انا والهواء وعم حسين بتاع الدش في الدور الحداشر

السلام عليكم ورحمه الله
من كام يوم كدة الدش عندي طار من شوية هوا جامدين
انا بقالي 10 سنين بتعامل مع محل كبير في المنطقة ومريحني جدا
تعالي ركب يركب
تعالي شيل يشيل
ابعتلي كذا ماشي
ناس محترفة ومعظمهم كانو شغالين في ART وفاهمين وحافظين التركيب بدون رسيفرات ولا شاشات ولا كلام من ده
المهم انا كنت مشتري طبق متر مع الرسيفر الجديد وركنته قولت اطلعه اركبه
لقيت جنب البيت محل صغير فاتح دش
واقف فيه شاب صغير بتاع 22 سنة
قولت اشجعه بلاش المحل الكبير واهو يسترزق ده تركيب طبق
تعالي يابني ركب كذا
في الدور الكام يا بيه
السطح هايكون الحداشر
حدااااااااااااااشر !!!!
هو انت هاتطلع على رجلك ما في اسانسير
ايوة يا بيه وبتاع
ويوافق الباشمهندس على مضض
جاب شنطتة وجاي معايا
هاتحتاج جبس ولا اسمنت ؟
اه
قد ايه ؟
معرفش شوية كدة
نعععععععم
هات xyz
طب خد فلوس هات
لاء هات انت يا بيه
!!!!!!!!!!!!!!!!!!!!!!!
خد الفلوس وراح جاب الحاجة ومتضرر قوي
طلعت معاه
عايز حاجة تاني ؟؟
اه خليك واقف نورلي بالكشاف
يا صبر ايوب جررررررررر
نسيت اقولكم انه كان بيندغ لبانة بطريقة مستفزة جدا
وحاطط سماعات الهيدفون في ودانة الاتنين ومعليهم والصوت واصلي وعشان اكلمة لازم اشيلة سماعه ويرجع يحطها تاني
بيسمع بالقرش كله باين عليه
فهمته اني عايز كذا وكذا وان العمارة الجديدة اللي طلعت جنبي قفلت ارسال النايل سات
وكل الاطباق اللي حوالينا دي اصحابها سابوها عشان مابقتش تلقط واشترو اطباق جديدة وبيحطوها ورا
هو صمم يحطها قدام
يابني مش هاتنفع
يا باشا ده شغلي
سيبته يعجن والجو تلج وموقفني جنبه
وبعد كدة مفيش اشارة
يا حبيبي ماقولتلك من الاول
قالي هاكمل الصبح
قولتلة تكمل ايه الصبح
قالي اصلي اتشائمت من الطبق ده وسايب المحل لوحدة هاجي الصبح على رواقة واهو دلوقتي اجيب زبونين تانيين
قولتلة انا واقف جنبك بقالي ساعتين
قعد يقول كلام مالوش اي لازمة
طبعا كنت هارمية من الحداشر وسبحان من مسك ايدي وهو نازل من باب السلم كنت هازقووولوووة من على باب السطوح :-)
قرفت من الحوار والنهاردة معدي من على قدام المحل بتاعي اللي عارفة والدنياا تلج وهوا عنيف وبتمطر
قولتلة لما الدينا تروق ابعتلي حد يركب عشان حصل كذا كذا
لقيت واحد بيرد عليا في المحل مش اقل من 50 سنة والله
هو حضرتك رايح مشوار ؟
لاء مروح
طب اجي معاك اركبلك
في الجو دة يا حاج ؟؟
اه وايه يعني
وصفتلة العمارة علي مادخلت العربية الجراج حصلني
وريني باب السطح بس ومكان الطبق وعايز ايه
الواد كان بوظ الاستاند نزل جاب واحد من المحل والمحل بعيد لوحدة
وطلع ركب واشتغل ونط عالسطح التاني والجو مبطلش مطر وهو شغال مالوش دعوة
ضلمة وهواء عنيف ومطر وهو شغال
يا سبحان الله
ناس قد ايه بتخاف على رزقها
والتاني ابو لبانة وهيدفون يقولي اتشائمت ويبوظلي استاند وعدسة كلفوني 50 جنيه غير الوقت وده عندي اهم
والتاني مقاليش هات اي حاجة وخد مية من عند البوابة من تحت ولا قالي هات مفتاح الاسانسير وطالع نازل عالسلم
50 سنة
وابن 22 سنة مش عايز يتعب
خلص ونزل وقالي
كله تمام وبص على الدش بتاعك
لاقط كل القنوات ظبط حاجات من عندي وقالي سلام
طب اقعد اتغدي
لاء كدة جبرت ام العيال مستنياني
لا قوة الا بالله
عشان عملت معروف وقولت انفع الجار وفاتح محل جديد يسترزق ؟؟
معلش كله عند المولي بس كان ليا نصيب مع عم حسين بتاع الدش :-)
طولت عليكم بس حبيت انقلكم غيظي :-(

