الموضوع: عايز تشتري عربية ومحتار؟؟؟؟ تعالى أقوللك إزاي تختار

طبعا موضوع خطيير وحصرى وربنا يجازيك خير لان الموضوع ده هيساعد ناس كتييير
واب اكمل بعض النقط مهمة جدا دا بعد اذنك
فيه حاجات مهمة جدا لازم تتحسب الاول
زى
انت كنت راكب ايه قبل كدا ولا دى اول عربيه
بمعنى واحد يقولك انا عايز عربية عاليه فى حدود 300 ل 350 الف ومحتار بين الاسبورتاج والكوجا والتجوان انت ايه رايك
اقوله انت كنت راكب ايه
يقولى سيراتو 2010 اقوله طبعا كيا اسبورتاج طبعا انتشار وريسيل وقطع غيار وصيانه حدث ولا حرج
يقولى فورد فوكس او اوكتافيا اقوله كوجا او تجوان الاتنين المانى وثبات وسيفتى على اعلى مستوى
اركب دى واركب دى واللى تستريحله
يقولى انا كنت راكب اكسنت rb وعايز حاجه سيدان اقوله مثلا سيراتو طبعا عربيه احلا بكتيير فى النعومه والركوب ولكن صيانة وطع غيار وريسيل نفس مستوى الاكسنت
يقولى كنت ركب لانوس وعايز اغير اقوله اركب ريوسيدان
يقولى كنت راكب ماتركس وعايز حاجه فى نفس الاستخدام فى القاعده العاليه والوسع والانتشار وقطع الغيار والريسيل فى حدود250000 اقوله اركب توسان
واحد يقولى انا عايز عربيه فى حدود 170000 بس دى اول عربيه اركبها وسواقتى لسه على قدى ومش عايز اتبهدل فى المستعمل
اقوله اركب برده سيراتو بس امن عليها عشان الحوادث لاقدر الله وحاجتها موجوده فمش هتغلب فيها
واحد يقولى كنت راكب اوكتافيا A5 وعايز اجدد وعايز حاجه سيدان اقوله اركب A7 او بيجو 508 او اوبل انسجنيا او فورد فيوجن او باسات اعمل مقارنه وعيش
مجمل الكلام مينفعش واحد مكبر دماغه راكب كورى اللى حاجته مرميه زى النترا 2009 الجمل مثلا ولاماتركس ولا فيرنا ولا لانوس واركبه فوكس مثلا
او العكس
واحد معاه فانتازيا سكودا ولا باسات واركبه كريتا ولا اسبورتاج عشان هو عايز عربيه عاليه هيدعى عليك كل ميركب
وطبعا اللى فات مشقاعده لان ممكن واحد زهق من الكورى وعايز يركب المانى ويستمتع بالثبات ويامن نفسه بالسيفتى بعيدا عن الريسيل وقطع الغيار

وطبعا قبل متختار اى عربيه سواء يابانى او كورى او المانى او حتى صينى لالالالازم تشوف قطع الغيار متوافره ولا لا سمعة العربيه من الاعطال الريسيل هيبقى كويس ولا ضايع
عشان متلبسش لبسة وحشه
يعنى مثلا واحد اعرفه كان معاه فلوانس 2015 وعمل حادثة فى الوش وطبعا ملقلهاش قطع غيار بره التوكيل فطبعا راح التوكيل قالوله هتكلف 23000 جنيه ومكانش مامن فيعاديك على اللى شافه
يعنى مثلا عربيه امريكى اسمها دودج دارت العربيه دى نزل منها دفعتين كدا فى 2013 وفشلت ومجاتش مصر تانى وكانو بيدللو عليها فطبعا مع الحادثه شكرا معاك عز العرب وعيش معاه
البولو السيدان الهندى اخر الموديلات
الهيونداى ix20 برده نزلت كدا دفعه وشكرا
الالفا روميو جوليتا
الفيات 500
الجيتا 2014 برده التوكيل مبقاش يجبها
طبعا يعنى عربيات قليلة جدا جدا وطبعا فى المستقبل هيبقى فيه بهدله فى قطع الغيار