المشاركة الأصلية كتبت بواسطة wael6
السلام عليكم ورحمة الله
العربيه فيرنا مو 2013 كامله مانيوال ؟
وعليكم السلام ورحمة الله وبركاته
كرسي القياده بيزيق ومضايقنى جدا خصوصا فى المطبات ؟
حضرتك تنضف المجرى بتاعة الكرسى من تحت ولو معرفتش وهوا راكب هتفك الأربع مسامير بتوع الكرسى وتطلعه بره وتنظفه لو فيه أتربة أو رملة وتشحمه لو مافيهوش شحم وتربطه كويس فى الآخر لأنها فى الأساس ممكن يكون مسمار مش مربوط كويس من الأربع مسامير..
وايه افضل لمبات للفوانيس ايه من فضلكم ؟ وهل كتاوتهم هتكون جديده ولا استيراد نضيف زى يابانى مثلا افضل من الجديد الصيني او التركى ؟
على فكرة أنا أعرف إن اللمبات الأصلية للفيرنا محترمة جدا بس لو تقدر تغير لمبة عالية من غير ما تحتاج لكتاوت وقطع للضفيرة يبأا تمام ( بس ده رأيى الشخصى )
البطارية الحالية 55 امبير سائلة ؟ هل هتستحمل اضافة الاضاءات من فوانيس وخلافه ؟
لأ ماتلعبش فى البطارية عشان الدينامو مظبوط على البطارية ال 55 أمبير واللعب كلله فى الكتاوت لو هتركبها..
وكان عندى سؤال ليه مره الاقي النور تقيل وواضح ومرة اخرى الاقيه خفيف ومش منتشر كويس ؟
ساعات بتبأا المشكلة فى الآتى:
- الفوانيش من الشتاء بتبأا محتاجة تتمسح
- التكييف لو شغال ( بيشتغل فى الشتاء لو قافل الإزاز وعايز تضيع بخار المياه من داخل الإزاز الأمامى )
- مروحة التبريد شغالة وساحبة كهربة العربية!!د
- ساعات بتبأا تهيئات بتجيلنا كلنا!!