الكلام دا صح

**rompo10** · 09-01-2013 11:21 PM

هو فعلا كل العربيات الكابورليه البي ام الدبانه بتيجي نصين من برا وتتلحم ويتعمل لها ورق ولا ايه لاني سالت واحد وقالي كل الكابورليه كدا

**fahd_628** · 09-01-2013 11:35 PM

مفيش e36 كابريولية فى مصر تقريبا سليمة 100% من ناحية الورق او الشاسية او رقم الشاسية

ممكن عربية مش نصين بس محطوت لها رقم شاسية عربية عاملة حادثة

و ممكن عربية نصين

و ممكن عربية مضروبلها ورق

99.99999999999 % مفيش e36 كابريولية سليمة 100%

**rompo10** · 10-01-2013 12:00 AM

طيب ليه بقي اسعارها غاليه وهل لو الواحد اشتري واحده يبقي فيها عيوب ولا بتبقي كويسه وبيبقي في ورقها مشاكل

**icon** · 10-01-2013 12:59 AM

المشاركة الأصلية كتبت بواسطة fahd_628

مفيش e36 كابريولية فى مصر تقريبا سليمة 100% من ناحية الورق او الشاسية او رقم الشاسية

ممكن عربية مش نصين بس محطوت لها رقم شاسية عربية عاملة حادثة

و ممكن عربية نصين

و ممكن عربية مضروبلها ورق

99.99999999999 % مفيش e36 كابريولية سليمة 100%

كلام سليم 100%

ولا e36 ولا حتي e30 .. تقريبا مافيش عربيات بي ام كابورليه أورجينال في مصر غير هما كام عربية يتعدوا علي أصابع اليد .. أما كل الكابورليه اللي بتشوفه في الشارع بيكون غالبا نصين ومتغير الرقم او مضروبلهم ورق .. وده راجع للأسباب التالية :

- طبعا احنا لسة عارفين امبارح سعر e30 زيرو كانت عاملة 130 ألف جنيه سنة 1990 ودي أربعة باب .. خد عندك بقي الكوبيه أكيد أغلي .. فما بالك يالكابورليه ؟؟؟ أكيد كانت معدية الفلنكات وطبعا مكنش فيه كتير في مصر يقدرو يشتروها علي الأقل وقتها لانها كانت غالية .. فطبيعي انها كانت تدخل مصر نصين علي انها قطع غيار وبعدين تتلحم هنا ويضربلها رقم شاسيه عربية بي ام زيها (حتي لو اربعة باب) وتترخص ويبقي لها ورق

- الحاجة التانية .. اللي تخلي معظم الشك في الكابورليه لأنه سهل التقطيع واللحام مرة أخري لأانه من غير سقف .. فأنت بتقطع نصين وتلحمهم تاني بمنتهي السهولة .. لكن السقف هتضطر تدخل في موضوع القوايم بتاعت السقف أصعب شوية