هل لو حطيت بزين 92 وزودت عليه بنزين 95 ممكن الحال المايل يتعدل !!

**kimokaim** · 09-01-2013 04:20 PM

للأسف الفترة الأخيرة حاسس أن في حاجة حصلت لبنزين 92 وبقى كأني بحط 90 !

هو أصلا 92 بالعافية العربية بتتأقلم عليه فمابالكم لما بيبقى مغشوش

طبعا تفويلة 92 بتعمل 110 جنيه

وتفويلة 95 بتعمل 350 جنيه

فلو حطيت نص تفويلة 30 لتر بـ 55 بنزين 92 وزودت عليهم 10 لتر بـ55 ثانيين 95

فيبقى 3\4 تفويلة عاملة 110 جنيه

يعني لو فعلا يتعدل الحال المايل بتاع 92 والتكلفة تبقى هي هي بس 3/4 التانك

يبقى انا حافظت على الموتور وعلى سحب العربية بأقل الاضرار

فياريت حد من الخبراء يفهمنا ده ممكن ينفع ولو ماينفعش نعمل اييييييه ؟؟؟؟؟

**AlGazar2** · 09-01-2013 04:54 PM

ما تجرب الخلطة بتاعه فورميلاتور احسن لان البنزين كله بيتغش دلوقتى

و حط من بنزينه نضيفه و انصحك بامارات مصر

او حط محسن اوكتان مع التفويله

لان ال 10 لتر 95 مش هيظبطوا 30 لتر 92

**Sehsss** · 09-01-2013 05:05 PM

متابع

**enas007** · 09-01-2013 05:27 PM

طب حد يعرف بنزينه كويسه 95 في مصر الجديده

**kimokaim** · 09-01-2013 06:34 PM

العربية 2000 سي سي سوناتا وللاسف كنت بحط 95 قبل مايغلى

بالنسبة للعربية الحمد لله ممتازة ولسه كاشف عليها المشكلة في البنزين

لو حد بس يكون متخصص او فاهم جدا في حكاية البنزين يريحنا بإجابة شافية جدا

الواحد محتار ياجدعان

**M.Ayman** · 09-01-2013 06:58 PM

بص كان في كلام عرفت ان في ناس عاملينه كتير هنا في مصر حاجه انا مش فاكر اسمها هايدرو ايه بالظبط ، بتبرد البنزين ال ٩٢ بضخ ميه تقريبا بحيث ان مقاومته للاشتعال بتزيد و يبقي زي ال ٩٥ بالظبط ،،، اسأل عليها لأني فاكر اني شوفتلها موضوع هنا قبل كده و كان في حد من اصحابي قالي ان كتير اصحابه معاهم عربيات متربنه عاملينها و بيمونوا ٩٢ عادي ،،،،،،،، بسفي نقطه مهمه ان ممكن تكون البنزين اللي بتمون منه مغشوش بميه او فيه نسبة ميه هتبقي دي مشكله و برضه الاداء مش هيتحسن لازم تضمن محطه نضيفه يكون بنزينها مش متسرب عليه ميه مثلا و خصوصا انها بقت مشكله شاعه قوي اليومين دول و كتير اتأذوا منها

**ayman2** · 09-01-2013 07:31 PM

أنا بحط الثلث 95 أو أكثر قليلا والثلثين 92 من توتال أو الوطنيه أو الامارات والحمد لله الأداء جيد جدا باستثناء ان صوت الموتور عالى شويه عن الأول لكن فى النهايه الأداء جيد ومتوسط سعر اللتر فى حدود 3,25 جنيه وطبعا لازم نعترف بالزياده لكن بدون مبالغه وأعتقد ان فى الأشهر القادمه سوف يتم رفع أسعار بنزين 92

**Magoda** · 09-01-2013 07:43 PM

انا رأيي نرفع عربياتنا ونقضيها موتسيكلات اهو نوفر ف البنزين ونخلص من الزحمة

**kimokaim** · 09-01-2013 07:47 PM

يا ايمن المشكلة أني مونت من توتال ومثبتها بس ماعرفش ايه الي حصل !!

خلاص حغير على وطنية جيش بقى ولو بيغش نطفش من البلد ديه وخلاص

بس الثلتين للثلت يعني 20 لتر 95 + 40 لتر 92

حتبقى التفويلة بـ200 جنيه

ولما بفول5 مرات في الشهر 1000 جنيه يعني انا بمون بثمن الضعف تقريبا !

ولو غلي 92 أكثر من كده نولع في العربية عشان الحكومة ترتاح

1000 جنيه مواصلات شهرية !! يعني لو ركبت بيهم تاكسي (40 جنيه *26 يوم شغل )

حتبقى العملية تقريبا متقاربة !!!

تخيل بقى من غير الضريبة والرخصة والتأمين

ممكن توقف العربية بـ20 الف جنييييييه في السنة مصاريف لو غلو بنزين 92 !!!!!