[frame="7 70"]
شكرااا يا استاذ هانى
[/frame]
موفق فى البيع ان شاء الله
ممكن أعرف عايز تبيعها ليه ؟ و ايه رأيك فيها؟
ربنا يوفقك فالبيع
بص حضرتك انا كنت ناوى اعمل تقرير عن العربية بعد ماابيع بس مادام حضرتك سألتنى لازم اجاوبك فى نقط بسيطة
أنا شارى العربية من الزيرو فى شهر 9-2010 من توكيل دايهاتسوا عمارات الشركة السعودية
اول يوم استلمت فية العربية كانت ماشاء الله تحفة فى كل حاجه سحب وسواقةوشكل ووسع من الداخل بس كان عندى كام ملاحظة كدة مش عارف تاثر على العربية وارجوا من كل اعضاء السيريون يشركونى الرأى
اولا العربية كسحب كويسة بس هى برضة 1300 يعنى مع التكيف بتكون تقيلة فى التجميع ولو معاك حمولة فى الكنبة الخلفية العربية بتبقى ضعيفة فى قوة العزم
ثانيا مشكلة علبة الدركسيون اللى بسمع عليها كتير والحمد لله ان انا معنديش المشكلة دية حتى الان مع العلم ان التوكيل كان عايز يغيرلى العلبة بدون سبب وانا مش عارف لية ولما روحت لمهندس عفشة قالى العلبة زى الفل بالشحم بتاعها
ثالثا مفيش شنطة يعنى لو معايا شنط هاشلاها فين
رابعا حاسس ان العفشة مش بتستحمل مطبات البلد وكل حاجه فى العربية صغيرة شوية زى المساعدين شفتهم مرة لقيتهم رفيعين جدا مع العلم ان المساعد الخلفى بيركب من الخارج بمسمار وانا اول مره اشوف مساعد كدة
خامسا سير الكاتينه جنزير وعامل صوت عالى شويه بسيطه بس مش باين الصوت الا للراكب ناعمة ويعرف يميز الصوت كويس
سادسا تقفيل العربية مش جيد ودة يبان فى الاكصدامات مع الوقت هتلاقى الاكصدام فى فرق بينه وبين جسم العربية
أعتقد ان المشاكل دية عادية بس بالنسبه لى مش هقدر اخلى العربية معايا وخصوصا وانا معايا لانسر
لكن بصفه عامة العربيه كويسه جدا جدا جدا جدا
الامان فيها كويس العربية ماشاء الله عليها بتجرى جامد عاملة زى الحصان لو فلت من ايدك مش هتعرف تمسكة
العربية واسعه جدا من الداخل ودية من اهم مميزات العربية السيريون
العربيه فيها 2 ايرباج ودة شئ ممتاز وفرامل abs
العربية كسواقة ممتعة وخصوصا على الطرق
أخيرا ارجوا ان اكون قد ساعدت حضرتك
وشكرااااا :7_6_5v[1]::7_6_5v[1]::7_6_5v[1]:
أنا حابب اوضح بعض الأمور بس في تقييم العربية
أولا موضوع سحب العربية فبصراحه مش هتلاقي سحب عربية بالشكل ده خالص
المشكلة يمكن في الموضوع انك اتوماتيك والاتوماتيك طلعته الطبيعية بتبقى ضعيفة
امتى تقول ان العربيه سحبها ضعيف مع التكييف والتحميل كمان لأقصى حمل داخل العربية
لما تضغط بنزين ومتلاقيش رد فعل للعربية خالص وده مش موجود فعلا اضغط كيك داون اونت هتشوف السحب بالتكييف والحمولة الكاملة للعربية بزيادة كمان وعن تجربة
ثانيا مشكلة علبة الدركسيون حلها بسيط وسهل وهو تغيير مكبس صغير داخل العلبة من حديد الى فيبر بلاستيك والمشكلة ان الحديد له جوان وبعد فتره بيضعف الجوان ده وبيخلي المكبس ده يعمل صوت داخل العلبة
ثالثا الشنطة دي بتختلف تقديرها من شخص لأخر بصراحه انا فعلا قلما جدا انها لم تسعفني وبتبقى حاجات طويلة مش شنط اما الشنط فبتشيل اي حاجه لأن ممكن تحط الشنط بشكل راسي
رابعا موضوع العفشة مش بتستحمل فانا بأؤكدلك عكس كده تماما انا اخدت مطبات وانا محمل كتير جدا وانا ماشي بسرعه والحمد لله فضل ونعمة ولم يحدث اني حسيت ان المساعدين او اليايات حصلهم حاجه المشكلة بصراحه ان الشوراع فعلا بقت صعبه جدا جدا جدا
المساعدين وانهم ممسوكين بمسمار المهم في النهاية حصل شئ انا بأؤكد لحضرتك ان عربيتي اترزعت اكتر من مره وهيا محملة كمان في نقر على الطرق السريعه وغيرها ومطبات والحمد لله لم يحدث للعربية شئ بالعكس انا بقه عندي شعور تبلد اني البس اي مطب او نقره بعربيتي لما رأيته منها من قبل
خامسا سير الكاتينه الجنزيرواكيد هيعمل ونة اونا معاك في كده بس سير الكاتينة الجنزير ميزه تفتقدها سيارات كتير لأنه قطعه بيسبب مشاكل لا تحمد عقباها
سادسا موضوع الأكصدامات عمرها ما هتفرق من مكانها الا بخبطات كثيرة في الأكصدام او ثقيلة عليه غير كده عمره ما هيفرق الا لو كان فيه كلبسات اتكسرت وعلى فكره الموضوع بسيط جدا لأن الأمر كله كلبسات الأكصدامات دي راكبه على قواعد بلاستيك متثبته في البودي بتاع العربية بكلبسات فلو عندك فارق الموضوع بسيط هتلاقي في كلبسة او اكتر اتكسر من تريحه جامده او خبطه في الأكصدام ومع تغييره هتلاقي الاكصدام رجع مكانه بالظبط ان شاء الله
وبصراحه موضوع الأكصدام ده انا شايفه من مميزات العربيه لأنه سهل الفك والتركيب ومع تغيير شوية كلبسات الموضوع بيرجع مكانه غير اكصدامات بتبقى ناشفه ومع الخبطات معمرها ما بترجع مكانها تاني
وفي النهاية ربنا يوفقك وييسر البيع ان شاء الله
شكراً على ردودكم الجميلة و افادكم الله
شرح ممتاز أستاذ / أبو عبد الله ، وأعتقد أنه كان من الأفضل للأستاذ / هانى , أنه يشترى نفس موديل السيريون بس سعة 1500 سى سى ، حتى تتلاءم مع احتياجاته بدلا من أن يحكم على العربية بضعف السحب , لأن كل حاجة ولها حاجة مناسبة لييها , و أعتقد أن الزمان القادم سيكون زمن السيارات الصغيرة بعد أرتفاع أسعار البنزين وضرائب تجديد الرخصة وزحمة المرور وصعوبة الركنات , و أعتقد أن الجماعة اليابانيين ماصغروش أحجام السيارات الا لأنهم سبقونا بمراحل فى زحام المدن وأرتفاع أسعار الوقود لأن كل بترولهم مستورد من الخارج وأعتقد أننا فى طريقنا لأن نكون مثلهم فى هذه الجزئية , فربما تصبح السيارة الصغيرة هى مايسترو الزمان القادم , تحياتى لكم جميعا .:0002014a:
شرح ممتاز وأعتقد إنك قلت كل اللى عندنا..