نظرية شراء زيرو ؟ استثمار للاموال ولا استهلاك

**casper2010** · 24-07-2008 07:01 PM

فرق الوقت
انت ممكن تجيب عربية زي بيجو 206 -2001 ب 50 الف و تصرف ييجي 7 مثلا بس هتبقي جددتها -
شوف دي لو زيرو مش اقل من 100 الف

يعني الفرق حوالي 45 الف جنيه

لو بتحوش 1000 في الشهر - دا لو عرفت - يبقي هتقعد حوالي 3 سنين
الموضوع برضه يستاهل دا لو حد بيفهم كويس في العربيات

**megane_man** · 24-07-2008 07:07 PM

المشاركة الأصلية كتبت بواسطة tut4tour

لا استثمار ولا استهلاك لأنه لو هيستثمر يعنى لازم يكسب فلوس وهو مش هيكسب فلوس لأنه هيبيع أقل من السعر اللى اشترى بيه طبعا لكن انا شايف انه هيكسب حاجة أهم هى انه لما يبيع العربية هياخد تمنها ويحط عليه مبلغ معقول وهيشترى عربية زيرو تانية تقعد معاه 5 سنين هو كده صح مش غلط لأنه ريح باله 5 سنين وعلى طول معاه موديل حديث وفى نفس الوقت هو مش استهلاك لآنه مش هيصرف عليها طول الخمس سنين غير بنزين وزيت ومش هتفتح بقها . ده رأى الشخصى

+10000000000000000000000
كفاية انك حتوفر المجهود والوقت الضايع عند الصنايعية

**poopoo_966** · 24-07-2008 07:09 PM

المشاركة الأصلية كتبت بواسطة casper2010

فرق الوقت
انت ممكن تجيب عربية زي بيجو 206 -2001 ب 50 الف و تصرف ييجي 7 مثلا بس هتبقي جددتها -
شوف دي لو زيرو مش اقل من 100 الف

يعني الفرق حوالي 45 الف جنيه

لو بتحوش 1000 في الشهر - دا لو عرفت - يبقي هتقعد حوالي 3 سنين
الموضوع برضه يستاهل دا لو حد بيفهم كويس في العربيات

ممكن برده بس يا ترى هتجدد كل حاجه بال 7 الاف خد فى بالك ان الزيرو يعنى كل حاجه فى العربيه زيرو من اصغر زرار لاكبر حاجه و كمان الزيرو دلواتى اوبشن و كماليات اكيد عمرها قصير و استبدالها غالى و تعديلها يفقد قيمتها

**Ahmad** · 29-07-2008 05:11 PM

المشاركة الأصلية كتبت بواسطة casper2010

و الله انا شايف عكس كده
- الزيرو جميل بس لازم صيانة و كتير بيطلعلهم مشاكل و بيتبهدلوا برضه - دا غير لو فيه حادثة و لا خبطة لا قدر الله + بتدفع كتيييير و لو فيه قسط هتدفع في المجمل اكتر ...
- المستعمل عاوز واحد فاهم في العربيات او معاه حد فاهم يجيبهالوه - و برضه هيصرف علي العربية شوية فلوس --- بس الموضوع انك هتركب1- ماركة محترمة 2- عربيات متجربة و معروف ميكانيكتها و قطع غيارها 3- غالبا ممكن تركبها سنتين و لا 3 و تبيعها اغلي من السعر اللي جايبها
بسسسسسسسسسسسسسس - لازم تكون فاهم و انت بتشتري و تدقق 100 100

أنا أؤيد الرأي دة.
حجم المجهود المبذول لإصلاح بعض العيوب في سيارة مستعملة لا يساوي خسارة 10 أو 20 أو 30 ألف في 5 سنين.
مع الوضع في الاعتبار طبعا أن شراء المستعمل محتاج حد فاهم كويس علشان متشتريش عربية تصرف عليها قد تمنها

و أخيرا,موضوع شراء الزيرو أو المستعمل مش فكرة مين أحسن و مين أسوأ. انما يعتمد في المقام الأول علي ظروف و متطلبات المشتري , بالإضافة إلي خبرته في التعامل مع السيارات .

**mexmarine** · 30-07-2008 01:18 AM

راي انه مع ان الزيرو مش مضمون عندنا فى مصر و ظهر بقوه ما يسمى بعيوب الصناعه إلا إنى مع المثل الانجليزى القائل ( لست غنيا لاشترى قديم)

**casper2010** · 31-07-2008 06:57 PM

مثل ايه الغريب اللي مش راكب علي بعضه

**Eng.Sameh** · 31-07-2008 07:07 PM

طبعا الزيرو احسن في كل حاجه .. أحدث .. اضمن ... تريح دماغك 5 سنين ... توفر وقت الوقوف عند الميكانيكي كل شويه :)

**Eng.Sameh** · 31-07-2008 07:09 PM

المشاركة الأصلية كتبت بواسطة casper2010

مثل ايه الغريب اللي مش راكب علي بعضه

لأ هو المثل ده صحيح .. ومعناه ان المستعمل بيحتاج مصاريف كل شويه ومحتاج واحد يسد على المصاريف دي .. انما الزيرو مش محتاج كل شويه تصليح ومصاريف ... ادي الفكره

**Scent7104** · 01-08-2008 05:30 AM

المشاركة الأصلية كتبت بواسطة justs

لأ هو المثل ده صحيح .. ومعناه ان المستعمل بيحتاج مصاريف كل شويه ومحتاج واحد يسد على المصاريف دي .. انما الزيرو مش محتاج كل شويه تصليح ومصاريف ... ادي الفكره

Fully agreed
الزيرو مهما كان أحسن و هيوفر مجهود و وقت و فلوس في قطع غيار و سرقة ولف على صنايعية ما بيفهموش.

**mexmarine** · 01-08-2008 06:42 AM

المشاركة الأصلية كتبت بواسطة justs

لأ هو المثل ده صحيح .. ومعناه ان المستعمل بيحتاج مصاريف كل شويه ومحتاج واحد يسد على المصاريف دي .. انما الزيرو مش محتاج كل شويه تصليح ومصاريف ... ادي الفكره

فعلا ده الواقع و الحقيقه,, القديم مكلف جدا و على فكره اللى قال لى المثل ده واحد انجليزى معايا فى الشغل و طبعا بخيل مثلهم و لما شاف صورة عربيتى الإبيزا قبل ما ابيعها (هى موديل 94) قالى دى قديمه قوى , اكيد انت غنى لأنك محتفظ بها حتى الان (مش عارف الخيبه و انها تعتبر موديل حديث عندنا) و سالته على عربيته قال لى لاند روفر موديل السنه لأنه فقير:laugh: