باختصار ناس بتعرض لانوس 1 ب 40 و 45 والاقي لانوس 2 موديل 2000 و2001 35 هو ده حقيقي ولا نصب -- انا بدور علي لانوس ب35 وكل لما الاقي حد حاطط السعر ده اقلق منه --ارجو الافاده
عرض للطباعة
باختصار ناس بتعرض لانوس 1 ب 40 و 45 والاقي لانوس 2 موديل 2000 و2001 35 هو ده حقيقي ولا نصب -- انا بدور علي لانوس ب35 وكل لما الاقي حد حاطط السعر ده اقلق منه --ارجو الافاده
هتلاقيها متهانه جامد جدا مفيهاش حاجة سليمه الا شاسية مثلا
او واخده خبطه فى الشاسيه او مقلوبه
مفيش لانوس حالتها حلوه ب 35 ( الا لو عربيه حد من ذوى الاحتياجات الخاصة بيبيعها )
لو لقيتها هتلاقيها محتاجه 5 الاف مثلا عشان تبقي عربيه
يعني هتلاقي الكوتش ضايع والبطاريه محتاجه تتغير والموتور ممكن يكون رايح في داهيه او ماسك نافسه
هتلاقي العربيه متخبطه ومحتاجه تترش والعفشه تتظبط وشوية كهرباء
يعني هتوصل معاك ل 40 مستريح برده
كلام الزملاء كله سليم ومفيش حد النهارده هايرمى عربيه حالتها كويسه بسعر زى ده
وبصراحه السعر ده يجيبلك اكسنت فاضيه موديل عالى او اكسنت كامله موديل قليل اوى
وممكن اوبا فيكترا تسعينات او اكسيل كامله لقطه غير كده ما تتعبش نفسك
لا اونطة طبعا
اقل لانوس تتركب 39
بالضبط كدة .اقتباس:
المشاركة الأصلية كتبت بواسطة algazar2
عفوا . بعد كل الي انت قلتة دة عاوزة يصرف عليها 5 الاف بس .اقتباس:
المشاركة الأصلية كتبت بواسطة shaddadfalcon1
اخيرا لو لقيت عربية بالحالة المهببة دي اوعا تاخدها . هتندم . وهاتكرة العربيات .
انا اترجت علي عربيه 2001 كانت عايزه دهان بس - ولوا شفها الميكانيكي قالي لا -قلتله ليه قلي في بويه في الحوض مع اني معرفتهاش خالص وكانت كامله وب37 وكل الناس بتبيع عشان تسافر
سيبك من حوار لظروف السفر دا
خش كونتاكت كار هتلاقى نص العربيات المعلنة لظروف السفر
البلد كلها مسافرة ؟
الحدق يفهم ياباشا وبالتوفيق
35 مش وحشة وتجيبلك عربيات كتير حلوة جداً
لكن متروحش تجيب عربية تمنها بالميت 39 ولا 40 الف جنيه ب 35 وتندم بعد كدا
اه مانا بشوف فعلا علي كونتكت كار والاسعار الي بقولها من خلاله -بس انا ممكن اجيب اكسل ممتازه بس انا بفضل لانوس حتي لو هستني شويه
لو استنيت سنة حتى مش هتجيب لانوس بالسعر دا انا بقولك اهو
الاكسل عريبة حلوة بس انا مش بحبها
ممكن تلاقى اكسنت 98 او 99 بالسعر دا
وممكن لانسر بطة ودى عربية جامدة بردو , وممكن اوبل كورسا , وممكن شاهين , وعندك اختيارات كتير
ربنا يوفقك
خد بالك كونتكت كار البه تجار ونصابين كتير ويعد يحلفك لازم لو هتاخد من كنتكت كار تروح علي التوكيل تكشف عليها قبل متشتري واوعا اوعا تتر بالسعر وخد بااااااالك من العدااااد اكشف في التوكل مش مهم الكشف بكام المهم تكشف انا بحذرك مش بنصحك متعملش زي خدت واحد بيفهم كشف علي العربيه وحظي الفقر كان بليل والراجل عملي فيها ابن ناس اوي واتاريه تاجر وكان حاطت زي تقيل في الماتور عشان ميبنش انه بيرزع وغيرت ام الماتور مع اني كنت شاري العربية2005 ب 45 الف