الى انت بتحكيه ده يبين الفرق بين الجيل الحالى الى ما يعلم بيه الا ربنا و الناس الكبيرة

موقفك ده بيوضح الفرق بين الاستهتار فى السعى فى الرزق وبين الهمه والعزم والاجتهاد فى جلب الرزق بفضل الله


بس بجد الراجل ده غير عادى ازاى يعمل ده كله فى الجو ده ربنا يباركله فى رزقه


السؤال هو اخد حسابه مضاعف عشان ظروف التركيب ولا اخد العادى بتاعه ؟؟

تحياتى

ياريس الدنيا اليومين دول كده

لو تعرف حاجة كويسة اشبط فيها أو حد فهم شغلوا اشبط فيه وماتشيبوش خالص !

الكل عارف ان اي حد اليومين دول ممكن يفتح اي حاجة ويقلب على اي صنعة وانت تلبس فيه ويخسرك وقتك

وفلوسك ،

الحمد لله جت على خير

وياريت زقيت الواد ده وريحت البشرية منه !

شكرا على نقل التجربة
بس رأيي ان الموضوع يعتمد على المهارة والخبرة والأخلاق اللى ممكن يكونوا موجودين فى شاب أو فى رجل كبير

هي مش غلطه قد ماهي واجب عليك

تفكيرك ايجابي بان حضرتك تفكر في الصغير عشان يكبر بس هو اللي ماعرفش يحافظ علي لؤمت عيشه


حضرتك عملت اللي عليك اه خسرت فلوس ووقت بس معلش تتعوض والخساره مش كبيره

لكن هو خسر زبون واتنين وتلاته لان حضرتك لو عجبك شغله كنت هدل ناس كتير عليه ويبدأ رزقه لكن هو بغباءه ماعرفش يحافظ علي رزقه

ههههههههههه مزقتهوش ليه بس ههههههههههههه
ربنا يبارك للراجل المحترم اللي ركبهولك و اللي بيسعى عشان رزقه

اقتباس:

