الفرق بين النيتروجين و الهواء فى الكاوتش
بسم الله الرحمن الرحيم
قبل ما نعرف مميزات و عيوب النيتروجين او الهواء فى الكاوتش
لازم نعرف مكونات كل واحد فيهم
- النيتروجين بيكون عبارة عن نيتروجين صافى N2
-الهواء بيتكون من 78% نيتروجين و 21% اكسجين O2 و 1% مكونات تانية
زى بخار المياة و ثانى أكسيد الكربون CO2
- مميزات نفخ الكاوتش نيتروجين هى :-
- النيتروجين كثافتة اكبر من الاكسجين و بالتالى
الأكسجين ممكن يهرب بنسبة أكبر من مسام الكاوتش على عكس النيتروجين
و دة طبعا حيسبب ان ضغط الكاوتش حيقل و النيتروجين بيحد من المشكله دى.
http://img849.imageshack.us/img849/8008/leakofn2.jpg
http://img694.imageshack.us/img694/8056/nitrotire.jpg
- لما بتتغير درجة حرارة الكاوتش و دة طبعا بسبب الاحتكاك مع الطريق فبالتالى بتزيد
درجة حرارة الهواء داخل الكاوتش و اللى بدورة بيسبب تكثف بخار المياة الموجود بنسبة 1% و اللى حيسبب تغير فى ضغط الكاوتش المطلوب و النيتروجين بيمنع
حدوث كدة لأنة مفيهوش أى بخار ماء .
- بخار الماء الموجود فى الهواء لما بتزيد درجة حرارتة و يتكثف فى صورة نقط مياة
ممكن على المدى الطويل يسبب صدأ فى معدن الجنط من جوة بس المشكلة دى نادرة الحدوث و لا تشكل أهمية .
- أما بالنسبة لعيوب نفخ الكاوتش بالنيتروجين فلحد دلوقتى على حسب علمى مفيش اى عيوب غير أنة مكلف نسبيا بالمقارنة للهواء العادى .
ملحوظة : فروقات ضغط الكاوتش اللى بيسببها الهواء العادى بتكون بسيطة
يعنى مثلا لو الكاوتش منفوخ على ضغط 32 ممكن بعد فترة يقل و يوصل 30 او يزيد و يوصل 34