بص ده انسان محترم شوف تجربته
السلام عليكم
انا كنت بدور على عربيه من فتره كبيره وكنت مش لاقي..طبعا كنت متابع النت و السوق والحاجات دي وكانت كلها حاجات مضروبه... وعلى فكره نصيحتي لأي حد ميحاولش يشتري من السوق..المهم كنت زهقت من كتر التدوير...و في يوم لقيت اعلان على كونتكت بتاع سبكترا كلمت الراجل قاللي العربيه رشه جنبين واستعمال اطباء و هو دكتور والكلام ده....رحت شفت العربيه وكانت الفلوس في جيبي المهم لما رحت هو قعد يتكلم و يرغي وانا مبصتش عدل عالعربيه المهم قولت اخدها على بنزينه في اول شارع بتاع رابعه العدويه عاليمين...رحت رفعتها قالولي علي فيها وكلها حاجات غير مؤثره...المهم الراجل قاعد يحلفلي بالله و بحياه ابنه ان العربيه مفهاش حاجه و ان هو قاللي على كل اللي فيها والكلام ده وانا استنضفتو دكتور بقى و عمال يحلف وبتاع و اشتريتها في نفس الوقت...حتى وانا بشتريها كنت عارف اني مبصتش كويس..بس قولت الراجل محترم ...المهم خدت العربيه وبعدها بيومين رايح اعمل حاجه في الميكانيكا لقيت الميكانيكي بيقولي فيها ستاره مرشوشه!!!!!!!!!!! طبعا خدتها و جريت عالمعارض قالولي فيها ستاره و فرده يمين و قوايم يمين مرشوشه كلمت .....اللي باعلي العربيه قاللي انا معرفش,ايه الكلام اللي بسمعه ده,ازاي ....قولتلو انا عايز ارجع العربيه ..قاللي الفلوس اتصرفت و بعدين قاللي انت مش شفت العربيه دي مشكلتك مع البنزينه...كل واحد عايز يحلل فلوسه يقول شويه كلام اهبل هو متأكد من جواه انه غلط..بس النصاحه بقى..المهم قعدت اسبوعين اتفاوض معاه وهو يماطل .. ومن بروده يقولي بيع العربيه..اقولو نتشارك في الخساره لما ابيعها يقولي ربنا يسهل..اقوله دي فلوس ورثي وانا في بدايه حياتي يعض يحكيلي عن مشاكله وان ابوه ميت...المهم قاللي خلاص انا هشتري منك العربيه ب 35 مع العلم اني كنت مشتريها منه ب 42 من اسبوع!!!!!!!!!!!!! قاللي اصلي هستلف الفلوس من صاحب المركز اللي شغال فيه عشانك واحنا مسلمين وانت اخويا كلام النصابين بقى ومنتهى الأستفزاز في طريقته....المهم هيا مكانتش جايبالي غير 33 قولتلو ماشي...بس عملت استخاره قولت مبيعاش...... حتى لو هخسر قابلتو عشان يشتري قولتلو انا عايز 2000 جنيه قاللي انت كده بتبخسلي بيعتي قولتلو امال انت بتعمل ايه؟؟؟؟؟؟؟؟؟؟؟ قاللي انا هروح شويه و هاجي طبعا ولا جه ولا اي حاجه..المهم انا حقي عند ربنا لأني بعتها ب 33 وكل طلبي ان الناس اللي تقرا الحكايه تدعي عليه لأني مش مسامحو و ان شاء الله تتردلو فيه مش عايز اقول ابنه بس يارب تترد فيه وربنا ينتقم منه
طبعا انا بحكي باختصار شديد لو حكيت بالتفصيل انا اصلان هيجيلي شلل من حرقه الدم.