---

المشاركة الأصلية كتبت بواسطة karim_monir

السلام عليكم ورحمه الله
من كام يوم كدة الدش عندي طار من شوية هوا جامدين
انا بقالي 10 سنين بتعامل مع محل كبير في المنطقة ومريحني جدا
تعالي ركب يركب
تعالي شيل يشيل
ابعتلي كذا ماشي
ناس محترفة ومعظمهم كانو شغالين في art وفاهمين وحافظين التركيب بدون رسيفرات ولا شاشات ولا كلام من ده
المهم انا كنت مشتري طبق متر مع الرسيفر الجديد وركنته قولت اطلعه اركبه
لقيت جنب البيت محل صغير فاتح دش
واقف فيه شاب صغير بتاع 22 سنة
قولت اشجعه بلاش المحل الكبير واهو يسترزق ده تركيب طبق
تعالي يابني ركب كذا
في الدور الكام يا بيه
السطح هايكون الحداشر
حدااااااااااااااشر !!!!
هو انت هاتطلع على رجلك ما في اسانسير
ايوة يا بيه وبتاع
ويوافق الباشمهندس على مضض
جاب شنطتة وجاي معايا
هاتحتاج جبس ولا اسمنت ؟
اه
قد ايه ؟
معرفش شوية كدة
نعععععععم
هات xyz
طب خد فلوس هات
لاء هات انت يا بيه
!!!!!!!!!!!!!!!!!!!!!!!
خد الفلوس وراح جاب الحاجة ومتضرر قوي
طلعت معاه
عايز حاجة تاني ؟؟
اه خليك واقف نورلي بالكشاف
يا صبر ايوب جررررررررر
نسيت اقولكم انه كان بيندغ لبانة بطريقة مستفزة جدا
وحاطط سماعات الهيدفون في ودانة الاتنين ومعليهم والصوت واصلي وعشان اكلمة لازم اشيلة سماعه ويرجع يحطها تاني
بيسمع بالقرش كله باين عليه
فهمته اني عايز كذا وكذا وان العمارة الجديدة اللي طلعت جنبي قفلت ارسال النايل سات
وكل الاطباق اللي حوالينا دي اصحابها سابوها عشان مابقتش تلقط واشترو اطباق جديدة وبيحطوها ورا
هو صمم يحطها قدام
يابني مش هاتنفع
يا باشا ده شغلي
سيبته يعجن والجو تلج وموقفني جنبه
وبعد كدة مفيش اشارة
يا حبيبي ماقولتلك من الاول
قالي هاكمل الصبح
قولتلة تكمل ايه الصبح
قالي اصلي اتشائمت من الطبق ده وسايب المحل لوحدة هاجي الصبح على رواقة واهو دلوقتي اجيب زبونين تانيين
قولتلة انا واقف جنبك بقالي ساعتين
قعد يقول كلام مالوش اي لازمة
طبعا كنت هارمية من الحداشر وسبحان من مسك ايدي وهو نازل من باب السلم كنت هازقووولوووة من على باب السطوح :-)
قرفت من الحوار والنهاردة معدي من على قدام المحل بتاعي اللي عارفة والدنياا تلج وهوا عنيف وبتمطر
قولتلة لما الدينا تروق ابعتلي حد يركب عشان حصل كذا كذا
لقيت واحد بيرد عليا في المحل مش اقل من 50 سنة والله
هو حضرتك رايح مشوار ؟
لاء مروح
طب اجي معاك اركبلك
في الجو دة يا حاج ؟؟
اه وايه يعني
وصفتلة العمارة علي مادخلت العربية الجراج حصلني
وريني باب السطح بس ومكان الطبق وعايز ايه
الواد كان بوظ الاستاند نزل جاب واحد من المحل والمحل بعيد لوحدة
وطلع ركب واشتغل ونط عالسطح التاني والجو مبطلش مطر وهو شغال مالوش دعوة
ضلمة وهواء عنيف ومطر وهو شغال
يا سبحان الله
ناس قد ايه بتخاف على رزقها
والتاني ابو لبانة وهيدفون يقولي اتشائمت ويبوظلي استاند وعدسة كلفوني 50 جنيه غير الوقت وده عندي اهم
والتاني مقاليش هات اي حاجة وخد مية من عند البوابة من تحت ولا قالي هات مفتاح الاسانسير وطالع نازل عالسلم
50 سنة
وابن 22 سنة مش عايز يتعب
خلص ونزل وقالي
كله تمام وبص على الدش بتاعك
لاقط كل القنوات ظبط حاجات من عندي وقالي سلام
طب اقعد اتغدي
لاء كدة جبرت ام العيال مستنياني
لا قوة الا بالله
عشان عملت معروف وقولت انفع الجار وفاتح محل جديد يسترزق ؟؟
معلش كله عند المولي بس كان ليا نصيب مع عم حسين بتاع الدش :-)
طولت عليكم بس حبيت انقلكم غيظي :-(

---

مصر محتاجه مليون عم حسين عشان نتقدم

كنت قول كنت ركبتلك الدش دة بصباعى الصغير
هوة فيه اسهل من كدة

اقتباس:

---

المشاركة الأصلية كتبت بواسطة hossam_elwani

السؤال هو اخد حسابه مضاعف عشان ظروف التركيب ولا اخد العادى بتاعه ؟؟

تحياتى

---

اعتقد كريم اكييد اداله حقه اللى يناسب مجهوده الله يباركله فيه

بصراحة فعلا ربنا يبارك للي بيتعب
اما الشباب الي عاوزة تقعد وتبقي صاحب ادارة
دولا معاهم ربنا معلش لو متعبش وهو شاب علشان شغله هيتعب امته ..

الواحد لما يصدق يتعرف على صنايعى محترم( كهربائى سباك ..........) و دول نادرين جدا

ممكن تكتب رقم تليفونه للاعضاء علشان لو حد ساكن فى نفس المنطقه يتعامل معاه

لو سمحت كريم بك :drugsneeded:
هنيجى نتفرج على سهره الخميس عندك بهاذوها المناسبه السعيدة
الحلبسه من عندك :tongue14:
و الكوبيبه الشامى و الجبنه الحلوم و المقرمشات من عندى :Ka_che1[1]::Ka_che1[1]:

مبروك التركيب...

