عرض للطباعة
يا جماعة أنا احترت خالص. أنا عايز أشتري عربية بـ 90000 . المقارنة كانت شاملة 4 عربيات لانسر 1300 مانيوال و سيراتو مانيوال و ـبترا مانيوال و جين 2 أوتوماتيك. تم استبعاد لانسر و سيراتو. و محتار جدا جدا بين جين2 و أوبترا. أنا بحب الجين2 جدا بس بيقولوا أنها ضيقة من جوه لكن الأوبترا طبعا من جوه بحر. ممكن حد يساعدني...؟؟؟:goofy::goofy:
ياريت حد يرد علينا لاني زيك ومحتار ايضا وبميل للجين 2
الاخوة الافاضل
مع احترامى الشديد انتم بتقارنوا غلط من اساسه
الجين 2 عربية رياضية تصلح لعائلة صغيرة و ده كان فى الاعتبار و انا باشتريها
انما الاوبترا عربية عائلية جدا و كبيرة عن الجين 2 بمراحل
التقفيل و سعر اعادة البيع الاوبترا احسن طبعا
الاداء الجين بلا منازع
و من وجهة نظرى و ده طبعا موافقنى فيه الاخ توت ياريت اللى يجيب عربية 1600 سى سى يبقى اغلب سواقته على طرق مفتوحة لان اى 1600 بتاكل بنزين جامد و يمكن الجين 2 من اكتر العربيات الـ 1600 الموفرة للبنزين لو تم قيادتها بطريقة هادية
عموما اخويا معاه الاوبترا المانيوال بيشكر فيها ما عدا شوية العيوب الموجوده فى العفشة انما غير كده زيى الفل
واضح أنك حابب الجين 2 و متخوف من موضوع الوسع
على العموم هي مش ضيقة .......... بس السقف من ورا واطي شوية علشان إنسيابية العربية
و الأفضل
تروح تشوف الجين 2 في المعرض أو مع حد
و تشوف الأوبترا
و تقارن وسع الصالون مع أحتياجاتك منه
و كمان تقعد في العربية من ورا و تشوف هل المسافة كافية للأرجل أو لاءة
و تقارن مقارنة شاملة
و في الأخر أنت الوحيد اللي هاتقدر تقرر أحتياجاتك أيه ؟؟؟
أنت فتحت الموضوع في قسم شيفروليه أيضا
المفروض الموضوع يتفتح في قسم المقارنات لجذب آراء أكثر
تمام الله ينور يا أستاذ أحمداقتباس:
المشاركة الأصلية كتبت بواسطة ahmedsiyam
100 100 يا توت باشا و مسائك ورد ان شاء الله