البنزين فيه ايه

**john55** · 08-01-2013 08:52 PM

مش عارف بعد ما مونت العربيه حسيت انها بقت تقيله وسحبها بقي تقيل اوي مش عارف الحل ايه العربيه موديل 2012 اكسنت اوتو ياريت لو حد عنده حل يقولي عليه لاني زعلان كانت العربيه معايا زي الطياره مش عارف البنزين عمل فيها ايه وشكرا

**hugan** · 08-01-2013 08:54 PM

الشيء الجديد اللي ملاحظه ان البنزين بيطير بسرعه رهيبه
مش عارف العيب فين
اوقات كتير ال 40 لتر بيعملوا 400 كيلو وزياده
اليومين ال 40 لتر مفيش يومين والاقي التانك فضي

**Land_Cruiser** · 08-01-2013 09:05 PM

البنزين فى الاغلب مغشوش. لما يخلص حط من بنزينه تانيه و ان شاء الله هتلاقى اتظبطت تانى

**original** · 08-01-2013 09:22 PM

صراحة هيا ماتعملش كده غير مع البنزين ال80
ويمكن يكون فعلا مغشوش
إبأا فول 92 تانى من محطة محترمة وماتسيبوش فى التانك لوحده من غير ماتخلطه لحد مايخلص..

**MIVEC.A92** · 08-01-2013 09:34 PM

http://www.nilemotors.net/Nile/328277-a.html

**Samir Elshahawy** · 08-01-2013 09:56 PM

أول أمبارح مونت من محطة و بالرغم من أن التانك كان نصه تقيبا و أنا عارف أن العربية المفروض تأخد حوالي 24 لتر أذ فجأة الطلمبة تفصل بعد 13 لتر !!!
و بعد محاولات التانك أخد 15 لتر بالعافية !!!
لكن مؤشر البنزين كان مازال ناقص حوالي 12 لتر كمان علي الاقل

بصراحة أستغربت و قولت معقول يكون علق ؟
العربية لسه جديدة و كانت عاملة أكثر من 300 كم مشاوير

المهم مشيت و يادوب كام مشوار عملت فيهم 150 كم و كنت قريب من امارات المعادي قولت أفول التانك
و كانت المفاجأة المفجعة

العربية أخدت 23 لتر بنزين بعد ماقطعت مسافة 150 كم
بصراحة مشيت و أنا مش مصدق نفسي و كنت عمال أكلم نفسي و أكلم العربية لدرجة أن زوجتي قلقت و سألتني هو فيه مشكلة في العربية ؟

النهاردة بقي المؤشر نزل درجتين و أنا يادوب ماكملتش 60 كم !!
زي مايكون التانك مخروم أو فيه تسريب بنزين

أنا كنت شاكك في العربية

لكن بعد الموضوع ده و كلامكوا أتأكدت أن فيه لعبة بتتعمل في المحطات
بصراحة انا شاكك أن طلمبات البنزين بتضخ البنزين بسرعة عالية فيحصل فوران داخل التانك و يعمل زي طبقة فوم فالعوامة تقرأه علي أنه أتملأ و الطلمبة تفصل

و بعد ماتمشي بالعربية يكون البنزين هدأ و يبدأ منسوبه ينزل في التانك و العوامة تقرأ المنسوب الحقيقي فيبدو علي أنه استهلاك عالي

أنا ناوي أجرب تاني لما أكمل ال 100 كم و أشوف الحكاية أيه بالظبط
و ياريت حضراتكوا تتابعوا معايا الموضوع و نبلغ بعض أول بأول

**mshmshm3** · 08-01-2013 10:25 PM

المشاركة الأصلية كتبت بواسطة samir elshahawy

]لكن بعد الموضوع ده و كلامكوا أتأكدت أن فيه لعبة بتتعمل في المحطات
بصراحة انا شاكك أن طلمبات البنزين بتضخ البنزين بسرعة عالية فيحصل فوران داخل التانك و يعمل زي طبقة فوم فالعوامة تقرأه علي أنه أتملأ و الطلمبة تفصل

و بعد ماتمشي بالعربية يكون البنزين هدأ و يبدأ منسوبه ينزل في التانك و العوامة تقرأ المنسوب الحقيقي فيبدو علي أنه استهلاك عالي

أنا ناوي أجرب تاني لما أكمل ال 100 كم و أشوف الحكاية أيه بالظبط
و ياريت حضراتكوا تتابعوا معايا الموضوع و نبلغ بعض أول بأول

تفتكر !!!!!!
طيب هات كدة لتر بنزين و رجه شوف هايعمل رغاوي ولا لا
وهل قوام و تماسك الرغاوي بنفس قوام و تماسك سائل البنزين !!!!!!!
لو كدة تبقي مشكلة فعلا

**john55** · 08-01-2013 10:31 PM

انا فولت التانك من حوالي اسبوع والمسدس بتاع البنزين فصل والعامل قالي التانك فول للاخر ويادوب مشيت عشرين كيلو جوا البلد لقيت اول شرطه من العداد نزلت قلت اكيد اتنصب عليا لكن اعتقد البنزين فيه حاجه غربيه بيطير بسرعه البرق وعربيتي حاسس انها بقت غريبه عني وسرعتها وسحبها مش هيا دي عربيتي انا اعرف عامل في بنزينه هحاول اساله عن البنزين وياريت يديني الرد الصح وشكرا

**Samir Elshahawy** · 08-01-2013 10:49 PM

المشاركة الأصلية كتبت بواسطة mshmshm3

تفتكر !!!!!!
طيب هات كدة لتر بنزين و رجه شوف هايعمل رغاوي ولا لا
وهل قوام و تماسك الرغاوي بنفس قوام و تماسك سائل البنزين !!!!!!!
لو كدة تبقي مشكلة فعلا

الكلام ده كان بيتعمل معانا في تموين السفن الكبيرة بالوقود و هناك مافيش عدادات زي محطة البنزين كنا بنعتمد علي قياس منسوب الوقود في التانك و بعد مانستلم و نمشي كنا نكتشف أن فيه فرق كبير و الكميات كانت بتبقي كذا طن و يا سلام بقي لو ديزل كانت بتبقي مصيبة سودا

علشان كده أتعلمت أني بعد ما أستلم الكمية أوقف الضخ و أنتظر فترة و أعيد القياسات تاني و كان فعلا بيطلع فيه فرق و كنا بنطلب أعادة ضخ الوقود تاني

نفس الشئ ممكن يحصل مع البنزين و فعلا اللي لاحظته اكثر من مرة أن عداد البنزين في المحطة بيجري بطريقة غير طبيعية

-

الموضوع: البنزين فيه ايه

LinkBack

أدوات الموضوع

عرض

-

-

-

-

-

المواضيع المتشابهه

أزمة البنزين ومؤشر البنزين لعربيتى الكورولا 2003 مانيوال

وزير البترول يناقش اليوم صرف البنزين بكوبونات لرفع الدعم عن البنزين

البنزين بقي يتشفط من بعد أزمة البنزين .. أستهلاك عالي ... حد بيحصل عنده كدة ؟

هل يوجد علاقة بين نوعية طلمبة البنزين واستهلاك البنزين وسحب العربية ؟

هل بالفعل يوجد مادة تضاف مع البنزين لتنظيف دورة البنزين؟

الكلمات الدلالية لهذا الموضوع

المفضلات

المفضلات

ضوابط المشاركة