-
صـدق أو لا تـصـدق !!
عندى مجموعة من الملاحظات الغريبة على الفيرنا ، مش عارف هى عيوب أو مشاكل بالفعل ، ولا هى كده أصلا ، قولت أحكيلكو عليها وأنا حاعرف الكلام المفيــد..
(ملحوظة: عداد العربية عامل 900 كم تقريبا، لم أقوم بصيانة الألف بعد)
-أولا: العربية مطلعة سخونة ملحوظة جدا من أسفل ، تظهر بوضوح تــــام وأنا واقف فى أى إشـارة مثلا ، و مش مشغل التكييف.. هل ده عــــادى ؟؟؟
- ثانيا: أثناء السير ليلا ، و الكشافات مضاءة ، أقوم بالوقوف على جنب لشراء حاجة مثلا ، أقوم بغلق المفتاح (الكونتاكت) دون غلق ذراع الإضاءة ، بشكل طبيعى يعنى ، عاوز أسيب العربية منورة عشان أنا راجع علطول ، المفروض يفضل النور الصغير شغال من الخلف و من الأمام (يطلق عليه نور التابلوه) ، لكن بمجرد أخذ المفتاح من الكونتاكت ، بتقفل كل الأنوار حتى و ذراع النور على الدرجة العالية ؟؟ و منغير رنة التنبيه المعروفة حتى اللى بتقول النور مفتوح ؟؟؟؟؟؟
- ثالثا: هناك أربع زراير للتحكم فى الزجاج الكهربى من الباب الخاص بى (و ده عــــادى) اللى مش عادى بقى الزرار الرابع أسفلهم ، المفروض برده إن ده عشان يلغى التحكم الخلفى للزجاج من الأبواب الخلفيه ، تمام ، بس هو بيلغيها من عندى أنا كمــــــان ، يعنى ولا من ورا ولا من قدام ، وده تقريبا مش طبيعى ؟؟؟
رابعا: الفـرامـــــل.. أنا لسه ماشى واحده واحده ، و لم أحتاج الى الفرامل بشكل عنيف أو قوى حتى الأن، والحمد لله ، بس لو حد ضرب فرامل كده فجأه و إحتجت أنا كمان أدوس دوسة جامدة كدة ، بسمع صوت خبطة (صوت خبطة حديد فى حديد) واضحة جــدا.. هى دقة واحدة.. بس معنديش ليها أى تفسيـــــــــر ..
إيه ، التيل بيطببع مكانه ؟؟؟؟
و أرجو منكم الإفـــــاده ، كالـعـــــــــادة...
-
شوف سعادتك:
موضوع السخونة ممكن جداً إن زراير ضبط إتجاه الهواء و التبريد في العربية مضبوطة على الساخن يعني الهواء اللي جاي من بره بيعدي على دورة مياه التبريد بتاعت العربية فبيسخن حتى من غير متشغل التكييف أو المروحة .
موضوع النور لما تركن ده ميزة لمصلحتك علشان متنساش النور و تنزل.. و موجود عندي في الإلنترا بس لما بفتح الباب تلاقي النور طفى لوحده مش لما بشيل المفتاح.. في الكتالوج مكتوب إني لو حبيت أخلى النور منور يبقى الف دراع النور أقفله و بعدين أفتحه تاني هيفضل منور.. غالباً هيكون عندك كدة برضه.
برضع عندي نفس موضوع التحكم في الزجاج.. لما بدوس على الزرار ده بيفصل التحكم في بقية الزجاج ورا و قدام حتى السائق مبيكنش ليه control.
بالنسبة لخبطة الفرامل الحقيقة معرفش.. ممكن حبايبنا ملاك الفيرنا يردوا عليك و إن كنت أعتقد إنها غالباً غير طبيعية و هتتحل في التوكيل في الصيانة.
-
الخبطه دى لو من قدام تبقى طبيعيه ده صوت خبط التيل فى الطنابير و برضوا قولهم عليها
و باقى ملاحيظك دى مش عيوب ده عادى
لكن السخونه دى شوف زى ماالاستاذ احمد بيقولك و ربنا يباركلك فيها
-
الكلام تمام و واضح جدا ، بس لو سمحتم هى إيه "زراير ضبط إتجاه الهواء و التبريد" اللى ممكن تكون عندى مضبوطة عالساخن..
دى زراير التكييف ؟؟ ولا دى فيـن ؟؟
-
مؤشر التكييف اللي في الوسط و الباقي الاخ احمد رد باستفاضه ولا ازيد عليه
-
خلى مؤشر التكيق اللى فى الوسط على و طع الوجه و مؤشر الحراره على وضع البارد و شوف
-
والله يا جماعة انا أصلا عامل كده.. (أنظر الصوره)
يعنى مؤشر التكييف: على الوجه ، و على البارد ..
تفتكرو الموضوع كدة إيــه ؟؟؟
-
ان شاء الله خير ماتخد فى بالك انت بس قولهم ممكن يكون العزل مفكوك من مكانه ولا حاجه انا على فكره عربيتى موديل 2008 و بحس بالسخونه دى برضوا بس لما اكون واخد مشوار طزويل
-
طب لما تروح تعمل صيانة ال1000 اسئل التوكيل او قولهوم على المشكلة ديه كمان نت اكيد لسة فى الضمان من حقك تعمل مشكلة وتقول للتوكيل انا مستلم عربية مش مظبوطة (على حكاية الحرارة) بس بقيت الاسئلة الاعضاء الخدومين ردوا عليك
Content Relevant URLs by
vBSEO 3.6.0 PL2