السلام عليكم,
سؤال للخبراء, هل ضعف البطارية بيأثر علي سحب العربية؟
عرض للطباعة
السلام عليكم,
سؤال للخبراء, هل ضعف البطارية بيأثر علي سحب العربية؟
متابع
اكيد طبعاٌ لأ
لا لانك ممكن تدور العربية وتشيل البطارية
والله اعلم ..
البطارية لبدء الحركه وبعد ذلك يعمل مولد الكهرباء المتصل بالسيور مع موتور العربه لشحن البطاربه واعطاء العربه مايلزم من طاقة
ملهاش علاقه
كان المهندس سبعاوي لاحظ تأخير في النقل في سيارته النيسان صني الأوتوماتيك مع نهاية عمر البطارية... ولاحظ إن الفتيس الأوتو بيحتاج بطارية قوية
البطاريه لبدأ التشغيل بس ملهاش علاقه بالسحب ولا الماتور
ليها علاقة بالفتيس الأوتو فى بعض السيارات
غير كده لأ
ايه العلاقه بالظبط؟اقتباس:
المشاركة الأصلية كتبت بواسطة ahmed_h_g
انا ملاحظ اني لما ركبت البطاريه الجديده ان الموتور بطل يرعش في السلانسيه لما بشغل النور العالي مثلا و مستني الحر ييجي عشان كانت الحركه دي بتحصل في بداية تشغيل التكييف يبقى خير وبركه
في نقلات الفتيس الأوتو أحيانا بتفرق البطارية، وصلت مع عضو في المنتدى وجاب امبير اعلى ونقلات الفتيس وسحب العربية اتحسن.. والله اعلم
طب يعني يا جماعة البوجيهات أدائها مبيتأثرش تماماً في السحب لو البطارية ضعيفة؟
لا ملهاش علاقةاقتباس:
المشاركة الأصلية كتبت بواسطة Raul_7
ليس لها اي علاقة مباشرة
طيب ايه العلاقة الغير مباشرة؟اقتباس:
المشاركة الأصلية كتبت بواسطة mo7a_mo7a
عن تجربة بيفرق
انا كان معايا النترا مانيوال و مرة البطارية ضربت عندى و دورت العربية بوصلة و فضلت ماشى بيها كنت بدور على مكان اشترى منه بطارية جديدة
اول ما ركبت بطارية جديدة حسيت بفرق ملحوظ فى السحب علما ان البطارية القديمة كانت بتاعة الفابريقة
نفس الكلام ده كان حصل معايا في لانوس مانيوال زمان, فكنت بسأل عشان أعرف اذا كان ليها تفسير ميكانيكي ولا لأ, بس معظم الردود بتقول مفيش علاقة.اقتباس:
المشاركة الأصلية كتبت بواسطة tamerosman
ايوه ليها علاقه ياباشا وعلاقه قويه كمان
هاقول علي الاسبرانزا
الدينامو كان بايظ ومش بيشحن البطاريه
مجرد شويه الشحن الموجودين في البطاريه ما ينتهوا
العربيه تبرجل وتبطل وتنتش
وتدور زق وتمشي بيك لمسافه 200 او 300 متر وتبطل تاني
الي ان تقف نهائي
ال ان تم تغير الدينمو وبمجرد تركيبه العربيه ظبطت لوحدها
لكن في العربيات القديمه زي الشاهين وال 25
كانو معايا
لو دورت العربيه ذق والدينامو بايظ او البطاريه بايظه
والعربيه دارت ذق
العربيه تمشي بيها عادي جدا وممكن تسافر بيها كمان
بشرط ان العربيه ماتبطلش منك
لانها لو بطلت هاتدور ذق
ده الفرق بين الجديد والقديم