-
هل الحرارة دي طبيعية؟
السلام عليكم
عندي مؤشر الحرارة ما بيزيدش عن اول شرطة , الميكانيكي قالي قليله , بس الحمد لله مفيش مشاكل
لكن النهاردة كنت ماشي علي الطريق والهوا شديد في وشى , لقيت الحرارة قلت خالص وقربت علي الشرطتين الي في الاول وكده مش صح, مش معقول العربية مصممه علي انها ما تمشيش في وش الريح
يا ريت حد يفيدني فيه مشكله فعلا ولا لا وايه الحل؟
معليش مش عارف اارفق صورة العداد
بس هو في شرطتين تحت في الصفر وشرطة بعدها بيقف عندها المؤشر تقريبا او بعدها بشوية
وشرطة في نص العدااد وشرطة تانيه بين الي في النص والنهاية
اسف علي الاطالة
-
اكيد العداد عندك بتاع الحرارة بايظ حط ايدك على وش السلندر بعد ماتمشى بيها حتلاقي الموتور مولع !!!!
-
الموضوع ده حصل معايا انهرده وكنت مستغرب جدااا.. وانا ماشي برده ف وش الريح عداد الحراره يقع تحت ال 80 عند الشرطه الزرقه ويفضل شويه وبعد كده يطلع
اعتقد دا طبيعي
-
انت ممكن يكون بلف الترموستات يكون ملغي عندك
او المراوح بتشتغل بدري او مستمر
و في الحاله دي العربيه بتمشي على درجه حراره قليله و كدا الكنترول بيرمي بنزين زياده طبعا فاستهلاك البنزين هيزيد
ممكن يكون قراءه الموشر غير صحيحه
انت تشوف قراءه حساس الكولنت كام درجه على جهاز الاعطال و بعد كدا نحكم
-
زي ما الناس قالت ان الاحتمال الاخبر الثرموستات ملغي او بايظ
هل العربيه بتاخد وقت في التسخين الصبح و لا لا
-
اكيد ترموستات الكوعه عن حضرتك ملغي وبكده الميه شغاله تتبرد بره وتدخل علي المتور علي طول
الترموستات ده بيفضل قافل علي الميه لحد درجة حراره معينه (90) وبعدين يفتح يدخل الميه الساقعه لحد ماتبرد المتو وتوصل ل 80 مثلا وبعدين يقفل وهكذا
لما يتلغي هتلاقي التبريد شغال علي وده وماعمر العربيه ماهتسخن غير لما تدخل في حته زحمه مافيهاش هوا
-
هقولك الي فيها الترموستات عندك متشاله فا العربيه بتبقي سخنه وطبيعيه جو البلد
علي الطريق انت علي طول دايس بنزين فا مشغل الدوره علي طول بتسحب منها مايه واساسا سواقتك ماشيه بثبات
يعني مش بتشيل رجلك وتحط فا العربيه مفيش عليها حمل مع الهوا والريداتير الي عندك لو الاصلي بتاعها اساسا الحراره
معاه بتبفي فليله لما كان معايا كانت الحراره علي الشرطه الي قبل النص لو جربت تديها كيك دون هتلاقي الحراره
ابتدت تعلي شويه
-
شكرا يا جماعه علي الرد
فعلا لازم اشوف قراءة حساس الكولنت زي ما المهندس عاشور قال
بس ما اظنش الترموستات ملغي او بايظ لان المؤشر بيفضل علي الصفر لحد ما العربية تسخن ويبدا يتحرك للشرطة التانية وكمان المية في القربه تبدا تتحرك وتسخن لكن لو الترموستات ملغي كانت الحرارة تعلي تدريجي من الاول لان حساس الكولنت بعد الترموستات
والمشكله دي مش موجوده دايما لان الحرارة ثابته علي الطريق وجوه البلد حوالين نفس الشرطة لكن حصلت في الجو البرد ده ووش الريح
انما السؤال للمهندس عاشور بحكم انه متخصص
المفروض المؤشر يبقي عند اي شرطة وهي بتساوي درجة حرارة قد ايه
وبرده يا ريت لو تفيدنا عن الكابل المناسب للعربية ومنين اقدر اجيبه علشان اقرا انا الكمبيوتر بتاعها بنفسي
-
بص يا باشا ..الموضوع ده عندى بقاله فترة...تقريباً حتلاقى المروحة بتشتغل مع الكونتاكت...أو قبل الأوان..جرب تدور العربية و إفتح الكبوت...بعد 5 دقائق يمكن تلاقى المروحة إشتغلت...المفروض إنها تبدأ بعد ال80..و تحافظ على الحرارة إنها لا تزيد عن ال90....حاول تنضف فيش كهربة العربية...و طلع علبة الفيوزات فكهم و ركبهم تانى و إتأكد إنهم شغالين كويس ...فك كابلات البطارية و ركبها تانى (علاج مصرى أصيل)....و تقريباً الدنيا حتتظبت على الصيف....طبعاً كلامى شكله فتى...بس أنا رحت لكهربائية كتير و كله بيفضل يفتى...اللى قالى غير ترموستات..مروحة..إبتدى يلعب فى الأسلاك...خد بالك فيه ترموستات الكوعة..و واحد تحت الرادياتير تغييره رخم...
-
1 - ترموستات الكوعه ملغى
2- ترموستات الرادياتير مهيس
3- حساس الحرارة بايظ
Content Relevant URLs by
vBSEO 3.6.0 PL2