لازم الكل يتصل بشركة نيسان 16244 و يعمل شكوى
عرض للطباعة
لازم الكل يتصل بشركة نيسان 16244 و يعمل شكوى
على فكره سعر الصنى الشكل الجديد مبالغ فيه جدا وسرقه عينى عينك .انتم عارفين ياشباب المفروض الصنى الاى اكس 95:97 الف جنيه فى المعرض والسوبر صالون من 100 الى 102 الف جنيه فعلشان السياره مش متوفره فكل معرض بيبعها سوق سودا بدون علم المصنع بالاسعار دى على فكره انصح اللى هيشترى بالسعر ده يفكر بجد فى التيدا .اصل كده وصلت سعر التيدا
بشمهندس أحمد حسن من شركة أوتو إيجيبت ..
كلمني دلوقتي وقالي إنه هيلاقيلي عربية في خلال 5 أيام .. بالسعر القديم
وقالي إنه هيطبق كل الكلام ده على العملاء إللي متأخرين في الحجز
أما الناس مثلاً إللي حجزت ولسة فترة السماح مخلصتش هيستلموا بالسعر الجديد
يا جماعه العربيه تجميع محلي وتزيد 1900 كمان واشمعنا 1900 ج لا مش 2000 ج الواحد هيتججن من اللي بيحصل والله يعني السوبر صالون هتقترب من 115000 ج والاكس 105000 انا شايف كتير جدا وفعلا فكروا في التيدا افضل بكتير ويارب متغلاش هي كمان وفيه عضو عامل حمله لمقاطعه العربيات اللي هتغلي وياريت الحمله ديه تبقي علي كل العربيات مش نيسان بس
معلش كل اللى بنعمله ملوش اى داعى ابدا .. لان الوقفة لازم تكون وقفة بلد
الاسباب اللى حقولها عشان بس محدش يقول تحيز ومش تحيز والكلام الاهبل ده .. عشان انا تعبت من الناس اللى بتاخد الكلام وتحوره .. وتدوره
وصدقونى .. مش حسكت على اى كلمة تتقال باسلوب غير لائق فى حقى او حق اى عضو كريم من اسرتنا فى قسم نيسان اوفى حق اى عضو محترم فى المنتدى
وكمان الاعضاء الاصدقاء اللى عارفين بعض .. ياريت فى بينا كواليس وقعدات خاصة ممكن نقطع فيها بعض مع بعض مش قدام الناس .. عشان ترابطنا .. ونراعى شعور بعض .. ومش نقف لبعض على الواحدة ..
اما بعد
اولا : احنا اللى بنشجع الاوفر برايس عموما .. وبنجرى نشترى العربياات بسرعة من معارض خاصة .. بفرق عن سعرها الاصلى من 5000 جنيه الى 30 الف جنيه !! وياريت نقاطع كل شركات السيارات والمعارض الخاصة .. عشان منشجعش حد على التلاعب بينا
ثانيا : شركة نيسان بتسلم اى عميل حجز قبل زيادة الاسعار من شهور بالسعر القديم فالموضوع ده منتهى !
ثالثا : العملاء اللى حجزوا موخرا .. فى موزعين مضوهم فى العقد ان الاستلام بالسعر المعلن عشان لو فى زيادة .. فده واضح للناس اللى بتحجز ومفروض انه موافق على كدا .. فاعتقد يبقا باتفاق العميل على كدا يبقا المسالة منتهية
رابعا : نيسان بالنسبة للصنى الجديدة اكيد عندها قطع غيار فى خط الانتاج ولسه مش استوردت حاجة .. بس الحاجات اللى موجودة فى المخازن عندها عشان تسلم بيها الطلبيات الحجز المتاخرة
واعتقد احنا شوفنا انها باعوا وانتجوا من ساعة طرح العربية من شهر 6 اللى فات الى دلوقتى 6 الاف عربية والعدد فى الزيادة
وفى ضغط على الانتاج .. فاكيد حيكون فى استيراد لقطع غيار جديدة
خامسا : مش بيصبروا ان لما قطع الغيار تخلص عشان يستوردوا .. دول بيستوردوا على طول حتى لو فى قطع غيار متوفرة عشان دى سياسة الانتاج
سادسا : الدولار فعلا كارثة .. لاننا رابطنا نفسنا فى مصر بيه .. واكيد بردوا العالم .. بس احنا فى مصر مفروض نعتمد على الصناعات المحلية هنا فى مصر ونصنع فى مصر مش نقفل الحاجة فى مصر .. بس ياترى يا هل ترى .. حنثق فى تصنيع بلدنا .. ونعمل حملة اننا نغير ثقافتنا وقتها ونثق فى التقفيل المحلى !
سابعا : ياريت بقا العربيات تخف من البلد .. احنا تعبنااااااااااااا من كثرة العربيات فى مصر
لازم نعمل وقفة كفاية عربيات ههههههههه
وان شاء الله خير .. وعلى فكرة .. نيسان بالدليل .. مش بالتحيز .. واخدين بالكم من الكلام
وفعلا بدليل ملاك نيسان لو تفتكروا .. نيسان اكبر شركة مش عندها جشع .. فى المحلى بالذات
ودليل كلامى .. ان احيانا كانت بتنزل فى اسعار عربيات الصنى الشكل القديم .. مرة عملوا السوبر صالون فى وقت من الاوقات ب103 ونزلوها بعد كداا الى 100 الف ..
لكن فى شركات تانية لما بيعلوا فى السعر مش بينزلوا تانى .. وكان وقت لما غليت عربياتها كان بردوا الدولار مجننهم
واعتقد كل ملاك نيسان القدامى يتفكروا كلامى ..
فهما مش قدامهم الا كدا مثل باقى الشركات .. بس يارب ميفضلش على كدا ونلاقيهم قدام فعلا نزلوا الاسعار
اخيرا
احنا هنا بندور على نقطة نظام فى الكلام وطرحه .. ليس اكتر او اقل .. لاجل مصلحة الجميع .. وكل كلمة وراى فهما ملك لصحابها .. وهو المسئول عنهما
ولو فعلا فى مشكلة مع كذا عميل وحابين تقدموا شكوى .. قسم نيسان مش حيتاخر فى كدا ابدا
واحنا معاكم اكيد
تحياتى للجميع
أ. أحمد كلام حضرتك مظبوط 100/100 و لكن هناك استفسار بخصوص :
[u]ثانيا : شركة نيسان بتسلم اى عميل حجز قبل زيادة الاسعار من شهور بالسعر القديم فالموضوع ده منتهى
يا ترى مصدر المعلومه ايه؟ لانى اتصلت بنيسان وقالوا ان التسليم بالسعر الجديد هيكون للكل حتى لو حاجز من شهرين .
يا ريت حضرتك توضح مصدر المعلومه للتاكيد . و شكرا
متضامن معاكوا يا رجاله
ومش بس الموقف مع نيسان !! مع غبور الى خلى العربية الالنترا اول فئة الى كانت فى شهر 7 الى فات كانت ب 124 بقت ب 143 الف !!! و كيا الى خلت الاسبورتاج التوب لين ب 245 الف للتسليم الفورى و 215 للحجز و تستلم كمان 4 شهور !!!
الموقف ده لازم يكون مع كل التوكيلات مش نيسان بس
المشكله مش فى نيسان بس المشكله عامه على كل التوكيلات
و بصراحه من العدل ان اللى حاجز من فتره يستلم بالسعر القديم و استاذ احمد مصطفى ذكر ان ده اللى هيحصل ان شاء الله