الكارينز هتخليني اشهر افلاسي

**houseiny** · 09-01-2013 01:04 PM

يا جماعو هو استهلاك البنزين في الكارينز ممكن يكون عالي بالشكل المبالغ فيه ده ، ده الأوروبي المعروف عنه أنه سفاح بنزين معملش المعدل الفظيع ده
انا عربيتي عاملة 2600 كيلو موديل 2013. انبارح فولت من بنزينة امارات اللي عند كارفور المعادي وصفرت عداد التريب زقولت اشوف هتعمل قد إيه ، عملت كام مشوار نصهم جوه اليلد في الحلمية والزاوية وشبرا ونصهم على الدائري واوتو ستراد ، العربية خلصت 3/4 التنك وعملت 307 كيلو يعني تقريباً كل ربع للتنك عمل 102 كيلو انا هتجنن ، يعني اللتر ممشيني 7 كيلو ده انا لو راكب عربية 8 سلندر مش هتعمل كده ناهيك بقى عن السحب اللي زي النيله ، يعني لو عايز اطلع من عربية نقل مزنقة عليه يبقى انا بحلم ولازم اعمل سعاد واقف استناها لحد اما تلزقني في الرصيف
العربية حلوة وشيك من جوة وثابتة وواسعة وكرسي مريح بشكل رائع وشنطة ملعب كرة قانوني بس استهلاك البنزين فظظظظظظظظظظظظظظيييييييييي يييع ، انا كانا معايا جيتز 1600 كنت بمشي عليها على طول حرق وغرز وكانت اوتوماتيك وكان اللتر ممكن يعمل معاي حوالي 12 كيلو الفرق كبير أوي مع ان الفرق في الوزن حوالي 400 كيلو فقط. الجيتز وزنها 1100 كيلو والكارينز 1500 كيلو والموتور 1600 مع ان الهور س باور بتاع الكارنز أعلى. مش عارف انا ببالغ ولا هي فعلاً بتاكل بنزين بشكل مش طبيعي.

**youssef_u** · 09-01-2013 01:54 PM

حاول فضي التانك ع قد ما تقدر و فول من محطة بنزين تانيه وممكت تحط منظف رشاشات عالتفويله و لو استمرت المشكله روح التوكيل ممكن تكون مشكلة في السوفتوير

**Deshahcoka** · 09-01-2013 02:02 PM

يعم اموال انا اعمل ايه ؟ السيراتوا بتستهلك 14 لتر كل 100 كيلوا جوا البلد بدون حرق ... و معمولها صيانة و بنوجهات و الباوبة نضيفة و الفلتر جديد بنزين و هوا و بنزين نضيف !

اعمل ايه انا بقى :( ياريت مساعد يا رجالة :(

**hugan** · 09-01-2013 02:09 PM

البنزين فيه حاجه مش طبيعيه
بيطير بسرعه رهيبه جدا بعيدا عن الاستهلاك
او ان العربيه فيها مشكله وبتستهلك بنزين عالي
ومش عارف ايه السبب

**AlGazar2** · 09-01-2013 02:12 PM

هى مال المشكلة بقت عامه كده ليه انا عندى النوبيرا برضه استهلاكها 6 سلندر

التانك كامل بيمشينى 430 كيلو و متغيرلها بوجيهات و فلاتر و منضف البوابة و كل حاجة