تغيير تيل فرامل أمامى نيو أكسنت
بما إنى بحب أعمل الصيانة بنفسى فقلت أنقلكم التجربة للى يحب يشتغل بإيده..
العدة المطلوبة:
- مفتاح 13 مشرشر أو بلدى
- زرجينة بستم الفرامل ( إختيارية )
http://s13.postimage.org/fjglwnp5j/DSC00034.jpg
- طقم تيل فرامل أمامى
http://s13.postimage.org/dgas2qeqe/DSC00036.jpg
- شد فرامل اليد
- رفع العربية وفك عجلة واحدة فى كل مرة
- فك غطاء علبة زيت الفرامل ( عشان الزيت لما يرجع العلبة )
- فك 2 مسمار رابطين جهاز الفرامل بمفتاح 13
دى صورة مكانهم بس بعد فك الجهاز ( لم أتمكن من تصوير بعض الخطوات عشان إيدى كانت مهببة )
http://s2.postimage.org/4kd7xmnux/Presentation1.jpg
خلع الجهاز من مكانه ورد البستم للآخر بإستخدام الزرجينة أو بإستخدام مفك ( كعتلة )
http://s7.postimage.org/wzoa61cay/DSC00019.jpg
- خلع التيل القديم
- تركيب التيل الجديد ( التيل الأصلى بييجى معاه قطع الصاج اللى حوالين التيل من أعلى وأسفل وبنخلع القدام ونركب الجداد )
http://s2.postimage.org/kabsdx555/Presentation2.jpg
http://s14.postimage.org/pll56jaio/DSC00041.jpg
- تركيب الجهاز وربطه بالمسمارين مرة أخرى..
- تركيب العجلة
- رفع وفك العجلة الثانية
- بعد ماتخلص إقفل غطاء علبة زيت الفرامل وإتأكد إن مفيش زيت نزل على الصاج لأن البساتم رجعت الزيت للعلبة وإتأكد إن الزيت مش أكتر من ال MAX..
- بعد ما التيل بيركب بيحتاج يلين شوية فلازم تاخد بالك إن الفرامل لسه بتطبع فمش هتديلك القوة المطلوبة فى الأول..
شكل التيل القديم:
http://s2.postimage.org/b1rzmrps8/DSC00042.jpg
أرجو إنى أكون أفتدكم ولو فى أى سؤال أنا تحت أمركم..