السلام عليكم،
أنا الحمد لله حجزت برسونا برونزي (موكّا) واختيار ثاني فضي.
ما رأيكم أيهما أحلى على برسونا وأكثر عمليةً؟
عفوًا، قد أكثرت عليكم من الأسئلة و الاستفسارات، ولكن سعة صدوركم وحرصكم على المساعدة تجعلني أطمع في المزيد.
فجزاكم الله خيرًا.
عرض للطباعة
السلام عليكم،
أنا الحمد لله حجزت برسونا برونزي (موكّا) واختيار ثاني فضي.
ما رأيكم أيهما أحلى على برسونا وأكثر عمليةً؟
عفوًا، قد أكثرت عليكم من الأسئلة و الاستفسارات، ولكن سعة صدوركم وحرصكم على المساعدة تجعلني أطمع في المزيد.
فجزاكم الله خيرًا.
الاثنين تحفة ماشاء الله
شوف انت بتميل لأيه اكثر ، يعني لو بتميل للفواتح اختار الفضي
ولو بتحب الغوامق وكان نفسك فى الاسود مثلا اختار البرونزي ، لون حلو وجديد ومفيش عربيات كثير بنفس اللون دة
السلام عليكم , هى الالوان طبعا مسألة اذواق وارتياح نفسى, انا حاجز جين 2 كنت حاجزها أسود و غيرت لفضى لانه مع الزمن بيحافظ على بريقه شوية , بالنسبة للبرسونا اللون موكا دا بسمالله ما شاء الله تحفة و لون مميز جدا و مديها فخامة , ومش موجود نفس الدرجة دى فى عربيات تانية كتيير , فى الاخر المسألة ارتياح نفسى , تستلم على خير ان شاء الله و ربنا يبارك لك فى السيارة و يرزقك خبرها و يقيك شرها ان شاء الله
برونزي
برونزي احلي لون في البيرسونا.
جزاكم الله خيرًا ياشباب...كنت عايز اعمل استطلاع، بس الكمبيوتر تعطّل أثناء كتابة الموضوع، فخرج هكذا دون استطلاع.
على أي حال، الشكر موصول لمن شارك، ولمن سيتفضل بالمشاركة.
الموكا تحفة و مميز جدا ... انا لما بشوف برسونا برونزى بقول ازاى الفخامة و الشياكة دى كلها ب 100 الف بس
الف مبروك و ربنا يبارك لك فيها .
برونزى علشان نبقى زى بعض :)
لا انا لسة حاجز وربنا يسهل ونستلم انا بقالى اكتر من 4 شهور حاجز !
اياً كان اللون ايه
الف مبروك مقدماً طبعا وتستلم على خير ان شاء الله ياباشا
اول لفة ليا طبعاً وده شيء مفروغ منه :)
مش عارف راي عكس الناس
الفضي بحبه فبروتون بصراحة..
انا كنت فى توكيل اسكندرية و شفت 3 عربيات برسونا برونزى بشحمهم
ممكن تكلم هانى مسئول مبيعات اسكندرية و تخلص معاه لو فلوسك جاهزة و تثبت السعر علشان الدوﻻر بيزيد كل يوم و لماا الدوﻻر بيزيد 1% التجار و التوكيﻻت بيزودو السعر 10%
فعﻻ عالم جشعة
رقم هانى 03.5003000/2/3
تمام يا أستاذ تامر...الكلام ده من قريب يعني، حضرت شوفتهم في المعرض؟
هأكلمه بكرة إن شاء الله، وأشوف الدنيا عاملة أزاي.
بس هل فرع الأسكندرية مستقل عن أبو روأش؟
أصل أنا كنت في عز العرب يوم السبت الماضي، ولم أجد سوى جين تو سوداء في المعرض.
وحجزت، وقالي التسليم على آخر يناير، أو فبراير لحد ما الأوضاع تستقر، فهما ممتنعون عن التسليم عشان الاوضاع الاقتصادية المتردية.
ولكني روحت المخزن في مدخل القرية الذكية بتاع جريت وول، لقيت كمية كبيرة من الجينات والبرسونات بألوان مختلفة، يعلوها كثبان من الغبار والطين والتراب، هي موديل 2013 لان تاريخ الشحن كان تقريبًا في شهر أكتوبر.
