عمره مقبولة إن شاء الله. يارب إكتبهالنا.
ممكن نعرف من صاحب الموضوع الرحلة تكلفتها كام للفرد للفنادق والمدة دي.
عرض للطباعة
عمره مقبولة إن شاء الله. يارب إكتبهالنا.
ممكن نعرف من صاحب الموضوع الرحلة تكلفتها كام للفرد للفنادق والمدة دي.
بجد شكرا ليكم يا جماعة , كفيتوا ووفيتوا واستفدت اوى من خبراتكم
بشكركم جدا , ربنا يكتب كل واحد اللى يتمناه ويزقكم من وسعه
ربنا يكرمكم
ربنا يتقبل يا محمد
بكرة باذن الله وانا في الشغل هاحطلكم اسعار شركة العمرة اللي طلعت معاها السنة اللي فاتت
هي متعاقدة مع شركتي وشفت خدمتهم بنفسي فوق الرائعه وبيهتمو بالمعتمر جدا على قد ما يقدرو
وكل اللي طلع معاها بعدي انبسط جدا سواء من المنتدي او براه
ومش بيعملو خصومات وانا مش عايز منهم حاجة ولا تمن اعلان
انما حاجة كدة للاعضاء عشان تفتكرنا وتديعلنا بضهر الغيب
لا حول ولا قوة الا بالله
لازم تفتح الجرح وتفكرنى لموضوع دة امنية حياتى اتعلق باستار الكعبة واحضنها واشوف قبر الرسول
بس للاسف من رابع المستحيلات انى ااقدر اسافر للظروف المادية حتى ولو بعد 100 سنة
يارب اللى يسافر هناك يدعيلى بظهر الغيب يفرجها عنى
انا هبعت لحضرتك على الخاص علشان قوانين الاعلان والكلام ده
ربنا يكرمك يا استاذ كريم , ربنا يقدرك على فعل الخير
معلش , كل واحد وليه قدره , لو مكتوبالك حتما ولابد ان شاء الله هتطلع
انت بس اخلص النية وربنا هيكرمك باذنه
تحياتى
باختصار مشيلتش هم حاجة خالص
طول مانا هناك في اتنين مندوبين موبيلاتهم معايا مسئولين يوفرو كل حاجة
لو عندي اي مشكلة بتصل بيهم سواء على غرفهم او علي موبايلاتهم يحلوها
من اول ما روحنا شافو الناس اللي معملتش عمرة قبل كدة
وخدونا نعمل عمرة معاهم وبقو ماشيي على قدر احتمال الضعيف
سواء سعي او طواف او اي نسك تانية
ورغم اني مذاكر كويس الا انهم كانو بيصححو على طول عشان العمرة ماتبوظش
وكل منسك شرعي واسلامي مفيش هجايص خالص ودي اكتر حاجة عجبتني
في المزارات كانو موتاجدينم يشرحولنا كل حاجة
ينزلو معانا في زيارات متاجر البلح يفاصلو مش يستنو عمولتهم
من الاخر مش بيبعوك للناس هناك عشان كام ريال
ورفضو تماما اننا نلم في اخر الرحلة نديلهم فلوس
واحنا اجعين مانساش منظرهم واقفين فوق عربيات الشنط يحملوها للطيارة كانهم شيالين
مفيش راجل او ست كبيرة ماسعدوهوش عشان يخلص اجرائتة او في مناسكم او او
محسناش بوجودهم في المدينة عشان المدينة راحة
حسينا بيهم قوي في مكة وقد ايه شايلين الرحلة
نسيت اسمائهم لكن فاكر وشوشهم وسماحتهم وكل شوية ادعيلهم بضهر الغيب ربنا يباركلهم
جزاك الله خيرا يااستاذ محمود ، ربنا يتقبل منك ومن الحاجه ويمتعكم الكعبه المشرفه وبزياره الحبيب
محمود
من السنة اللي فاتت الموضوع ده بالذات سايبه مفتوح ان اي عضو يلاقي خدمة كويسة باسعار كويسة في العمرات ويكون جربها يقدر يحط بيانتهم
العمرات والحج فقط وتكون متجربة وليست اعلان فقط
تقبل الله مقدما