوب تانى مكانتش باينة فى الخطوبة و مبيعرفوش يصلحوا لا العيوب القديمة ولا الجديدة وساعتها مبيبقاش قدامك غير حل من أتنين:
يا تطلق وتخلع :7_6_5v[1]: يا تستحمل وتكمل لحد ما تطق وتموت مفروس :019F3B~14: ....