بس اعتقد أنه لسه لم تخضع لعملية الفحص ما قبل التسليم pdi، أو أوراقها لسه لم تجهز بعد، أو مستنين لحد ما يعرفوا السوق هيرسى عليه إيه، عشان يزودوا الزيادة المتينة، مش عارف صراحةً!
اولا الف مبروك مقدما على حجز العربية وعقبال الاستلام ان شاء الله
انا كمان ماشى فى اجراءات بيع عربيتى وان شاء الله هحجز برسونا فضى
لانى بميل للفواتح
ادعيلى بقه ان البيع يتم على خير
انا شفت العربيات فى توكيل اسكنرية من اسبوع ...هو طبعا تبع ابو رواش بس ممكن تكون حركة البيع فى اسكندرية نايمة عن القاهرة
لو حضرتك روحتلهم بشنطة الفلوس متهيئلى ممكن يخلصو ... اصل ملهاش معنى ان العربيات تبقى واقفة عندهم و يقلك استنى حتى لو الورق مخلص ممكن تستلم و تركنها فى جراج لغاية ما ورقها يخلص .. غير لو هما مسقعينها علشان لما الدوﻻر يزيد عن 7 جنيه يبيعو المخزون بالسعر الجديد
موكا فعلا مدى فخامه تحس انها عربيه ركوبه من مجرد النظر بس
ولون مش منتشر الا فى العربيات الاليه زى البى ام والاودى
اولا واخيرا ازواق
ومبروك عليك :)
جزاكم الله خيرًا.
ياباشا مفيش مقارنه خالص :d
دى عربيه ودى حاجه تانيه
انا ركبت الاتنين وبصراحه الحمد لله ستيب واى صفقه رابحه مع طبعا وجود ملاحظات كتيره مش عجبانى فيها
بس اهم مافيها علوها وانها عربيه هارد وركينج وانا بصراحه من النوع المهمل شويه مش بحسس يعنى فى سواقتى
جين2 كانت هتتعب معايا ياااما هقصف عمرها بدرى
كده كده ستيب واى كلها ب81 مش فارقه بقى :d
اما مقارنه هبقى اعمل تقرير قريب مقارنه
اما لو عاوز راى فى الستيب واى مالها وماعليها فى موضوع عامله فى قسم رينو مميزات وعيوب ستيب واى :)
لكنى برضو معجب بالجين 2 ولما بشوفها بقول لصحابى دى ماى اكس :d
توكل على الله يامترجم ولا تتردد
التردد وحش وصدقنى لو ملكش نصيب فيها مش هتركبها
انت عارف قصتى الغريبه مع الجين2
فى اكتر انى مضيت اسستلام العربيه ورايح ارخصها ورجعتلهم بيها تانى
اانه النصيب والقدر ياصديقى الفاضل
ان شاء الله ربنا يجعل الخير كله فى نصيبك :)
برونزي وتزكل علي الله
اللونين حلوين جدا ... لكن لما بصيت على اللونين مع بعض حسيت إن اللون البرونز أحلى لأنه بيظهر الحلايا الفضي اللى فيها زي العلامة ومقابض الأبواب ... لكن اللون الفضي زيه زي الحلايا الفضي اللى فيها لون واحد مع إنه جميل لكن مش بتكون باينة فيه زي البرونز
وعقبال ما تستلم على خير يارب
جزاك الله خيرًا يا دكتور...أنا فعلت اخترت البرونزي وإن شاء الله سأستلم قريبًا...فدعواتك.
سؤال يا ريس من فضلك، الحدفة إللي كانت في العربية عندك حضرتك ظبطوها في التوكيل ولا لسه موجودة؟
الأحد الافاضل كان عامل موضوع النهاردة تقريبًا بيقول أن الحدفة يمين دي موجودة في جين 2 2013.
فربنا يكرم، وتكون البرسونا سليمة من الموضوع ده.
على أي حال، كله خير إن شاء الله.
