حضرتك كل ده خربان ولسه بتعوم؟!!
الحمد لله انها مغرقتش لسه xD
عرض للطباعة
حضرتك كل ده خربان ولسه بتعوم؟!!
الحمد لله انها مغرقتش لسه xD
مع اختلافى مع الناس اللى بتقول الحاجت الاصلية بس خد بالك ان دى حاجات شغالة فالعربية بقالها 15 سنة وتعتبر من المستهلكات يعني طبيعى انك تلاقى المقص مثلا محتاج يتغير طبيعي انك تلاقى جلب المقصات باظت والبيض كمان فنصيحة لصاحب الموضوع اكيد عندك العفشة مش كلها بايظة فشوف عفشجى تانى كويس ويقولك ايه اللى محتاج يتغير انا غيرت حاجات كتير فالعفشة ورصصت وظبطت زوايا وبعدها مقولكش العربية بسم الله ماشاء الله
بنصح حضرتك انك تغير جوز مقصات استعمال افضل من تغيير الجلب انا غيرت الجلب بجلب اصلى اسبانى فى المقص اليمين عندى وبعد شهرين سمعت احلى تزييق فى المطبات وتحس ان العربية بترزع فى الجنب اليمين والمقص الشمال عندى الأصلى بتاع العربية 100/100 فروحت اشتريت مقص كامل المانى يمين استعمال ب 120 جنية وركبتة من شهر وبقت العربية ملبن فى المطبات بانصحك بلاش الجلب اللى فى السوق دى نوعية الكاوتش بتعها زفت ناشف !!!!!
بص حكاية الزراجين دى فاشلة وحل مؤقت والحل نصيحة ليك اشترى جانبين استعمال كاملين وعلبة دركسيون بالطنابير بالأجهزة متقفلين بالشمعدان بالمقصات وكدة الجنب بالمقص يعمل حوالى 500 جنية وعلبة دركسيون ب 200 يبقى كلة الجنبين بالدركسيون 1200 جنية بس اهم حاجة اشتريها من واحد معرفة وعلى التجربة بمعنى البايظ يرجع وحتدعيلى !!!!!!
اقتباس:
نا معايا سكودا فليشيا العربيه بتعوم اوى و كانت هتموتنى امبارح اتزحلقت العربيه خالص و مكنتش حتى معدى ال 100.
المهم انا كشفت على عفشه العربيه و لقي ان الحاجات دى عايزه تتغير
1-علبه دركسيون
2-زوج مقصات
3-زوج مساعدين + بطاحات
4-اولسيه كوبلن داخلى
5-زوج مساعدين خلفى
6-قطمه دركسيون
و لقيت ان العجلتين اللى قدام مرحلين من الشمعدان.
المهم انا خايف اغير العفشه و اصرف كل الفلوس دى و العربيه ثباتها ميكونش حلو لان العفشه هتكلفنى حوالى 3 الاف كده
انا مش عارف ابيع العربيه و اكمل شويه على ال3 دول و اجيب حاجه تانيه ولا اصرف عليها و امرى لله
اى حد يقدر يفيدنى ايه سبب التعويمه دى؟ او اغير ايه بس عشان مشكله الثبات دى تتحل؟ عشان انا حاسس ان العفشجى بيستسهل و عايز يغير كل حاجه مره واحده مع العلم ان بتاع ضبط الزوايا قال ان الى عايز يتغير عندى علبه الدركسيون فقط .
و بالنسبه لترحيله العجل دى ايه الحل بتاعها انا عملت زراجين 3 مرات و رجعت تانى
اولا انا شاكك في الصنايعي ده
ثانيا لو العربية محتاجة تغيير الحجات دي فعلا حتكون معاليك بتشتكي من الاتي:
- طقطقة في المطبات (نتيجة تلف علية الدركسيون) وممكن تزيد لكلبشة او زرجنة بسيطة
- خلف زوايا مستمر يعني تلاقيها بعد ما تظبط زوايا تخلف في اقل من اسبوعين (نتيجة تلف المقصات) وتترج معاك في السرعات
- هبد جامد في المطبات (نتيجة تلف المساعدين) وطقطقة وانت بتلف الدركسيون علي الواقف او خشونة لتلف البطاحات
- اصوات طقطقة اثناء الدخول للملفات لتلف الكبلت
- رعشة في الدركسيون وانحرافه عن مكانه بسبب تلف القطمة
لو حضرتك بتحس باللي ذكرته ده يبقي اللي قالهولك العفشجي صح لو الاجابة ب لا يبقي بيعمل عليك شغل
وطبيعي لو غيرت كل الحجات دي حتحس ان العربية اتحسنت
اما الجد بقي ولو الاجابة بلا
انا اول ما اي حد يشتكيلي ان عربيته بتعوم اول حاجة بفكر فيها هي
[overline]الكاوتش[/overline]
لو الكاوتش قديم
تالف
من ماركة تعبانة
او مقاس سئ
او فيه عالي وواطي
هو ده بيكون اكتر سبب لان العربية بتعوم
جاوب علي الاسئلة
حدد الاعراض
شوف الكاوتش
وبعدين نتكلم
تحياتي
انا متشكر جدا على النصايح و انا حبيت انقل لكم التجربه كامله انا روحت لعفشجى تانى و بعد ما كشف على كل حته فى العفشه قاللى ان العلبه ضايعه لازم تتغير و فى مساعد خفيف شويه المهم توكلت على الله و غيرت العلبه اخدت الصنايعى و رحنا لمحل الاستيراد و لقيت علبه دؤكسيون زيرو جيبت طقم كاوتش و علبه شحم نظيفه و ظبتها و ركبتها و طنشت المساعد المهم ظبط زوايا و طلعت على الدائرى 120 130 140 150 العربيه ثبات فوق الزيرو و غرز و كل حاجهز
المهم التكلفه بقى:
1- علبه الدركسيون 250 جنيه
2-الكاوتش + علبه الشحم 50 جنيه
3- ظبط زوايا و ترصيص و نيتروجين 45 جنيه
4-مصنعيه + راضيت الصبى 80 جنيه
الف مبروك