سؤال بخصوص فنادق مكة والمدينة للعمرة

**ahmed_m_ashraf** · 14-01-2013 07:17 AM

عمره مقبولة إن شاء الله. يارب إكتبهالنا.
ممكن نعرف من صاحب الموضوع الرحلة تكلفتها كام للفرد للفنادق والمدة دي.

**Mahmoud Nagieb** · 15-01-2013 08:51 PM

بجد شكرا ليكم يا جماعة , كفيتوا ووفيتوا واستفدت اوى من خبراتكم

بشكركم جدا , ربنا يكتب كل واحد اللى يتمناه ويزقكم من وسعه

ربنا يكرمكم

**abo_anas** · 15-01-2013 09:38 PM

المشاركة الأصلية كتبت بواسطة mahmoud nagieb

بجد شكرا ليكم يا جماعة , كفيتوا ووفيتوا واستفدت اوى من خبراتكم

بشكركم جدا , ربنا يكتب كل واحد اللى يتمناه ويزقكم من وسعه

ربنا يكرمكم

ماشى ياكابتن مااحنا بردوا لينا مطالب ههههههههههه
السعر واسم الشركه ورقمهم
عمره مقبوله ان شاء الله

**Karim_Monir** · 15-01-2013 11:01 PM

ربنا يتقبل يا محمد
بكرة باذن الله وانا في الشغل هاحطلكم اسعار شركة العمرة اللي طلعت معاها السنة اللي فاتت
هي متعاقدة مع شركتي وشفت خدمتهم بنفسي فوق الرائعه وبيهتمو بالمعتمر جدا على قد ما يقدرو

وكل اللي طلع معاها بعدي انبسط جدا سواء من المنتدي او براه
ومش بيعملو خصومات وانا مش عايز منهم حاجة ولا تمن اعلان
انما حاجة كدة للاعضاء عشان تفتكرنا وتديعلنا بضهر الغيب

**زمالكاوى اصيل** · 16-01-2013 07:37 AM

لا حول ولا قوة الا بالله

لازم تفتح الجرح وتفكرنى لموضوع دة امنية حياتى اتعلق باستار الكعبة واحضنها واشوف قبر الرسول

بس للاسف من رابع المستحيلات انى ااقدر اسافر للظروف المادية حتى ولو بعد 100 سنة

يارب اللى يسافر هناك يدعيلى بظهر الغيب يفرجها عنى

**احمد المصرى** · 16-01-2013 07:41 AM

المشاركة الأصلية كتبت بواسطة karim_monir

ربنا يتقبل يا محمد
بكرة باذن الله وانا في الشغل هاحطلكم اسعار شركة العمرة اللي طلعت معاها السنة اللي فاتت
هي متعاقدة مع شركتي وشفت خدمتهم بنفسي فوق الرائعه وبيهتمو بالمعتمر جدا على قد ما يقدرو

وكل اللي طلع معاها بعدي انبسط جدا سواء من المنتدي او براه
ومش بيعملو خصومات وانا مش عايز منهم حاجة ولا تمن اعلان
انما حاجة كدة للاعضاء عشان تفتكرنا وتديعلنا بضهر الغيب

ممكن تشرحلى ايه ال عملتوا الشركه خلاك كعميل مبسوط من الشركه اوى كدا علشان عايز فعلا اهتم بالعميل عندى لدرجه انه يكون مبسوط نفس الانبساط بتاعك بالظبط

يا رب اعرف ابسط الناس ذى ما انت مبسوط كدا

**Karim_Monir** · 16-01-2013 10:24 AM

باختصار مشيلتش هم حاجة خالص
طول مانا هناك في اتنين مندوبين موبيلاتهم معايا مسئولين يوفرو كل حاجة
لو عندي اي مشكلة بتصل بيهم سواء على غرفهم او علي موبايلاتهم يحلوها
من اول ما روحنا شافو الناس اللي معملتش عمرة قبل كدة
وخدونا نعمل عمرة معاهم وبقو ماشيي على قدر احتمال الضعيف
سواء سعي او طواف او اي نسك تانية
ورغم اني مذاكر كويس الا انهم كانو بيصححو على طول عشان العمرة ماتبوظش
وكل منسك شرعي واسلامي مفيش هجايص خالص ودي اكتر حاجة عجبتني
في المزارات كانو موتاجدينم يشرحولنا كل حاجة
ينزلو معانا في زيارات متاجر البلح يفاصلو مش يستنو عمولتهم
من الاخر مش بيبعوك للناس هناك عشان كام ريال
ورفضو تماما اننا نلم في اخر الرحلة نديلهم فلوس
واحنا اجعين مانساش منظرهم واقفين فوق عربيات الشنط يحملوها للطيارة كانهم شيالين
مفيش راجل او ست كبيرة ماسعدوهوش عشان يخلص اجرائتة او في مناسكم او او
محسناش بوجودهم في المدينة عشان المدينة راحة
حسينا بيهم قوي في مكة وقد ايه شايلين الرحلة
نسيت اسمائهم لكن فاكر وشوشهم وسماحتهم وكل شوية ادعيلهم بضهر الغيب ربنا يباركلهم

**Karim_Monir** · 16-01-2013 03:04 PM

محمود
من السنة اللي فاتت الموضوع ده بالذات سايبه مفتوح ان اي عضو يلاقي خدمة كويسة باسعار كويسة في العمرات ويكون جربها يقدر يحط بيانتهم
العمرات والحج فقط وتكون متجربة وليست اعلان فقط
تقبل الله مقدما

-

الموضوع: سؤال بخصوص فنادق مكة والمدينة للعمرة

LinkBack

أدوات الموضوع

عرض

-

-

-

-

-

المواضيع المتشابهه

حل مؤقت بديل للعمرة

حد يعرف شركة سياحة كويسة للعمرة

اسرع قطار في الشرق الاوسط بين جده ومكة والمدينة

سؤال عن الواجب فعله قبل السفر للعمرة

هل صحيح ان احسن وقت للعمرة الشتاء

الكلمات الدلالية لهذا الموضوع

المفضلات

المفضلات

ضوابط المشاركة