احتمـال اقرب الى الحقيقة .. معلومات عن زيادة اسعار سيارات نيسان الفترة القادمة

طالما مفيش حاجة بتستخبى
يبقا لازم اقول اللى عندى واعرفه

احتمال زيادة سعر الصنى من2000 جنيه الى 3000 جنيه لموديل ال ex وموديل السوبر صالون

والجوك تازيادة المحتملة من 3000 جنيه الى 5000 جنيه

والقاشقاى من 5000 جنيه الى 7000

وده الاحتمالات التقريبة

و نيسان لسه مش اعلنت اى تفاصيل عن زيادة حالية رسمية
والبيع بالسعر الحالى اللى كلنا عارفينه

ولكن عند حجز اى سيارة نيسان .. ينبه الموزع المعتمد العميل ثناء الحجز على ان التسليم بالسعر المعلن لنيسان وقت الاستلام !

فا وارد ان الاسعار تفضل زى ما هى .. بس ده مش اكيد طبعا

ووارد ان الاسعار تزيد بين الاحتمالات اللى وضحتها

الكل حيسال حيقول ليه الزيادة دى

فالسبب الرئيسى هو ارتفاع الدولار

الكلام اللى قولتله ده مش رسمى من نيسان
ده من مصادر قريبة من نيسان .. بس بردوا قالولى ان الاسعار دى احتمالات .. وليست اكيدة

عشان بس الخبر مش رسمى من نيسان ايجيبت ولا حد من الداخل صرح بيه

وفى اجتماعات دايما بخصوص الموضوع ده للوصل الى افضل سعر يناسب العميل

فقولت اطمنكم بما وصلت اليه

لان كلنا حاسين ان نيسان حتزود والناس كانت خايفة من زيادة الاسعار لتضرب فى السماء

فانتظروا الخبر الاكيد الفترة القادمة

تحياتى للجميع

http://data.zyzoom.org/vb_cache1/201...252e86acf3.gif

:openflower3::openflower3:

بالنسبة للزيادة هي خلاص اعتمدت
بالنسبة للصني زيادة 2000 جنيه وبالنسبة للقشقاي زيادة 5 الاف جنيه
ده اللي سألت عليه والاسعار دي بداية من يوم 9 يناير وطبعا التوكيلات كانت موقفة حجز بانتظار الزيادات الجديدة ,,, انا استلمت الحمد لله يوم السبت قبل زيادة الاسعار بس الزيادة دي تعتبر من اقل الزيادات في السوق ... لما تكتشف ان اللوجان غلت 3 الاف جنيه والفيرنا 4 الاف جنيه !!!!! ليه يعني ؟؟؟!!!!!!!!


ربنا يستر على الاسعار الفترة الجاية ولما نشوف الاسعار لما الدولار يرجع يستقر ويرجع سعر الصرف زي ما كان

شكراً يا أستاذ أحمد

http://www.nilemotors.net/Nile/328983-a.html

ببساطة إللي حصل من نيسان أقل ما يقال عنه عدم حرفية في التعامل مع أي عميل من عملائها إللي متأخر حجزهم (ده لو فعلاً هيدفعونا التمن الجديد أما لو دفعونا القديم .. فده لا يعني إنهم برضه محترمين في أمور التسليم والحجز لأنهم فعلاً قدموا لينا صورة سيئة جداً لشركة نيسان العريقة)

وبرضه ببساطة لو الناس دي كانت في نيتها توقيف التسليم ليوم زيادة الأسعار .. ده يبقى اسمه استفلال فج ويجب محاسبة الناس دي بمقاطعتهم تماماً! لأن ده هيكرس إن أي حد يعمل فينا كدة بجد والله حرام .. يعني أتلطع 3 شهور وفي الأخر أدفع بسعر زيادة .. طيب مكنت ريحت نفسي .. وجبتها أوفر برايس ومكنتش اتلطعت .. الحق عليا إني كنت مش عايز أخلي السوق السودا تزود علينا .. أهم كلهم هيزودوا علينا حتى لو الزيادة كانت جنيه واحد ده اسمه عدم احترام لعملاء نيسان!

وحجة الدولار دي على فكرة .. بتاع الفول والطعمية بيقولها برضه .. وبتاع الجرجير إللي في الشارع .. دي لبانة الناس بترددها!

تفتكر إن نيسان معندهاش ولا قطعة غيار ولا عربية واحدة موجودة في المصنع فهتبدأ تستورد خامات من جديد مثلاً بسعر الدولار الجديد! .. لأ طبعاً .. دي ناوي تكسب الضعف والصعفين في المخزن عندها!

بصراحة .. أنا مستاء جداً .. وده أسلوب غير محترم من شركة عريقة!

حسبى الله ونعم الوكيل فى اللى بيستغلوا المصريين .... هيا ناقصه .

الزياده للاسف فى جميع التوكيلات
التيدا لسه سعرها ثابت و لا غلى؟

الجوك زادت 3000 جنيه وأنا حاجز من 4 شهور - ربنا ينتقم منهم

ربنا يستر علينا وموضوع غلو الدولار ده يخلص على خير عشان كل حاجه غليت

الف شكر يا استاذ احمد على الخبر

و يستمر مسلسل ارتفاع الاسعار

تحياتى

طيب والتيدا هاتشباك وهاتشباك بلس؟؟؟؟؟؟؟