عايز اغير عربيتى لانوس 2 كامله لى نوبيرا 2 ايه رايكم ؟

**elshreef_hemo** · 12-01-2013 02:17 AM

المشاركة الأصلية كتبت بواسطة midooo_119

للاسف برضه كلام مش صحيح صاجها قوى جدا و تعالى اسند عندى فاى حتة فالعربية رفرف او باب او اقعد عالكبوت او الشنطة مش هيطبق معاك

ايه هوة معيارك فى إن استهلاك البنزين مش عالى؟؟ انا حسبت الاستهلاك عالطريق السريع اكثر من رائع حوالى 300 كم/الصفيحة لكن بتعمل كام كيلو معاك فى الصفيحة جوة البلد فى الزحام؟؟
إيه هوة معيارك فى ان مشاكل العفشة اتحلت؟؟ ممكن تعيش كام سنة مثلا مع حسن الاستخدام؟؟
ايه هوة معيارك فى إن الصاج تقيل؟؟ بصيت حواليك وشفت كام نوبيرا مش راشة برة وصاجها معفص أو معضعض بدون خبطات بخلاف عربيات تانية كتير
قارنت صوت موتور النوبيرا بأصوات مواتير سيارات اخرى منهم اللانوس على أر بى ام عالى؟؟

انا بحاول اكون موضوعى وانقل تجربتى مع السيارة بدون تحيز علشان دى امانة

**midooo_119** · 12-01-2013 02:33 AM

المشاركة الأصلية كتبت بواسطة elshreef_hemo

ايه هوة معيارك فى إن استهلاك البنزين مش عالى؟؟ انا حسبت الاستهلاك عالطريق السريع اكثر من رائع حوالى 300 كم/الصفيحة لكن بتعمل كام كيلو معاك فى الصفيحة جوة البلد فى الزحام؟؟
اسوء استهلاك جوه البلد كان 170 للصفيحة
إيه هوة معيارك فى ان مشاكل العفشة اتحلت؟؟ ممكن تعيش كام سنة مثلا مع حسن الاستخدام؟؟
احنا بنكلم عالعربية كورى و تقيله فلو العفشه بتعيش سنتين تلاتة يبقى حلو اوى مع الشوارع المكسرة و اسعار قطع الغيار الرخيصة
ايه هوة معيارك فى إن الصاج تقيل؟؟ بصيت حواليك وشفت كام نوبيرا مش راشة برة وصاجها معفص أو معضعض بدون خبطات بخلاف عربيات تانية كتير
معيارى لما حد يخبطنى او حد يسند عالعربية او حاجه تقع عليها الصاج بيتحمل ولا لأ لكن فيه فرق ان الصاج خفيف يعنى تحط ايدك عليه يدخل و يطبق و انه بيموج و شكل العربية بيتغير لكن ده لوحده مالوش علاقه بخبطه او حد سند عليه
قارنت صوت موتور النوبيرا بأصوات مواتير سيارات اخرى منهم اللانوس على أر بى ام عالى؟؟
اكيد طبعا صوت الانوس مميز جدا و عالى جدا غير موتور النوبيرا الى صوتها العالى جاى من الشكمان اكتر من الموتور و هنا الموضوع للمقارنه مع الانوس فمش هقارنها مع غيرها
انا بحاول اكون موضوعى وانقل تجربتى مع السيارة بدون تحيز علشان دى امانة
اكيد طبعا و انا زيك

