تسعيير السيارات المستعملة الجزء الخامس

**ايهاب فهمي** · 22-09-2013 04:32 AM

المشاركة الأصلية كتبت بواسطة sherifowahba

البي واي دي شغاله ومفيش منها مشاكل
لكن رايي حاول توصل المبلغ ل ١٠٠ الف و هات سيراتو او النترا هاي لاين ٢٠١٠ و تكون فابريقه بالكامل و كيلومتر مناسب افضل

شكرا علي اهتمامك وربنا يوفقك وترضي جميع المشاركين

**mohmedaboud** · 22-09-2013 10:39 AM

استاذنا الفاضل
ممكن اعرف من عضرتك سعر هيواندى فيرنا موديل 2010 اتوماتيك كامله فبريكه دواخل ورشه خوارج ومحتاجه تغير باب امامى

وشكر لحضرتك

**mtageldeen** · 22-09-2013 11:17 AM

أ/شريف
أرجو المساعدة في تسعير هذه السيارة
دايو لانوس 2006 كاملة مانيوال - حالة شاذة
فابريكا بالكامل - لا تحتاج أي مصاريف - أول يد عداد 60 الف كيلو متر.

**kimoroad** · 22-09-2013 12:28 PM

السلام عليكم و رحمه الله و بركاته
أ/ شريف
لو سمحت كنت عايز اعرف سعر عربية :
شاهين موديل 95 زيرو دواخل رشة بره ماكنة 1300 سي سي بحالة جيدة / مانيوال / عافشة جيدة و كارونة جيدة / بدون تكيف و بدون باور / 2 كوتش جديد و 2 كوتش حالتهم 60% / العربية بيتي درجة أولي و من ثاني مالك ليها و معاه من حوالي 10 سنين
هو ال في العربية الصراحة كان فيها خبطة بسيطة عند الرفرف الخلفي و تم ردها و رشها
و انا لما سألت عن قطع غيارها كلو قال تمام بس قالولي الماكنة ال 1300 قطع غيرها بيكون قطع غيار ال 31 و 32
أسف علي الاطالة و تقبل اسفي

**Mohamed.Mohsen** · 22-09-2013 02:54 PM

السلام عليكم و رحمه الله و بركاته
ألأستاذ الفاضل / شريف

اطيب تحية وتقدير لمجهوداتك معنا جعلها الله في ميزان حسناتك لو تكرمت تسعير :

نيسان صني 2005 الفانوس الامامي البيضاوي سوبر صالون تقفيل اليابان بالكامل فتيس مانيوال اللون نبيتى عداد 191645 كم.
رشة خارجى بالكامل نظافة بدون معجون او حوادث أساسيات سليمة ..كم عالي لانها عربية شركة لكن تركن دائما في جراج بمقر اداري بحي راقي .
صيانة بالتوكيل وقطع الغيار اصلية والموتور زيت موبيل 1 حتي هذا الرقم من العداد ....اقتصادية في الوقود اكثر من المجمعة محليا ..
أعتقد انها تلافت عيب ضفيرة الموتور المصري لانها ياباني بالكامل ..وعيب استهلاك الوقود العالي ..
موتور وفتيس جيد عفشة متوسطة قد تحتاج بعض الاصلاحات او التغيير وكاوتش متوسط تكييف جيد شغال .
جزء صغير من الاكصدام الامامي الايمن كلبساته تقريبا واقعة ومتركب ومفارق بسيط جدا .
لمبة البطارية منورة في التابلوه ممكن تكون مشكلة بسيطة في الدينامو او الفيوز وممكن تكون بطارية صالون معقول الكراسي عليها كسوة جلد جيدة لكن ستحتاج للتغيير او التنظيف للبقع .
كاسيت شرايط اصلي فابريقة +سي دي ام بي 3
ستحتاج دفع مصاريف التسجيل مرتين حيث انه ممنوع البيع مباشرة لاحد العاملين ..البيع بمظاريف مغلقة بعد يومين ارجو افادتي بالسعر الذي يمكن الدخول به ..
وجزاك الله خيرا ..

**محمد الجمال** · 22-09-2013 08:19 PM

السلام عليكم استاذ شريف
ارجو من حضرتك تسعير هذه السيارة

الموديل \ شيفورليه لانوس 2007 مرفوعة 3 سنين اول دخول مرورر لها وترخيص كان فى 2010
الحالة \ فابريقة برو وجوة عدا رفرف من الامام فقط مرشوش
عدد الكيلومترت \ 40 الف كيلو
نوع الفتيس \ مانويل
الكماليات \ باور - سنتر لوك - زجاج اوكر عادى مش كهربا
الرخصة سنة واللون اسود ميتالك

وارجو نصحى بالشراء ام لا

**nyzo** · 23-09-2013 11:04 AM

المشاركة الأصلية كتبت بواسطة nyzo

أستاذ شريف,
برجاء تسعير سيارتي:
================================================== ====
ماركة السيارة: كيا
طراز السيارة: بيكانتو
موديل السيارة: 2010
سعة المحرك ال سي سي: 1100
حالة الدهان الداخلي والاساسيات والدواخل: فابريقة
حالة الدهان الخارجي: فابريقة بالكامل
عداد الكيلومتر: 33,000 كم
كماليات السيارة مع تحديد فئتها: full option - manual transmission - كاسيت بيونير و 4 سماعات بيونير - تكييف - زجاج كهرباء - باور - سنترال لوك - انذار بالريموت
حالة الموتور والميكانيكا: ممتازة
حالة الكهرباء: ممتازة
حالة الصالون: ممتازة
حالة الكاوتش: مستعمل 13,000 كم
حالة الزجاج: ممتازة
الحالة العامة للسيارة وهل محتاجة مصاريف ام لا: لا
================================================== ====

شكرا ومستني ردك.

هل من ردود؟؟؟
منتظر ردك يا أستاذ شريف,
مع الشكر

**samy0000000000** · 23-09-2013 12:13 PM

المشاركة الأصلية كتبت بواسطة nyzo

هل من ردود؟؟؟
منتظر ردك يا أستاذ شريف,
مع الشكر

تم الرد من قبل الأستاذ شريف فى صفحة التسعير رقم 153 للجزء الخامس
http://www.nilemotors.net/Nile/329130-a-153.html

**mahmoudlotfy92** · 24-09-2013 03:44 AM

الانترا 2008 مانيوال
83000 كم
اللون احمر
راشه حزام نظافه و بها بعض الخدشات والاكسدام استيراد عاليه لاصقه سودا -اوايم وسقف غير مرشوشه
مساعدين جديده اصلى من التوكيل- كاوتش جديد
سنتر - زجاج كهربا - رافعات زجاج - ebd -فابريكه من الداخل
ميكانيكا السياره ممتازه