ايه الي يحصل لو دخلت في ميه بالعربيه

السلام عليكم يا رجاله
نظرا للسيول الي في كل مكان في مصر
ايه الي ممكن يحصل لو دخلت بعربيتك الاوبل في ميه بس منسوب الميه عالي شويه
انا النهرده كنت عند كارفور في الاسكندريه و الميه كانت عاليه جدا و الطريق كان مسدود
فخفت ادخل في الميه و العربيه تبطل ولا حاجه و معرفش احركهه
و دخلت في الباركنج بتاع كارفور و عاديت من هناك

انا بس عاوز اعرف.ايه الي ممكن يحصل لو حصلي موقف وكان لازم ادخل في الميه دي و منسوبها عالي
يعني ايه اعلي منسوب من المياه ممكن امشي فيه من غير مايحصل للعربيه حاجه
انا النهرده كنت ممشي في الشارع و الميه وصله الي تحت الجرايد الي في الباب بتاعت العربيه بشويه
و الحمد لله محصلش حاجه فا كنت عاوز اعرف لو دخلت في ميه ازيد من كده ايه الي حيحصل
و لو حصل حاجه ازاي اقدر اطلع العربيه من الميه
طولت عليكم شكرا يا رجاله
بس انا عامل الموضوع ده عشان لو اطحطيت في موقف وحش و كان لازم ادخل بالعربيه في منسوب ميه عالي

متااااابع باهتمام

أخى الفاضل أنا دخلت بهونداى فيرنا فى ميه لحد نص الباب والحمد لله محصلش حاجه وده ستر من عند ربنا ويفضل عدم القيام بذلك إلا إذا كنت مضطر وحتى علشان الباروما.
وتعالى نفكر سوى أنت بتغسل موتور عربيتك بميه صح؟ لو دورت العربية وغسلت مفيش مشكله (أنا جربتها أكثر من مرة فى الفرنا) أهم شىء متجيش مية على البوجيهات والألكترونى الخاص بكهرباء الموتور.
تحياتى,,,,,,,,,,,,,,
ملاحظه هامه : كلما كانت السيارة بها تكنولجيا حديثه ومتطورة يجب البعد عن المياة فأنا الآن بخاف أغسل موتور الأوبل استرا 2008 بمياة بستخدم الهواء فقط.

انا النهاردة بالاسترا دخلت فى بركة مية كانت معدية العتب لحد اول الباب من تحته
كل الى عملته انى مشيت براحة و كنت كابس بنزين جامد علشان المية متدخلش فى الشكمان

القلق كله ان المياه تدخل الشكمان فطبعا العربيه تبطل

أنا شايف إن لو العربية متقفلة ومعزولة كويس مش هيحصل حاجة إن شاء الله

بس ممكن ديسكات الفرامل تتأثر لو كانت سخنة ودخلت بيها فى مية ممكن تتعوج

لكن بطول ما احنا ماشيين فى مية بنمشى بطئ والفرامل بتبذل مجهود أقل عشان توقف العربية مش هتلحق تسخن خاصة إن بيطير عليها مياه

معانة المصرى

باشا انا كنت رايح ابوقير و كان لازم اعدي مفيش مجال عارف الشارع الي ورا بيسموه عشرين :)

مقلك عارف جبل الرملة الي هناك :) قلبت العربية سفينة و المية كانت لحد الكبوت :)

و ستر من عند ربنا العربين مبطلتش :) بس لما وقفت فتح الكبوت كان الموتر من فوق ناشف :) الميه كانت واصلة تحت الشبكة كدة فمشفشط ميه و كنت دايس بانزين عفي لدرجة العربية كانت جنوطها شغالة مجداف :) و طرطشت السينين عشان العربية متغرقش و الشكمان مدخلش فيه ميه :)

و عادي يعني حنعمل ايه :) الحل الحتة الجيببببببب ك:)

اقتباس:

---

المشاركة الأصلية كتبت بواسطة deshahcoka

باشا انا كنت رايح ابوقير و كان لازم اعدي مفيش مجال عارف الشارع الي ورا بيسموه عشرين :)

مقلك عارف جبل الرملة الي هناك :) قلبت العربية سفينة و المية كانت لحد الكبوت :)

و ستر من عند ربنا العربين مبطلتش :) بس لما وقفت فتح الكبوت كان الموتر من فوق ناشف :) الميه كانت واصلة تحت الشبكة كدة فمشفشط ميه و كنت دايس بانزين عفي لدرجة العربية كانت جنوطها شغالة مجداف :) و طرطشت السينين عشان العربية متغرقش و الشكمان مدخلش فيه ميه :)

