تقرير عن صيانه 40الف كيلو لصنى2008 مع بيان لبعض اسعار لقطع الغيار
السلام عليكم و رحمه الله و بركاته
يا رب تكونوا دايما بخير و سلامه
انا لسه شارى عربيه لوالدى سوبر صالون 2008 و حبيت اعمل الصيانه فى التوكيل للاسف اللى كنت شارى منه العربيه ما كنش بيصين التوكيل المهم قلت هغير كل قطع الغيار الاستهلاكيه زى السيور و البوجيهات و الفلاتر و الزيوت و ابدا مع الوكيل
اتصلت حجزت مع الوكيل ifg فى السويس و رحت هناك على الساعه 2 ظهرا
اول ما دخلت التوكيل و انا بسلمها لمهندس الاستقبال و بقوله على اللى عاوز اعمله فنصحنى يعمل صيانه ال40 الف علشان فيها كل اللى انا طالبه مع الكشف على الكهرباء و الميكانيكا للعربيه بالكامل و بتتكلف مصنعيات 300جنيه فتوكلت على الله و قلتله يبدأ
بعد ساعه تقريبا طلع لى فى الاستراحه و قالى على الملاحظات اللى فى العربيه كلها و وجهه نظره طبعا و دخلت معاه لمكان الصيانه علشان يورينى المشاكل اللى شافها و كانت كالآتى:
2 كاوتش مساعد امامى بالنسبه لها انا كنت شايف انه يقعد للصيانه الجايه
2 مقص امامى برضه ممكن يقعد فى المراحل الاولى
قاعده محرك اماميه الجلد بتاعها مشقق شويه و هقعدها للصيانه الجايه برضه
طنابير اماميه فيها ريجه
التيل الامامى مش اصلى و هو اللى اكل فى الطنابير قلت كده كده الطنابير باظت و الفرامل لسه معقوله جدا فى السواقه فبصراحه قلت هخليهم لغايه الصيانه الجايه و هغيرهم مع بعض على نضافه
التيل الخلفى كان قرب يخلص و ده غيرته
ريش المساحات و غيرتها
1 كارتيره رفرف مقطوعه و غيرتها
مسمار للعجل كان مفوت و غيرته
كل ده بالاضافه الى الصيانه الاصليه و الحاجات اللى كنت متفق معاه عليها
نيجى للاسعار بوجه عام شايفها معقوله جدا الا بعض الملاحظات فى الاخر هقولها:
كاوتش مساعد امامى 128 جنيه
كارتيره رفرف 145 جنيه و تركيبها 15 جنيه
قاعده محرك امامى 243 و تركيبها 45 جنيه
2 مقص امامى 1156 و تركيبها 135 جنيه
فانوس خلفى 578 جنيه
2 باره طرف 400 و تركيبهم 35 جنيه
طنابير امامى 950 جنيه
تيل فراملامامى 300 جنيه
ريش المساحات 87 جنيه و تركيبهم 37 جنيه
تيل فرامل خلفى 357 و تركيبهم 80 جنيه
فلتر الزيت 50 جنيه
فلتر هواء 134 جنيه
فلتر تكييف 157 جنيه
بوجيهات 68 جنيه
سير باور 105 جنيه
سير مروحه 157 جنيه
مسمار عجل 9 جنيه
ورده طبه الزيت 1 جنيه
صاموله عجل 5 جنيه
زيت الفتيس 120 جنيه 4 لتر
مياه ريداتير 50 جنيه
انا عن نفسى شايفها غغير مبالغ فيها بالمره ما عدا الطنابير امامى مستغليها شويه و مصنعيه تركيب المساحات غريبه جدا 37 جنيه ههههههه استغربت جدا و انا بدفعهم
لكن فى المجمل و ان الحاجات دى اصلى من التوكيل شايفها اسعار ممتازه
و الصيانه اخدت 3 ساعات على فكره يعنى مشيت على الساعه 5 مساءا
و اتمنى اكون اضفت و لو اضافه بسيطه لانى عارف ان اكيد الاعضاء التقال هنا فى المنتدى عارفين غالبيه الكلام ده هههههه
و عذرا للاطاله
