انا بقلب علي الموقع لقيتهم منزلين رينو اسكالا بالشكل الجديد الي هو نسخة من الصني
‫مقارنة السيارات
بس ازاي كدة بينافسو نفسهم بنفسهم
عرض للطباعة
انا بقلب علي الموقع لقيتهم منزلين رينو اسكالا بالشكل الجديد الي هو نسخة من الصني
‫مقارنة السيارات
بس ازاي كدة بينافسو نفسهم بنفسهم
لانهم شركة واحدة
ولو مش عاجبك سامية خد سوسو
تحياتي
ياراجل خليها تغور دا العربيات الصينى اشيك منها بمراحل
ديه أسمها في العالم كله سامسونغ !!
وديه عبارة عن شراكة بين شركة رينو والعملاق الكوري سامسونغ
طبعا رينو أصبح المالك الرئيسي للنيسان فخذ موتور الصني الياباني وحطه في بدي كوري من صناعة سامسونغ
العربية ديه متقفلة في كوريا والصراحة هي بتطور جامد بس مش عارف ليه في مصر واقفة !!
ابحث عن sm3 و sm5 و sm7 في النت وحتشوف التطور الرهيب للعربيات
بس كلها استنساخ لعربيان الرينو والنيسان مع شوية تغييرات بس في تطور
وطبعا العربية من الناحية العملية حمالة قسية زي الصني بالزبط بس الموديل النازل لمصر
عفشتو زباااااااااااااااااااااال ة بمعنى الكلمة لامؤاخذة في اللفظ
شيل من هنا وحط هنا ومشى حالك
مكتوب الاسعار 95 و 99 و 109 يعنى ارخص من الصنى التقفيل المحلى
اعتقد السكالا الجديده تقفيل هندى
ونفس الصنى تقريبا فى كل حاجه
انا شايفها كويسه واحسن منها
وعلى فكرة شكلها احلي من الصني
بس دى 1600 مش 1500 زي النيسان صني
تقريبا موتورها من رينو مش من نيسان
او ممكن يكون موتور الصني القديمة
لو نزلت هتاكل الصني اكل كل الي اشتري صني هيندم انو مصبرش شوية بس مش عارف ليه حاسس انها مش هتنزل
يندم على إيه يا باشا العربية شكلها مش ولا بد والله لو حطوا فيها إيه معرفوش حتى يعملوها زى ال m11
بالمناسبة ممكن يكون موتورها نفس موتور لوجان أوتو وميجان وفليوانس الكامتين ال 110 حصان أصل رينو وهو نازل فى كل عربيات رينو سانديروا أوتو ميجان فيلوانس داستر 1600 .... بس مع اختلاف أعدادات الكنترول طبعا
هما كاتبين 107 حصان ومش جايبين سيرة العزم خالص
طبعا في فرق ملحوظ فى العزم بين الموتورين 1600 الى حضرتك ذكرتهم وبين الموتور 1500 بالاضافة لفرق الاحصنة
لكن اعتقد بعد الكلام الى بنسمعه عن زيادة سعر البنزين هيكون السؤال الاهم حاليا عن "استهلاك البنزين"
هل فرق استهلاك البنزين فى الموتور 1500 مشجع لشراء النيسان
ولا الفرق الاستهلاك بسيط وبالتالي يبقى الرينو بالشكل والموتور 1600 افضل
المفروض ان موتور الصنى ال 1500 موفر فى البنزين بس معرفش الارقام بالظبط ودورت فى البروشور بتاع كذا بلد مالقتش , ممكن تسأل ملاكها
عموما السكالا المانيوال بنفس الموتور ال 1500 المفروض انها بتعمل 16.95 كم لكل لتر طبعا دا فى الظروف المثاليه , والصنى غالبا هاتبقى نفس الرقم تقريبا
الاسكالا بال 1600 لو هايبقى زى الموتور بتاع امريكا والمكسيك كاتبين 17.7 كم لكل لتر
بال 1600 بتاع الاسكالا القديم مكتوب 17 كم لكل لتر
الارقام دى كلها للمانيوال ومن بروشور رسمى لكل عربيه