و عادي يعني حنعمل ايه :) الحل الحتة الجيببببببب ك:)

---

انا لو منك استحاله اعمل كده فى العربيه واكييييد حدور على حل تانى وطريق تانى

اقتباس:

---

المشاركة الأصلية كتبت بواسطة hossam_elwani

انا لو منك استحاله اعمل كده فى العربيه واكييييد حدور على حل تانى وطريق تانى

---

ههههههههههه مش للدرجادي يعني ياباشا :) انا بس كنت متحمس النهاردة :)

انا اصلا لسه عامل صيانة ال 80 و مظبط الكلام و مغير بوجيهات و كدة و اصلا مكانهم و الكفر الي عليهم فعلا مستحيل يوصلهم ميه :)

و عادي المية كانت للعتب فعلا و لغاية الشكمان كدة :) الفكرة انوا الارض كانت رملة مش اسفلت فعشان كدة الكواتش كان بيتزحلق و بيرش رملة بمية مش مكلبش يعني بس حسيت اني عايم مش ماشي :)

و بعدين الي خلاني اعدي انوا عدى قدامي اوبل كورسا قديمة :) و محصلهاش حاجة بس هيا كانت ميه اكتر عشان هيا اوطى بمراحل :)

و بعدين مكنش في حل تاني و بعدين ده مصيبة لو موصلتش :)

ليه الحل لازم يكون من عندنا احنا؟ ليه الشوارع مافيهاش تصريف؟ مع ان مافيش اكتر من البلاعات!!!!! و رغم اماكن تجمع المياه معروفة فى كل منطقة بقالها سنين؟ و حتى لو مفيش فلوس نظبط الكلام ده ليه مفيش عربيات بتطلع تشفط البحيرات ديه؟ ليه بيسيبوها كام يوم تنشف لوحدها؟؟؟؟ هو ده السؤال. و احييك على هذا الموضوع

لو المية دخلت في الشكمان العربية هتبطل
لو المية اعلى ووصلت للموبينة او الاسبراتير ، العربية هتبطل وهتدور تانى بصعوبة
لو ما بطلتش بعد كل ده وكانت اعلى من كدة ووصلت لفلتر الهوا هتبطل والحالة دى خطر جدا لأنها هتسبب دخول مياه مع البنزين للموتور
طبعا ده بالاضافة لأن المية هتدخل جوة العربية من فتحات التصريف اللى في الدواسات ومن عند العتب وخلوص الابواب مع القوايم

مش محتاج طبعا اتكلم عن التأثير الضار جدا اللى هيلحق بالفرامل خصوصا لو كانت الطنابير سخنة جدا قبلها ..

يا جماعة الخوف كله لا من الشكمان ولا من البوجيهات

اهم حاجتين تعرف مكانهم عشان تعرف عربيتك تستحمل لحاد انهو منسوب

1- كنترول العربية محطوط فين و معزول ولا لأ بره في الكابوت ولا جوه في الكابينة و لو جوه في الارضية ولا متسبت في جمب من التابلوه

2- و ده مهم جدا برضه فتحة ال intake اللي بتسحب هوا للموتور جاية من تحت ولا من فوق ولا ايه ظروفها لانها لو سحبت مية 100 % العربية حتقف

انا مره نزلت في كذا بركة ميه من كام سنه كدا كان في مطر فظيع و بقت سايق و انا رجلي في المية و اوس فرامل المية اللي ورا تيجي قدام زي الموجة كدا , ادوس بنزين المية ترجع لورا كان حمام سباحة جوا العربية , واحد صاحبي في نفس اليوم ده موبايله وقع منه في عربيته باظ من المية

اقتباس:

---

المشاركة الأصلية كتبت بواسطة sanhory

يا جماعة الخوف كله لا من الشكمان ولا من البوجيهات

اهم حاجتين تعرف مكانهم عشان تعرف عربيتك تستحمل لحاد انهو منسوب

1- كنترول العربية محطوط فين و معزول ولا لأ بره في الكابوت ولا جوه في الكابينة و لو جوه في الارضية ولا متسبت في جمب من التابلوه

2- و ده مهم جدا برضه فتحة ال intake اللي بتسحب هوا للموتور جاية من تحت ولا من فوق ولا ايه ظروفها لانها لو سحبت مية 100 % العربية حتقف

انا مره نزلت في كذا بركة ميه من كام سنه كدا كان في مطر فظيع و بقت سايق و انا رجلي في المية و اوس فرامل المية اللي ورا تيجي قدام زي الموجة كدا , ادوس بنزين المية ترجع لورا كان حمام سباحة جوا العربية , واحد صاحبي في نفس اليوم ده موبايله وقع منه في عربيته باظ من المية