للأسف معظم الصنايعية دلوقتى بقوا زى ابو لبانه بالظبط

الدهن في العتاقي .. كل ما الواحد بيكبر بيزيد حبه واهتمامه وخبرته بشغله

أنا بيبقى لى نظرة فى الصنايعى اللى بيشتغل فى الحاجات اللى زى دى
وما أسهل إنك تعرف من أول رد فعل ليه على كلامك إنه مش متخصص أو هيبوظ الدنيا ولا هيشتغل صح
عموما الأشكال اللى زى الشاب ده كتييير وأفسدت كل حاجة ومابيعرفوش يردوا على حد والناس كلها عندهم الكبير زى الصغير وماباقاش فيه احترام أبدا

هو خد رسم تركيب المحل وده ثابت مالوش دعوه وطبعا اديته اكراميته
انا بس مستغرب جدا من رد فعلا الشاب ورد فعل الراجل الكبير
بس واضح ان المسئوليات والبيت والعيال بتخلي الواحد يعيد تفكيرة لاتجاه افضل
وعشان كدة في شركات كتير قوي لما تيجي تشغل حد تشترط انه يكون متزوج
عشان يلتزم

محمد عبد الجليل باشا
بكرة الخميس يا باشا
اتفضل شرفنا والمشاريب اللي تعزها كلها :-)

فكرتني بموقف حصل معايا في الامارات
دخلت علي صنايعية شباب عايز اعمل تدوير للعجل
قالي 80 درهم وقلتله كتير وهي مش مستاهلة وهو عارف كده
وصلتها معاه ل 50 درهم وقلتله خلي بالك عشان هتحتاج تترفع ب 2 كوريك عشان عايز اعمل x
قالي متقلقش
اتفضل اشتغل ودخلتله العربية جوا المحل
اول ما بدا قلتله الكوريك ده مش هيرفع...هو ازاي انا فاهم وكده...بدا يرفع بالكوريك من قدام وهوب رفعتين والعربية وقعت ودراع الكوريك خبط الاكصدام من تحت وقشر جزء كبير وكان هيخلعه كله
بصيت تحت العربية اتاريه كان بيرفع من تحت الردياتير...قعدت ازعقله وقلتله انت مش فاهم وفيه حد يرفع من هنا وهو لسه غبي وعايز يرفع من نفس المكان
قلتله شكرا مش عايز منك حاجة وسيبته ومشيت وقفاه بيأمر عيش
روحت جبت 2 حامل عربية ب55 درهم وتحت البيت عملت التدوير يكوريك العربية الأصلي بدون أي مشاكل والحمد لله

مسير الواد بتاع الدش يكبر ويتعلم .. الايام بس هى اللى هتعلمه
وعم حسين ربنا يبارك له ويكتر من امثاله

علشان تعرف بس يا كريم كل اللى اسمهم حسين فيهم البركة
ربنا يكتر من امثالي ويزدنى تواضعاّ يارب ههههههههههههههههه
انا مريت بمواقف زي كدة كتير لحد ما بقيت بعمل كل حاجة بنفسي بما فيهم الدش
دة انا لسة مركب ماكنة زجاج كهربا بكل مشتملتها بنفسي وطلعت عينى بس النتيجة تستاهل

والله والله والله
وانا طالع اول مرة بالواد الغبي قولت لزوجتي شكله غبي وهايعك
قالتلي ماتفتريش عليه وسيبه يسترزق
بعد مانزلت من فوق وعرفت الحكاية
دخلت قفلت الباب على نفسها عشان شافتني بطق شرار :-)
لاني برضه من كتر مابتعامل مع البشر دي حفظتهم من اول رد :-)

اقتباس:

---

المشاركة الأصلية كتبت بواسطة Karim_Monir

والله والله والله
وانا طالع اول مرة بالواد الغبي قولت لزوجتي شكله غبي وهايعك
قالتلي ماتفتريش عليه وسيبه يسترزق
بعد مانزلت من فوق وعرفت الحكاية
دخلت قفلت الباب على نفسها عشان شافتني بطق شرار :-)
لاني برضه من كتر مابتعامل مع البشر دي حفظتهم من اول رد :-)

---

المدام قالت لك كدة من كتر ماهى عارفة انك بتفترى على الناس ازاى
والحرفيين كلها تشهد
حرفى
حرفى
ههههههه

:Ka_che1[1]::Ka_che1[1]:

نيهههه
ماشي يا احمد مانا بظبطكم لما بنفخهم برضه

ممكن تقولنا على تليفون و إسم الراجل ده ...أنا جارك فى عمر بن الخطاب