الموضوع: استفسار عن فلتر الهوا

تقريبا دا مش زيت من المكنه ... دا سائل بينضف الفلتر و اللي نضفه من قبل غرقه سائل ... الفلتر بيتنظف بسائل إسبراي بيتباع عند عادل وجدي معرفش ثمنه لكن بيتباع للفلاتر الـk&n

المشاركة الأصلية كتبت بواسطة jemy_tnt

انا معايا فرنا 1600 و متركب فيها فلتر هوا رياضى اللى بيبقى شكله مخروطى و معرفش نوعه ايه انا شارى العربيه بيه
المهم انا لقيت الفلتر غرقان زيت و لما سبته بايت جوا العربيه غرق الدنيا و نزل زيت كتير فدلوقت عاوز اعرف اولا الزيت ده ممكن يكون من ايه مع العلم انى خلعت خرطوم الفايظ بتاع الزيت و زودت بنزين مكنش فى دخان و ولا فى دخان ابيض من الشكمان يعنى الموتور مش خفيف و زيت الموتور مش بينقص فايه اللى يسبب وجود كميه زيت زى دى يعنى على الاقل ربع لتر مثلا
السؤال التانى ينفع انضف الفلتر ببنزين ولا اى حاجه تشيل الزيت ولا كده يبقى خلاص باظ ولا ايه الكلام ؟

هوا حضرتك لسه شاريها وللا لسه حد منظفهولك؟؟
أحسن نوع ال k&n بس يكون أصلى طبعا
هوا طبعا الفلتر الرياضى كويس ماقلناش حاجة بس الأصلى بتاع العربية أفضل لو عايز تحافظ على الموتور على المدى البعيد والفيرنا أصلا موتورها ماشاء الله مش محتاج هورس باور زيادة..

المشاركة الأصلية كتبت بواسطة HOSSAM99

تقريبا دا مش زيت من المكنه ... دا سائل بينضف الفلتر و اللي نضفه من قبل غرقه سائل ... الفلتر بيتنظف بسائل إسبراي بيتباع عند عادل وجدي معرفش ثمنه لكن بيتباع للفلاتر الـk&n

كلام مظبوط

لسه شارى العربيه من حوالى شهرين و من يومين كنت فاكك حساس الايدل و خدته معايا البيت فسبت فلتر الهوا جوا العربيه على الدواسات اللى فى الارض و لما رجعتله لقيت الدواسه غرقانه زيت
موضوع انو سائل تنضيف ماظنش لانو لونه كان اسود معرفش ده من التراب و لا من ايه
اما عن الموضوع الاصلى احسن انا عارف و مبحبش التعديل فى العربيات بس للاسف انا شاريها كده و اللى غير الفلتر الرياضى شال العلبه بتاعه الفلتر القديم و دى معرفش بكام فمش عارف ارجعه
المهم انا عاوز اعرف لو غسلت الفلتر بالبنزين عشان اشيل الزيت يبوظ ولا ايه ؟
و مش هينفع انى اجيب زيت التنضيف بتاعه دلوقت لانى من المنيا و الكلام ده مش بيتباع هنا و مش مسافر القاهره قريب فايه الحل ؟

المشاركة الأصلية كتبت بواسطة Formulator

هو زيت الفلتر.. بس واضح ان صاحبك كان عامل over-oiling

بيبق لونه أحمر أول ماتحطه، ومع إالتقاط ذرات التراب من الجو والهواء اللى داخل للموتور.. بيبقى أسود

دلوقتى
- ماينفعش تنظفه ببنزين خالص ولا أى organic-solvent

طريقة تنظيفه الوحيدة بالـRecharger Cleaning-kit بتاعته،

دى 2 زجاجة
واحدة محلول تنظيف بيبقى فيه Surfactant زى الصابون كده والـpH بتاعته alkaline
والتانية زيت الفلترة بتاع K&N.. بيترش عـ الفلتر عشان يضيق المسام

المهم
كل اللى تقدر تعمله انك تنشف الزيت الزيادة بفوطة مفيهاش وبر (بلاش مناديل ورق)،
وبالمرة -طالما انت فاكك بقى وبتنظف حساسات:
نظف حساس الـMAF لأن العربية لو كانت مشيت (ولو فترة صغيرة) بالزيت كده عـ الفلتر؛ هتلاقى الـMAF-Sensor مخرف والعربية بتاكل بنزين ومابتجريش؟!!

Rgds،

المشاركة الأصلية كتبت بواسطة Formulator

وفيه طريقة بس rough شوية ومش recommnded:

هتغسل الفلتر بماء وصابون-بيريل مثلا- طبعا من غير ضغط عالى
(يعنى بلاش مسدس الميه بتاع المغسلة)؟!!

- فقط تغسله بضغط ميه خفيف أوى (حنفيه أو دش خفيف).. وإتجاه الغسيل من جوا-لبرا

وبعد ماتغسله مرتين-3.. وينظف تماما،
هتنطر الميه من عليه.. تهزه shake-well، تانى: بلاش ضغط مسدس هوا ولا سشوار؟؟!!!
أو تجففه بفوطة نظيفة، وتسيبه ساعة-2 لحد مايجف خالص.

بعد كده ممكن -لازم- تعمله Oiling ترش عليه طبقة زيت خفيفة أوى..

عندك 3 حاجات (يفضل mix منهم):
- زيت paraffin أو Mineral Oil من الصيدلية
- وممكن تحط عليه نقطتين زيت موتور بس Synthetic زى الموبيل-1 والشيل-ألترا
- أو زيت أوتوماتيك ATF اللى هو الموبيل الأحمر 320.. بردو كام نقطة

وترش -ببخاخة- طبقة خفيفة جدا على الفلتر (طبعا بعد ما يكون نشف من الغسيل)
تانى: طبقة خفيفة جدا -ماتعملش زى صاحبك اللى كان مغرقه زيت over-oil

بالتوفيق ان-شاء الله

فعلا الله ينور..

اولا الف شكر ليك يا باشا على ردك
ثانيا موضوع سائل التنضيف بتاعه مش هقدر اجيبه حاليا فهجرب الطريقه التانيه
اما عن الحساسات فايه حساس الماف ده ؟
انا اللى نضفته كان حساس الايدل و البوابه و ده كان بسبب انو العربيه بتعلق بنزين لوحدها و بعد التنضيف اتعدلت و بقت كويسه فهو ده الحساس اللى قصدك عليه ولا حاجه تانى