شكرا و الحمدلله على كل شئ :)
وديه تجربه تانيه عشان تكون حريص
ربنا يعوض عليك
وماحدش بيتعلم ببلاش
انا اتعمل معايا الموضوع ده فى عربيتى....بس الحمد لله العربية مافيهاش مشاكل
بس دفعت 35000 وكتبت وصل أمانة ب 40000 عشان ما كانش معايا باقى الفلوس
وكنت متفق على ان العربية ب 73000
وهديله كل شهر 2000 جنيه وبعد 3 شهور هرجعله الباقى كله
المهم هو كان صاحب واحد صاحبى اوى
رجعتله الفلوس.....والعربية كانت بأسمه.....ولسة ما سجلتش....وانا زى العبيط ....يعنى العربية بتاعته ...وانا كاتب وصل أمانة ....ودافعله 35000....وكل ده عشان كنت مستعجل...والفلوس مش جاهزة.......ضرب بتاع 4000 جنيه زيادة....وفى المقابل ....أخدت وصل الامانة والحمد لله سجلت العربية بأسمى ....والحمد للع عدت
لكن انا اتعلمت .....بس ب 4000 جنيه
عشان كدة انا بنصح كل الناس بعدم الاستعجال .....وطول ما الفلوس فى جيبك....فا انت سيد الموقف
وربنا يسترها علينا.....وينتقم كل اللى ما عندوش ضمير
وديه تجربتي الي بدفع تمنها الان 1-بطاريه 2- ماتور -طقم دبرياج 3-غير شويه مصاريف غير تمنها الاصلي45الف كل ده عشان مكشفتش في الوكيل وخت الكلام ثقة
والله فعلا انا العربية الي اشترتها اتخدعت في الي شاريها(ساكن في م نصر عباس العقاد عند كشري الشيخ وشغال توكيل رينو وعربية المدام وصاحبها القديم ظابط يعني استعمال حريم ومقلكش علي الحلفان الي بحلفه ودخلني بيته عشان نكتب اعقد وقال ايه كان عايزني اعمل ايداع في البنك باسمه ورقم الحساب وبعدين نروح نسجلها والعربيه مفيهاش الهوا ولا محتاجه جنيه )والحمد الله اشتريتها واديني بشتري ماتور بدل الي ادحك عليا فيا يعني بشدها مردتش احط زيت تقيل في الماتور عشان بيرزع وابعها لحد عشان حرام التاجر دول شوية نصابين قليل الي يراعي ربنا بقلك التجارة شطارة ياسر الي اشتريت منه العربيه ساكن عند كشري الشيخ الشارع الي جامبه كان حاتط زيت تقيل في الماتور عشان ميبنش انه بيرزع بس الحمد الله غيرت الماتور وقطع غيار كتير بجديد واحسن انا كنت زيك هرجعها وهخسر فيها لحد مواحد قريبي هداني واستكفيت اني دربته
خدو بالكو من موقع كونتكت كار كتير جدا نصابين ومن سوق العربيات
لازم العربيه تترفع في التوكيل واوعي تستعجل
قل حاجة في الانوس 38 وممكن 37 لو فاضيه خالص
زود وهات لانوس نضيفه ممكن بفلوسك تجيب اكسنت او اكسيل
انا مش فاهم منكو حاجة !! انتو بتتكلمو على لانوس 1 ولا 2
الحمد لله وانا كمان فى 2006 كنت بدور على اكسنت ولقيت فى الوسيط واحده لقطه ب 37 الف كلمتهم واول الاشتغاله واحده ردت وقالتى احنا فيلا فى المعادى ومش بنستخدمها لانها مركونه وزوجى معاه التفاصيل طب تليفوه كام هو مشغول ومش هاينفع تكلمه لو عاوز تعاينها تعالى له بعد الساعه 4 كنت الساعه 2 روحت ودورت عالفيلا وانتظرت حتى الرابعه وسالت خرجلى عيل خرتيت لابس شورت وبصلى حتة دين بصه ورقعنى سؤال انت عاوز ايه ومين الى جابك وفتح لى تحقيق وبعد 20 سؤال بين لى انه قرفان منى ومن الموضوع واخوه عاوز يبيع العربيه وهى مركونه طب اتفرح عليها يقولى لا انتظرت لغاية ما حضر الدكتور وفرجنى عليها وبما انى مستجد عجبتنى شكلا والشنب بتاعها الصدر لقيته جديد وبيلمع ولفت نظرى وسالته قالى عشان مش مستخدمه فاصلته ونزلت تمنها من 37 الى 36ونصف واثناء الكلام جم ناس تانين يشوفوها وبما انى مؤمن بالنصيب بعدت وتنحيت وسيبتهم يشوفوها براحتهم اتاريهم كشفوها وفضلو يفاصلوه وانا بعيد وقات شكلها لقطه خلاص انا هاوافق واخدها الناس تقريبا مشيو او بيشاورو بعضهم جالى قلت له خلاص انا موافق ولا هما اشتروها؟ قالى انا اصلا مش مرتاحلهم بس بصراحه انا مش هابيع غير ب 37 المهم وافقت واتكلت على الله قلتله لازم ارفعها رفض وبالحاح واصرار منى قالى جنبى بنزينه بعد الحاح كلمت الميكانيكى قالى هاتها وتعالى وواحد صاحبى معاه اكسنت قالى تعالى وانا هاستناك نزل من شغله وجالى واتقابلنا وهاتك يا كلام عن المداد الى يا دوب بروح بيها نادى المعادى وبس لو لوحدها لكن لو معاه هو مابيركبش عربيات صغيره زى الاكسنت وانا مقتنع فيلا وكذا عربيه ومنظر وبرستيج المهم صاحبى اخدنى لواحد كان شغال فى التوكيل كشف وقال ان العربيه مرزوعه من تحت وفردة شاسيه كامله مشغوله تمام طبعا صاحبنا استغرب وانكر قام الراجل قال العربيه دى تساوى 22 الف فقط صاحبنا اتنرفز قام قاله بسيطه تعالى نطلع للتوكيل لو كدبونى هاخدها منك ب 37 وابيعها للزبون امامك ب 22 بس اقتنع وابتدى يقول يمكن المدام خبطتها من ورايا ويمكن قام صاحبى والميكانيكى سلخوه والحمد لله نفدنا منها
القصص كتير بس المهم ادفع كتير وارتاح افضل من الاستخسار
اية البلد كلها نصابة ......لا حول ولا قوة الا بالله -مش شارى سيارات ........امشى احسن
ركذ ونتا هتفهم احنا عايزين نوصلك ايهاقتباس:
المشاركة الأصلية كتبت بواسطة eslam.elrefaey
بنكلم علي الانوس 1او2 فلوسك الي بتكلم عليها ولا تجيب 1 ولا2 بحاله نضيفه ياتزود فلوسك يتشوف حاجة تانية
مش انا الى بدور(صاحب الموضوع يعنى ) :Ka_che1[1]: انا عندى لانوس اصلن وببيعها فكنت عايز اعرف السعار دى ازاى يعنى مثلن انا لانوس 1 اوتوماتيك كاملة زجاج كهرباء تكيف كاسيت ........فابريكة دواخل راشة خوارج ماعدا حتت زى السقف و الشنطة ورفارف كده يعنى ماشية 160الف كم تعمل كام من وجهة نظر حضرتك علشان انا بسمع ارقام غريبةاقتباس:
المشاركة الأصلية كتبت بواسطة bebom
زي ايه
يعنى فى ناس بتيجى تتكلم فى 38 وانتو هنا بتقولو ان اققل لانوس ب 38 الى هيا المفروض ضايعة خالص !
اللانوس من العربيات القليلة في مصر اللي لما تدفع فيها قرش وانت بتشتريها مستعملة طبعا بيبقي ضامن يرجعلك تاني وانت بتبيعها........
بس ده في حالة لو انت شاريها بسعرها الحقيقي مش مسترخص في تمنها زي ماحضرتك عاوز تجيبها ب 35 الف
عديلي لسه جايب لانوس 2005 كامله تكييفها محتاج شحن والكوتش محتاج يتغير ومشقق ورايح في داهيه ومحتاجه صيانه وفي صوت ونه غالبا بيلة التقسيمه او الدينامو محتاجه تتغير ورشه (بيقوله نظافه بس طبعا هيهات)
وماشيه 150 الف
كل ده بكام ؟ ب 42
بصراحه انا معايا لانوس 99 وفيها شوية بارومه وكنت بفكر اني لما اجي ابيعها هتكلم في 36 ولا 37 وهي مش محتاجه اي حاجه تانيه خالص لكن بالأسعار اللي الواحد بيسمعها دي ابقي اطلب فيها 40 احسن
على حسب بتعرض فين شوف كونتاكت كارز الى كله تجار هاتلاقيهم بيلعبو فى السعر وبين كل كام عربيه يقوم حد منهم ينزل عربيه بنفس المواصفات ويطلب فيها سعر مخالف وبعد فتره تكتشف ان تليفونه هو نفس تليفونات بتعرض او بتشترى حاجه تانيه ولما تيجى تبيع تنزل السوق وتعرف السعر من غير العربيه تنزل كانك بتشترى وتشوف كونتاكت وتقارن انت عاوز تبيعها بسرعه ولا على مهلك لان ده اساس تحديد السعر