الموضوع: فتيس النوبيرا الأوتو

قدر الله وما شاء فعلا
اولا اتفق مع اللى هتجيب من عنده الفتيس انه على التجربة ولو طلع فيه اى حاجة هترجعه
ثانيا وده الاهم قوله لو طلع الكيك داون مش شغال هرجعلك الفتيس ، خليه يديك فتيس متركب فيه الكابل ويكون سليم مش مكسور علشان ده تغييره شغلانة ولازم يتفك الفتيس من جوة عشان يتغير
ركب الفتيس وغير الزيت وجرب عربيتك وتأكد ان الغيارات سلسة والنقل يكون من 2.5 لــ 3 أر بى ام ، وجرب هات اخر الدواسة عشان تتأكد إن الكيك داون شغال
لو الفتيس تمام امشى بيه كام يوم وبعدين روح للميكانيكى يغير الفلتر وينضف المصفاة ولو فى امكانية غير الزيت تانى عشان يبقى نضافة للفتيس
الفتيس تمنه 1500 جنيه بالكتير لو قالك اغلى من كدة حاول تفاصل معاه وخده بالتمن ده ويفضل يكون من عند واحد معرفة علشان لو فى اى حاجة يرجعهولك بسهولة
وربنا معاك

روح لسوسو فى الهرم , هتلاقى عنده كذا موتور بالفتيس بتاعهم, اختار الفتيس اللى يعجبك.
ومتشتريش الفتيس لو كان محلول من الموتور, بيبقى ارخص بس مش مضمون, انا اشتريت واحد وبعد ما ركب طلع محروق ورجعته واشتريت واحد كان لسه راكب على الموتور.

الموضوع بسيط بأذن الله, لا تقلق.

بالتوفيق.