---

فعلا مهمة اوى الملاحظة بتاعت كنترول العربية دي

انا مش باخاف من المطرة دى غير من الغرزة بتاع العجل بتبقى مصيبة و حصلت لى مرة غرزت فى ارض واسعة كانت طين بافترا و لستر ربنا كانت المنطقة دى جنب البيت كان الطين اكتر من 20سم والواحد كان راجع تعبان ميت والدنيا ليل ومش شايف الطين دا اصلا ولا حاطط ليه بال سبت العربية تانى يوم لغاية ما الحتة نشفت وجبت لها هعرقين خشب تحت العجل لغاية ما طلعت والحمدلله

بس كنت نازلها بجزمة سيفتى بقى :d

المهم انا مش باخاف من علو المية دا غير على الدبرياج وعلب الشكمان وخصوصا انها ممكن تكون مخرومة وتبهدل الدنيا

اقتباس:

---

المشاركة الأصلية كتبت بواسطة sanhory

يا جماعة الخوف كله لا من الشكمان ولا من البوجيهات

اهم حاجتين تعرف مكانهم عشان تعرف عربيتك تستحمل لحاد انهو منسوب

1- كنترول العربية محطوط فين و معزول ولا لأ بره في الكابوت ولا جوه في الكابينة و لو جوه في الارضية ولا متسبت في جمب من التابلوه

2- و ده مهم جدا برضه فتحة ال intake اللي بتسحب هوا للموتور جاية من تحت ولا من فوق ولا ايه ظروفها لانها لو سحبت مية 100 % العربية حتقف

انا مره نزلت في كذا بركة ميه من كام سنه كدا كان في مطر فظيع و بقت سايق و انا رجلي في المية و اوس فرامل المية اللي ورا تيجي قدام زي الموجة كدا , ادوس بنزين المية ترجع لورا كان حمام سباحة جوا العربية , واحد صاحبي في نفس اليوم ده موبايله وقع منه في عربيته باظ من المية

---

الكنترول بيتهيألى كله بيكون فى وش التابله من فوق عشان يقصر الضفيرة وما يعملش جهد على اللوحة وكمان اصلا عاملين حساب المية دى لان برضه فى بلاد اوروبا نفس الكلام بيكون فيه منسوب عالى من المية والثلوج

-كونترول الفيكترا بي داخل الكابينه نفسها فوق علبه الفيوزات
-اقل مستوي يعملك مشكله لو الميه جت عليه في الفيكترا هو المستوي اللي
فيه الموبينه والمشط وهو بالمناسبه عالي مش واطي خالص يعني لغايه اول الشبكه الاماميه
مفيش مشكله العربيه مش هتبطل انما الخسائر ممكن تكون في
-الطنابير لو سخنه هتنبعج
-ترموستات الرادياتير ال3 رجل لو جت عليه ميه هيعمل كونتاكت ويشغل المراوح باستمرار وهتحتاج تغيره
-كباس التكييف عليه سويتش ممكن يبوظ من الميه لان الكباس واطي فوق المصفحه
-لو عندك كشافت ضباب كل سنه وانت طيب

الف شكر علي ردودكم
و انا اسف مش عارف ارد عشان عندي امتحانات في الكليه ادعولي
بس عاوز اعرف الميه ممكن توصل لغايت فين و امشي بالعربيه عادي لو اتحطيت في موقف ولا حاجه
شكرا يا رجاله و اسف اني مش متابع الموضوع بشكل مستمر. ادعولي في الامتحانات دي

اقتباس:

---

المشاركة الأصلية كتبت بواسطة فادى محمد

-كونترول الفيكترا بي داخل الكابينه نفسها فوق علبه الفيوزات
-اقل مستوي يعملك مشكله لو الميه جت عليه في الفيكترا هو المستوي اللي
فيه الموبينه والمشط وهو بالمناسبه عالي مش واطي خالص يعني لغايه اول الشبكه الاماميه
مفيش مشكله العربيه مش هتبطل انما الخسائر ممكن تكون في
-الطنابير لو سخنه هتنبعج
-ترموستات الرادياتير ال3 رجل لو جت عليه ميه هيعمل كونتاكت ويشغل المراوح باستمرار وهتحتاج تغيره
-كباس التكييف عليه سويتش ممكن يبوظ من الميه لان الكباس واطي فوق المصفحه
-لو عندك كشافت ضباب كل سنه وانت طيب

---

انا مره مشيت في بركه عاليه والمايه عدتت الترموستات بتاعت المراوح ومحصلش حاجه