**msobhy** · 12-01-2013 11:37 AM

حضرتك انا فضلت فى الحيره ديه لمدة سنه ونصف كامله - كان معايا لانوس 2000 - وكل شويه اقول هاغير واجيب نوبيرا - لدرجة انى قلت انى هاجيب نوبيرا 2009 وكانت عامله اقل من 30000 كيلو
والله حضرتك بعد تجارب كتييييييييييييييييييير جدا - النوبيرا افضل من اللانوس - لكن مش الفارق الشاسع - مع احترامى لكل اراء الاخوه وهما اكيد يعرفوا اكتر منى - لكن فعلا لو عربيتك مريحاك خليك فيها - عربيتك تعباك هات النوبيرا - لكن الاهم لو انت زيى ومش من هواة تغير العربيه كل شويه يبقى اصبر لغاية لما تجيب حاجه فعلا ترضيك
اللهم لك الف حمد والف شكر - انا كنت هاجيب نوبيرا وبعدها لانسر بومه هاف اسبورت وركبتها وبرضو معجبتنيش - وجبت النترا مانيوال مش اوتوماتيك - والله العظيم مش قادر اقول لحضرتك مدى سعادتى بيها قد ايه - ربنا يبارك لى فيها ويكفينى شرها ويبعد عنها العين
بجد حسيت انى مارمتش فلوسى فى الارض - خاصه انى طويل حبتين ومتعود على العربيات الضخمه - وبصراحه العربيه ديه ادتنى تقريبا 95% من احتياجاتى مقابل فلوسى
يبقى حضرتك تدور على احتياجاتك اللى مش لاقيها فى اللانوس وتشوف هل هيه موجوده فى النوبيرا ولا لأ وبعدها تقرر زى ما انت عايز - وياريت تمشى بمبدأ ---- أتقل تاخد حاجه نضيفه ---- :)

**midooo_119** · 12-01-2013 11:41 AM

المشاركة الأصلية كتبت بواسطة elshreef_hemo

انا مش مختلف معاك فى الإجابات ، ده بالظبط اللى قصدى عليه

ان شاء الله مفيش اختلاف كل عربية ليها مميزات و عيوب لكن ميزة النوبيرا ان عيوبها ليها حل سواء عفشه او رشاشات ده طبعا للمانيوال اما الاتوماتيك الفتيس ناس بتقول لو بتعمله الصيانه يمشى معاك كويس وناس تقول كده كده هيبوظ لكن كمجمل عربية كويسه سواء الانوس او النوبيرا و اعتماديه جدا يكفى ان 6 سنين ماحطيتش المفتاح ومادرتش غير لما البطارية نامت يعنى مش عيب عربية فالحمد لله على كده و فعلا الواحد مش ندمان سواء على شرائها او احتفاظه بيها لغاية دلوقتى
وانا عمتا بعد ارتفاع اسعار الزيرو المبالغ فيه رايى احنا معانا عربية اعتمادية نظبطها و نخليها هتبقى مش فرق كبير عن الزيرو غير الشكل و بعض الكماليات و ممكن تضيفها للعربية و ديه ميزه كمان

**aboomar22** · 12-01-2013 11:09 PM

انا كنت داخل بصراحة اسال اشترى لانوس ولا نوبيرا فوجدت الموضوع مكتمل والحمد لله طيب انا عندى سؤال انا من كام شهر ركبت عربيتى صديقى وكانت لانوس 2010 شيفروليه لاحظت انى لما شغلت التكييف سحب العربية قل بصورة ملحوظة وكذلك كان معايا واحد جانبى واثنين ورا كان بتخبط فى المطبات جامد هل ياترى داكل اللانوس بيقل السحب مع التكييف بصورة ملحوظة ولا العربية دى بس واظن ان موضوع الخبط فى المطبات ان المساعدين كانوا وحشين ولا ايه وشكر جزيلا لحضرتكم

**ايمن 1711** · 11-11-2016 09:43 PM

ياجماعه انا هشتري نوبيرا 2007
وقلقان من المشكلات الي بسمعها اشتري ولا اعمل ايه

**picaso55** · 14-11-2016 12:27 AM

بص انا هتكلم عن نفسي لو انا مكانك
انا دلوقتي معايا لانوس هفكر اغيرها لو هغير بنوع تاني عملي اضافة في العربية بجد مثلا يكون في abs or air bags و باقي الحاجات الرفاهية لكن لما اغير لانوس بنوبيرا مش ده اللي يستحق اني اخسر فلوس فعربيتي دلوقتي و اجيب حاجة تانية
... ممكن لو بتدور علي الاداء هات متور لانوس استيراد 1600 cc و 2 كامة و عدل الفرامل الخلفي هتركب عربية محترمة جدا جدا جدا لكن تغير عربية كاملة عشان تسارع متور او ثبات ... انت ممكن تعمل ده في عربيتك
و بكرر دي مجرد وجهة نظر شخصية لو انا كانك