كلاكيت تاني مره .. سخان غاز (إيديال / أولمبيك / زانوسي)؟؟؟؟
أنا كنت عامل موضوع من ١٠ أيام أو أكتر وحصرت الإختيار أخيرا في ثلاث حجات ...
إيديال / أولمبيك / زانوسي ... كله ١٠ لتر.
الثلاثة تبع أولمبيك جروب، لما سألت مندوب المبيعات بتاعهم في كارفور قلتله إني محتار بين الثلاثة وينصحني بإيه واثلاثة تبعهم؟ قاللي الزانوسي كل المكونات إيطالي والتجميع بس في مصر وأحدثهم ،٥ سنوات ضمان على السخان بالكامل مش أجزاد وأجزاء، ثلاث بكرات تحكم (صيف وشتاء / تدفق المياه / درجة الحرارة) وشاشة ديجيتال إشعال ذاتي مع فتح المياه. طبعا غير موصفات الأمان المعروفة لو الشعلة طفت .. إلخ.
الخلاصة إللي وصلتلها، اليونيفيرسال ناس شكرت وناس ذمت ولذلك إستبعدته، بس الإيديال والأوليمبك شفت شكر ومش فاكر إني شفت ذم وأنا شايف الأوليمبيك إتجرب كتير وكل الكلام عليه زي الفل.
بس أنا ميال للزانوسي عشان جديد وكل المكونات إيطالي وشكله أشيك شوية كمان بس المشكلة متجربش كتير ودورت كتير ملاقتش غير بوست واحد بيتكلم عنه وبيشكر جدا فيه زيه زي الأولمبيك.
رأيكم إيه ياخوانا، حد جرب الزانوسي؟ أو يعرف حد جربة وشكر فيه. لو معرفتش معلومات تطمني من الزانوسي أظن هترسي على أولمبيك ١٠ لتر.
بالمناسبة تاني، أنا عندي سخان مصانع ١٠ لتر شلللللني، المصانع كان زمااااااان إللي عنده مصانع من ١٨ و٢٠ سنه ربنا يباركله فيه بس إللي عندي زي الزفت.