الحمد لله غيرت جوان وش السيلندر

**Heroeagle** · 09-01-2013 06:25 PM

امبارح الحمد لله نزلت اشتريت 2 جوان وش سليندر الأصلى الواحد ب60 جنيه و

وديتها لمكانيكى شاطر عندنا وفضلت واقف معاه لحد مخلصها فك وش الموتور وطلع وش السيلندر والحمد لله طلع مش مفقع بس اكتشفت ان الراجل اللى اشتريتها منه كان قاشط وش السيلندر وكان حاطط جوانين صينى .. ساعتها انا كنت جايب جوان واحد بس نزلت جبت جوان تانى والميكانيكى مسكهم الأتنين وزيتهم مع بعض ونضف البساتن بمكشطه ومسحها بالزيت ونظف وش السيلندر برده وحط الجوانين وربط وش السيلندر كويس جداا وقفل العربيه وكله تمام قلتله اغير الزيت قال لا طالما لسه مغيره جديد سيبه والمياه هتتبخر لوحدها وانت ماشى وكمان روحت للراجل بتاع الردياتير كانت علبه الردياتير بتسرب فغيرته الحمد لله كده مفروض ظبط العربيه لحد ما

بس فى حاجه عاوز اسئل عليها انهارده وانا بسخن العربيه لاحظت وجود غليان فى قربه المياه واضح وانا باصص للقربه من بره هل وجود غليان فى قربه المياه شىء طبيعى مع العلم انى من ساعه لما خدت العربيه مامشتش بيها خالص

سؤال كمان ايه اللى مفروض اخد بالى منه عشان العربيه متجبش جواان تانى

**sayed_zamalek** · 09-01-2013 07:02 PM

السلام عليكم
المفروض ان المياه ما تغليش في القربه لان ده غلط و من الممكن ان السياره تجيب و جه سلندر مره اخري
لازم ترجع للميكانيكي تاني و ما تستهرش بالموضوع
مع تحياتي
شركه جولدن سيرفيس لخدمه السيارات

**hugan** · 09-01-2013 08:31 PM

غليان في القربه يعني بقلله للمياه ونفخ من الردياتير
يؤسفني اقولك ان الجوان اللي حضرتك ركبته فشل
اتاكد ان البلوك سليم ومافيهوش شرخ

**sakr_skoda** · 10-01-2013 06:38 AM

كلام الميكانيكى مظبوط فى تبخر المياه فعلا بس احنا بننصح بالتغيير لانه افضل....

اما بالنسبة للغليانت يبدو لى انك بيتهيئلك هو مش غليان هو اهتزاز المياه فى القربة نتيجة تدافع مياه راجع القربه داخل القربة جرب كدا اسكب مياه فى كوب به مياه سترة اهتزاز المياه فى الكوب وكانها تغلى بلاش شك بقى وامشى بالعربيى وراقب الحرار هو دا مؤشرنا على نجاح العمليه من عدمه....

اه متنساش ترجع للميكانيكى تانى بعد ما تمشى 200 كيلو علشان ياخد البوش اللى فى مسامير وش الاجرام(السلندر) يحرق عليهم يعنى هام جدا جدا ....