أربع عربيات خبطه فى بعض بسبب المطرة, وأنا كنت واحد منهم ( 08/01/2013 )

**أبو يوسف** · 09-01-2013 10:30 AM

امبارح الثلاثاء 08/01/2013 الساعة 10 م
كنت أنا وزوجتى وابنى ياسين فى وسط البلد , وكنت مروح البيت ( شبرا الخيمة ) فقلت ادخل من الطريع السريع اسهل من مدخل على الطريق السريع قبل ميت نما , وفجأة الدنيا مطرت , فقلت امشى براحة علشان الفرامل , وفجأ لاقيت عربية تويوتا جاية من ورا وراحة شمال * يمين , وراح خابط فيا من ناحية الشمال , وخدنى معاه لحد ما خبط فى عربية تويتا تانية واقفة قصادنا , راحت العربية التويتا اللى قصادنا خبطت عربية 128 , و128 خبط فى متوسيكل .
المهم أنا مسكت فى السواق علشان هو جاى بسرعة , ومعرفش يقف , وطبعاً عادة الشعب المصرى , خلاص يا استاذ جت سليمه المهم انت بخير , فدا أبنك ومراتك , المهم انا صممت على موقفى , ومردتش امشى السواق , وطبعاً كان موقفى ضعيف لأنى العربيتى التنين مشيه رغم الخسائر الكبيرة اللى عندهم , المهم واحد جة قالى يااستاذ المطرة هى اللى عملت كدة , معلش قوتله لأ أنا مش هسيب حقى , فجه واحد حب يعمل نمرة , وراح زققنى ودخل السواق العربية , وقالو أشى يا أسطى , طبعاً انا مبيكلش معايا الكلام دة , رحت ماسك فيه وقولتله اللى هيلمسنى هابوزله وشه والكلام دة , المهم كالعادة السواق قعد يعيط والشويتين بتعهم دول لما يكونه غلطانين , وانا على باب الله وانا شغال على العربية ..... الخ , ومشى وانا روحت البيت لاقيت الباب اللى جتنبى بايظ خالص وطبعاً الاشارات الشمال وخرابيش بطول العربية
السؤال ؟
هو فعلاً غلطان ؟ ولا المطرة اللى عملت كدة ؟ وكان المفروض أسيبه ؟
أبو يوسف
01110336039

**S O P H O S** · 09-01-2013 10:39 AM

هو غلطان علشان الوقت لا يسمح بجري من الاساس
وطبعا المطر ليه دور ففقد السيطرة علي العربية
وعلي ما فهمت من كلام حضرتك
انه اتسبب فضرر غيره بالسرعة ولكن قدر الله ما شاء فعل ..

**mohamedrabia** · 09-01-2013 10:40 AM

قدر الله وما شاء فعل
لا لوم علي سواق ولا مطر كله مقدر وكله مكتوب اهم شي الصبر علي البلاء وزيادة الاستغفار

**m_elkhishin** · 09-01-2013 10:41 AM

حتى لو المطرة هي اللي عملت كده، هو الغلطان طبعا. لأن القيادة في المطر لها اسلوب وقائي خاص.

**zangry** · 09-01-2013 10:52 AM

طب في مطر امشي بقي براحة وعلى مهلى مش اجري واخبط الناس واقول دى مطره :d

فداك وحمدلله على سلامتكوا

**akmm** · 09-01-2013 10:53 AM

الحمد لله .......... قدر ولطف .

**friendship7897** · 09-01-2013 10:54 AM

حمد الله على سلامتكم
والسواق طبعاً غلط علشان معملش حساب المطر وسوء الجو
وتصرفك النهائي كان صح لما مشيت ومعملتش مشاكل زيادة علشان أسرتك وكفاية عليهم خضة الخبطة - ما يبقاش كمان خناقة ، ونفترض إن عياط السواق حقيقي يبقى في ميزان حساناتك إنك عفوت عنه .

**أبو يوسف** · 09-01-2013 11:09 AM

طبعاً الحمد لله جت سليمة , وفدا ياسين ألف عربية
بس كل الفكرة انى لو أنا اللى كنت عملت كدة , مكنش السواق سبنى إلا فى القسم أو قالى تعالى نروح للسمكرى ويشوف العربية هتتكلف كام . صح
إشمعنى الناس بتيجى على أصحاب العربيات الملاكى , وتقولهم معلش , وكأن الواحد بيزرع الفلوس فى البيت
وبعدين أنا كنت واقف
هو لية ياجماعة العربية لازم كل شهر يحصلها حاجة , قصدى كل يوم قبض لازم تاخد جزء كبير من المرتب و وكأنها عارفة .

**Abo Yasso** · 09-01-2013 11:15 AM

قدر الله وماشاء فعل
حمدلله على سلمتك وعلى سلامه الاسره
معلش يا ابو يس فدا ابنك

**lozitis** · 09-01-2013 11:38 AM

قدر الله وماشاء فعل
حمدلله على سلمتك وعلى سلامه الاسره

الموضوع: أربع عربيات خبطه فى بعض بسبب المطرة, وأنا كنت واحد منهم ( 08/01/2013 )

LinkBack

أدوات الموضوع

عرض

-

-

-

-

-

المواضيع المتشابهه

مبروك للأعضاء المتميزين... وأنا أول واحد يبارك :)

أربع فلاتر بتكلفة فلتر واحد للسيارة الميجان2

محتار بين أربع عربيات

خبطه بسبب ظابط شرطه

مع الاعتذار لكل الهيندواية اللى انا واحد منهم

الكلمات الدلالية لهذا الموضوع

المفضلات

المفضلات

ضوابط المشاركة