الف مبروك ياباشا مقدما انا معايا بيرسونا 2012 برونزى بسم الله ما شاء الله زى الفل فى كل حاجه
لما العربيه بتبقى واقفه فى وسط عربيات حتى لو اعلى منها بتبقى ظاهره جدا وشيك جدا وهتلاقى كل
شويه حد بيوقفك يسألك عن العربيه لانها فعلا تشد وتلفت الانتباه وعلى فكره معنديش الحدفه اللى الناس بتتكلم عليها وحتى بعد 3000 كليو بس اهم حاجه ربنا يستر عليك من العين لان العربيه لسه جديده وحاجتها لسه مش موجوده الا فى التوكيل وما ادراك ما التوكيل نار وجحيم وانصح حضرتك واى حد مقيل على شراء عربيه التأمين التامين التأمين التامين التامين وما ملكت ايمانكم ومحدش يغلط غلطتى ويقول هسيبها على ربنا - ونعم بالله يس برضه احنا فى مصر ومبروك مره اخرى
لما روحت التوكيل فعلا فك القنطرة وركبها مضبوطة .... لكن الفني بتاع الزوايا اللى عندهم مش بيفهم في الزوايا تقريبا ... لما روحت أضبط زوايا خارج التوكيل كان كل عجل من العجلات الأربعة رايح في اتجاه غير التاني ... لكن إطمنت إن القنطرة راكبة صح ...
المهم ظبطت الزوايا بره وغيرت مكان العجل برضه .. عملت روتيشن .. لأن العربية مشيت عليها فترة كبيرة فالعجل يعتبر باظ ... ربنا يجازيه بقى بالخير
وحاليا العربية فعلا مش بتحدف ومظبوطة بس الكاوتش بقى مش مضبوط لكن مش بدرجة كبيرة وغير مؤثر بإذن الله في ثبات العربية ... وإن شاء الله أبقى أغيره بدري شوية عن ميعاده ..
عشان كدة لو فيه حدفة عندك ... وبإذن الله مايكونش فيه ... ما تستناش صيانة الألف روحلهم على طول قبلها يظبطوا القنطرة وطبعا هايظبطوا الزوايا معاها وبعد كدة أضبط زوايا برة تاني عند حد بيفهم عشان تلحق الكاوتش قبل مايبوظ
الله يبارك في حضرتك يا أستاذ ياسر، إن شاء الله، بالفعل عربيتي بإذن لونها برونزي، وربنا يحفظك ويحفظنا جميعًا؛ فلا نكون حاسدين أو محسدوين، ويقيك شر العين.
أما بالنسبة للتأمين، فبإذن لله، لن أؤمن علي العربية، لأن زي ما حضرتك عارف، إن التأمين التجاري التقليدي المتاح في مصر حاليًا غير جائز شرعًا لأنه قائم على الغرر والمقامرة والربا، وليس تعاونيًا تكافليًا، طبعًا الكلام ده طبقًا لما أقرته المجامع الفقهية الإسلامية، لأن موضوع التأمين قضية فقهية معاصرة مستحدثة.
على أي حال، فالله خيرٌ حافظًا، وهو أرحم الراحمين.
ثانيًا يا باشا، حضرتك لم تخطأ قطعًا وبتاتًا أن فوضت أمرك لله، وسبتها على الله، بل يتعين علينا ذلك. ما حدث معك من أمور بسيطة، وإن كانت ماديًا مكلفة، كتعرض الفانوس الخلفي والمرآة الجانبية للكسر، قدر و نصيب، ولعله في نهاية الأمر خير لك.
ما أوصي به نفسي وأوصيك الحرص على الأذكار اليومية للتحصن والتمترس بها، والصدقة وما إلى ذلك.
فإن ما عند الله لا يُنال إلا بطاعته.
يا سيدى الفاضل التامين ليس غايه وانما هو وسيله اضطراريه فى ظل حاله الفوضى التى تمر لها البلاد وكم المخاطر اللا محدود الذى نواجهه كل يوم ولذلك هو فى رأى المتواضع ضروره تبيح محظور ... وبالتاكيد ما كنا لنلجأ اليه فى ظل الظروف العاديه وعلى العموم انا لم أؤمن ولكنى قصدت النصح وما قصدت من وراء النصيحه الا وجه الله والمساعده ... تقبل تحياتى وكل عام وانت بخير بمناسبه مولد خير الانام