انا يا جماعه ناويه ان شاء الله اشترى عربيه فى حدود 40 الف
محتاره بين الاكسل والاكسنت
وفى ناس رشحولى تيوتا ستارليت 1000 سى سى موديل 94
بس انا خايفه منها
اى راى محبى التويوتا
عرض للطباعة
انا يا جماعه ناويه ان شاء الله اشترى عربيه فى حدود 40 الف
محتاره بين الاكسل والاكسنت
وفى ناس رشحولى تيوتا ستارليت 1000 سى سى موديل 94
بس انا خايفه منها
اى راى محبى التويوتا
عزيزتى
تحية طيبة وبعد ،،،
أنا عندى تويوتا ستارلت 1500 سى سى أوتوماتيك
صدقينى ... أبعدى عنها تماماً
قطع غيار نادرة للغاية .. وإن وجدت (إستعمال طبعاً لأن ما فيش منها جديد) سعرها نار .. نار .. نار
هل تعلمين ما هى مشكلة الستارلت الرئيسية ؟
إنها لم تنزل السوق المصرى عن طريق الوكيل الرسمى ... نهائى ... واحد شاطر وفهلوى ... أشترى كمية منها مستعملة طبعاً (لا تزيد عن 100 سيارة على الأكثر) ودخلها مصر .. زى ما أى حاجة وحشة ممكن تدخل مصر بسهولة .. وخد فلوسه .. وخلى الناس تخبط دماغها فى أجدعها حيطة ؟
حتى لو ذهبتى للتوكيل ... علشان تسأليهم على قطعة غيار .. حا يردوا عليكى ويقولوا : .. أسفين يا فندم .. أحنا غير مسئولين عن هذا الموديل ... إحنا مسئولين فقط عن الموديلات إللى قمنا بإستيرادها فقط ...
أرجو أن أكون قد استطعت أن أنقل لكى الصورة .
مع أطيب تمنياتى للجميع بالصحة والسعادة ،،،
عزيزتى
مبروك عليكى أنك لحقتى نفسك قبل ما تشتريها
على الأقل ... إللى كان ممكن يبيع لك العربية دى .. تاجر ... مصلحته هو فقط فوق كل إعتبار
الدور عليا أنا .. إللى دبسنى فى العربية دى .. للأسف قريبى ... وقال لى عليها أشعار .. وكان قرب يبكى من كثر فراقه ليها
وبعد شهر لا أكثر ... أنفتحت ماسورة المصروفات عليها ... وإلى الآن لا أزال أعانى منها .
منه لله .. بس أقول أيه .؟ ... هى غلطتى أنا .. أولاً وأخيراً ... مالها الــ 128 ... ما كانت زى الفل وأصيلة ... لكن أعمل أيه فى نافوخى ... كان نفسى عربية بتكييف .. أدينى أتنيلت ...
مع خالص عزائى لكل من يدعى أن الستارلت عربية كويسة ... يمكن فلوسهم كثير .. يمكن عايزين يبيعوها
مع أطيب تمنياتى للجميع بالصحة والسعادة
طب متبيعها وتجيب حاجه تانيه بكييف برده وكماليات
وعوضك على الله فى اللى صرفته فيهاhttp://www.nilemotors.net/Nile/images/icons/icon7.gif
اول حاجة العربية دى 1000 سى سى فقط وليس 1500
العربية دى معايا من 7 سنين وعربية حلوة جدا
العربية اللى معاكى مسقطة موتور
العربية زى الفل وكمان التكييف احسن من الجديد
هى يوجد بها عيب انها ناشفة شوية
حتى مع المساعدين الاصلى بتاعتها
قطع الغيار موجودة فى التوفيقية وعند بتوع تويوتا
اكتر واحد يفيدك فى الموضوع ده هو فهد لأن العربيه كانت معاه
ربنا يخليك يا باشا :)اقتباس:
اكتر واحد يفيدك فى الموضوع ده هو فهد لأن العربيه كانت معاه
السلام عليكم
العربية دية انا بحبها جدا بس بصراحة جيت فى الأخر و زهقت منها بسبب ندرة قطع الغيار الخارجية يعنى فانوس زجاج و الكلام دة و لكن القطع الميكانيكية فى الموتور موجودة كلها لأنها هية هية بتاعت الكورولا ال 1300 سى سى و حاجات كتيير جدا جدا بتركب عليها منها بس احنا كان عندنا موديل 87 الى هية الشكل الأقدم و معتقدش انها موجود منها فى مصر اكتر من 10 :) قطع الغيار الخارجية مش موجودة خالص كنا بندوخ على فانوس امامى و لو لقيتا واحد عندة فوانيس امامية بنشتريهم حتى لو مش عاوزينهم و حاجات كدة بس الشكل الاجدد حاجتة موجودة شوية مش نادرة اوى و هية فعلا 1000 سى سى ال 1500 دة غالبا متسقط و هية سحبها مش حلو اوى بس هية ناعمة
