موقف اول مرة اتعرض له

**tomcruies_egy** · 25-07-2008 04:57 AM

دي ست مجنونة .. بس بصراحة ليا عتاب عليك هو ان سكوتك اداها الفرصة انها تتطاول عليك أكتر من اللازم والمفروض متتطاولش أصلاً .. والموضوع مش مستاهل انها تقل ادبها كان ممكن تقولك بهدوء *******

بس انا لو منك كنت إديتها فوق دماغها وروقتها بالذوق برده عشان تعرف تكلم الناس كويس وتحترم نفسها

أشكال غريبة والله

___________________
يشاركنا في المنتدى عضوات فاضلات
برجاء ملاحظة ذلك

مشرف القســـــــــــــــــــــ ـــــم العــــــــــــــــــــــ ـام

**Rsarabia** · 25-07-2008 01:44 PM

حصل معايا موقف مشابه لدا بس كان كوميدى جدا و كان فى المشاية الساعة 12 الضهر و دا وقت غبى جدا فى الركنة كنت مستنى اى حد يطلع و فجأة واحد طلع قمت داخل بداله المهم نزلت عشان ادخل الجامعة لقيت واحدة بتقولى لو سمحت انا مستنية وانت خدت مكانى قلتلها انا اللى مستنى و بقالى ربع ساعة واقف قالتلى لأ معلش انا كنت مستنية و مع انى متاكد مليون فى المية انها لسه جاية وانها بتكدب طلعت لها و دخلتها و قلتلها و الله انا متأكد من انك لسه جاية بس هطلعك قالتلى ميرسى انتا ذوق اوى وقالتلى انا اللى هطلعلك المهم طلعت ووقفت ورا عربيتى و قعدنا نعزم على بعض جه فى الاخر واحد من ورانا و قام راكن وقام نازل قايل انتو ناس كرمة اوى و انا عشمان فى كرمكم و انا مستعجل و عندى سكشن مهم هههههههههههههههههه كان موقف كوميدى جدا جدا و عمرى ما انساه

**didosperanza** · 25-07-2008 02:56 PM

انت كده تمااااااااام

**marsguy** · 25-07-2008 03:32 PM

المشاركة الأصلية كتبت بواسطة Rsarabia

حصل معايا موقف مشابه لدا بس كان كوميدى جدا و كان فى المشاية الساعة 12 الضهر و دا وقت غبى جدا فى الركنة كنت مستنى اى حد يطلع و فجأة واحد طلع قمت داخل بداله المهم نزلت عشان ادخل الجامعة لقيت واحدة بتقولى لو سمحت انا مستنية وانت خدت مكانى قلتلها انا اللى مستنى و بقالى ربع ساعة واقف قالتلى لأ معلش انا كنت مستنية و مع انى متاكد مليون فى المية انها لسه جاية وانها بتكدب طلعت لها و دخلتها و قلتلها و الله انا متأكد من انك لسه جاية بس هطلعك قالتلى ميرسى انتا ذوق اوى وقالتلى انا اللى هطلعلك المهم طلعت ووقفت ورا عربيتى و قعدنا نعزم على بعض جه فى الاخر واحد من ورانا و قام راكن وقام نازل قايل انتو ناس كرمة اوى و انا عشمان فى كرمكم و انا مستعجل و عندى سكشن مهم هههههههههههههههههه كان موقف كوميدى جدا جدا و عمرى ما انساه

بجد ده ممكن ينفع موقف في فيلم كوميدي :)