أنا مصرى أبن مصرى وليا الشرف

شعبيات عم أحمد فواد نجم



أنا مصرى



أنا مصرى أبن مصرى وليا الشرف

برغم المهانة برغـــــــــــــــم القرف

برغم الزبالة اللى مالية الشــــــوارع

برغم الفســـــــــــاد اللى بيه أعترف

سمو معـــــــــــــــالى رئيس الوزارة

نتيجة موظف بسيـــــــــــــط أنحرف

برغم المجاعة اللى داخلين عليهــــــا

وفينا اللى عـــــــايش حياته فى ترف

برغم البطــــــــالة فى أوضة وصالة

برغم أن أخر جنيـــــــــــــه اتصرف



برغم طـــــــــــابور الصباح السخيف

وكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا

وأقول مش مهم يــــــــــا واد نام خفيف

برغم إنى شايف بــــــــــلاوى وساكت

وعايش مطنش كـــــــــــــــــأنى كفيف

برغم وزارة رئيسهـــــــــــــــا ......

وشوفوا البجاحـــــــــــــة يقولوا نظيف

برغم الســـــــــــلام اللى غرقت بناسها

برغم العيـــــــال اللى ساكنة الرصيف



برغم حكومة شعـــــــــــــارها الكلام

ورغم أن كله يــــــــــــــا عالم بيغلى

إلا كرامتى بترخص قــــــــــــــــوام

برغــــــم إنى عايش في بلدى فريسة

ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى

فعهد جنابه كـــــــــــــلام فوق رخام

برغم ده كله يــــــــــــا مصر بحبك

وطظ فيهم ودا آخر كلام

ميه ميه
و فعلا طظ فيهم و ده اخر الكلام

لا مش اخر الكلام ..دى وصف لاعراض المرض ليس الا..ووصف ركيك كمان

يا أهل مدينة جميع اهلوها يعانون التعاسه ..

يا من تعانى من غياب بصيرتك ، فلم تعد تميز عهرا من قداسه ..

و يا من تشتكى تكرار اكتئابات ما تصحو منها ، الاّ بانتكاسه ..

سكانها كرهوا الحياة تبرما من ذل اطعام كلاب الحراسه ..

و يا من سرقت براء تهم غدرا ، و لا زالوا على مقاعد الدراسه

و شباب يطلب اللقمة .. غرقا .. على امل العمل ، و لو فى الكناسه ..

و عوانساً يشكون زحف العمر على ما تبقى منهم من كياسه..

اسمع نصيحة شيخ طاعن فى السن ، مهنته الفراسه ..

امراضكم جميعها مصدرها.. جرثومة الكرسى فى مستنقع الرئاسه .

إذا كان المتهمُ أخرسَ ..

والقاضي أصمَّ ..

والشاهدُ أعمى ..

فما الفائدة إذنْ

من فصاحة القانون ِ

وبلاغة ِ المعنى ؟

ههههههههههههه
هوه بعد كل ده .. ليه بيفتخر انه مصري ؟ههههههههه هوه ساب ايه في سليم في البلد :d

" هوه بعد كل ده .. ليه بيفتخر انه مصري ؟ "

من اصعب الاسئله على الاطلاق

حقيقه ولا لاء ؟
انا الي اعرفه الواحد يفتخر بانه يعيش في بلد ... بيأثر فيها و بيتأثر بيها ... و ليها الفضل عليه و له الفضل عليها ....
مش ان الواحد يعيش في بلد .. مابياخدش حقه فيها الا بالكوسه و الوسايط و الفلوس .. احنا كده بقينا عاملين زي سيشل زمان sicilly اللي هيا اصل المافيا !

يا نهاااااااار... الكلام ده يدخله السجن تاني :) :)

ميهمش يا أستاذ مدحت اذا كان وصف ركيك و لا لأ ... المهم انه يوصل و يتفهم و لا ايه؟

برده أشكرك يا أستاذ مدحت على الوصف بتاعك ... جميل جدا

مش عارف أقول أيه ؟؟؟؟؟؟؟؟؟
بس

الخلطة كلها فسدانة و بايظة ...............

و حسبي الله و نعم الوكيل

افندينا انعم علينا بعلاوة

............... ...



افندينا أنعم علينا بعلاوة

تجيب كيلو جبنة وعلبة حلاوة
آتاري العلاوة مجرد أتاوة

و احنا علينا الكلام اختلط

*****

عشان في البداية حسبناها خير

و قلنا نواية حتسند يا زير

و حسنة حتمنع بلاوي كتير

و كنا حقيقي في غاية العبط

*****

في لحظة افتكرنا ان لينا حقوق

و نمنا و صحينا لقينا الخازوق

و قبل اما حتى يا عالم نفوق

لقينا اللي لسه حناخده اتشفط

*****

أفندينا يعني في لحظة تجلي

تعطف تلطف و قرر يخللي

مساحة الغلابة تزيد ستة مللي

و ياكلو بدال التراب الزلط

*****
أفندينا أعلن صدور القرار

و قبل اما ينجح في أي اختبار
فوجئنا بزفة و مولد و زار
قصايد جرايد برامج يفط

*****
تؤكد بأن الحكومة بذكاء

و من حزمة واحدة قضت ع الغلاء

و لابد يبقى لدينا انتماء

و ناكل و نشرب و نلبس خطط

*****
عبال النمو اللي قالوا عليه

و حايشينه عنا منعرفش ليه

ماتلمح مكانا في مرة عينيه

و نقدر ندوق منه حتى نقط

*****

مادام كل حاجة تمام ع الورق

مفيش أي داعي عشان القلق

و لو مش مصدق خلاص اتفلق

ورقنا اللي صح وكلامك غلط

*****

و قاللي مواطن عليم بالخبايا
أفندينا قرر تزيد الجباية

عشان شعبه جاحد قليل الرباية

بياكل و ينكر زي القطط

*****
اذا الشعب صدى بفعل البارومة

حتعمل حسابه ف ايه الحكومة

وهي اللي جاهزة بكرباج وشومة

عشان لوفي واحد في عقله اتخبط

*****
تعيش مصر دايما في عز و جمال

يعيش المواطن شديد الاحتمال

و آمن تماما من الاشتعال

و أقصى ما عنده ينكت فقط


مسكينه يا مصر وبرضوا هفضل احبك

أنا مصري ابن مصري ابن مصري
و لي الشرف و أفتخر بذلك

أما رأيي في من يسكنون مصر فده حاجة تانية

حلوه يا دموع التلج... حلووووووووه