و ربنا يوفقك
انا رأى تشوفى حاجة تانية بصراحة علشان متتعبيش نفسك فى موضوع قطع الغيار دة :)
شكرا يا جماعه
انا خلاص لو شفتها فى حته
همشى من الشارع التانى
شكلها مشكله
ربنا يكون فى عون اصحابها
It's a nice car used to have one bought it brand new 92 model and it was 1000cc and it was fast for just 1.0L then I installed 1.3L and later 1.5L and wow it was fast 0-100 was 9sec and max speed 180kph because I kept the 1.0L gears which was only 4 gears. I even had a site of it www.starletboys.com but closed with a friend from Indonesia http://www.riversiderallyteam.com
As for parts you can find it, and many of Corolla parts can be fitted like oil filter, airfilter, ...etc
العربية دي حلوة بس موديل 90 فيما فوق
وحاجتها موجودة باعتدال زي التيرسيل لانهم نفس الميكانيكا تقريبا وانا بتكلم عن ال 1000 سي سي
حاجتها الخارجية قليلة شوية بس مش نادرة يعني لو نزلت الحرفيين وعزبة شلبي هاتلاقيهم
اللي عايز يجبها يحط 5 ويجيب كرولا تسعينات احسن الشكل اللي قبل 93
أعزائى
سوف أعمل بنصيحتكم ... وإن كنت أشك أن هذه السيارة سوف تنزاح من على نافوخى .. إحساسى أنها عقاب .. أو قرينى .. لذا سوف أعرض عليكم المواصفات .. وعلى الزملاء تحديد السعر .. لأنى من الآخر لا أعلم فى أسعار السيارات أو الميكانيكا ... أنا كل إللى أعرفه .. أنى أسوق وبس ... بقالى 11 سنة بسوق سيارات ... والحمد لله .. ولا مخالفة سواء للسيارة أو للقيادة .
- تويوتا ستارلت
- موديل 1991
- محرك 1500 سى سى 16 صباب
- ناقل حركة أتوماتيكى
- تكييف أتوماتيك
- سنتر لوك
- إنذار
- اللون رصاصى
- رخصة سارية حتى يناير 2010
محتاج لنصيحتكم ... أعرضها للبيع بكام ... بمعنى أدق .. أخر سعر ممكن ما أنزلش عنه كام .
نقطة أخيرة ....
هل معنى أنى أتخنقت من العربية دى .. أنى لو بعتها لشخص أخر ... هل أكون قد غشيته ؟
مع أطيب تمنياتى القلبية لكم جميعاً بالصحة والسعادة
السلام عليكم و رحمة الله و بركاته ،
عزيزي المخنوق من عربيته :
أعتقد إنك المفروض تعمل عليها عرض أوجائزة إللي يشتريها يأخذ مثلا شنطة عدة هدية أو فردة كاوتش زياده و لا أقول لك شنطة إسعافات أولية من إللي بيقولوا عليها اليومين دول يمكن ربنا يكرمك و تبيعها ساعتها .
بجد قلبي معاك و يارب تقدر تتصرف و تبيعها و يجي لك فيها سعر كويس و ساعتها بقى ممكن نبارك لك و ندعي لك إنك تشتري عربيه تويوتا كورولا المرة دي :auto:
و يديكو يدينا طولة العمر:011:
TOYOTA Engine
ياجماعه مع احترامى للكلام كله لكن انا كان معايا العربية دىمو93- 1000 سى سى..و فى منها 1500 بموتور أصلى و دورو على النت حتلاقوها موجودة..عالفكرة العربية متجابه من توكيل تويوتا فى مصر زيرو أول مانزلت لانها كانت بتاعة واحدة قريبتى..و كانت بتعملها كل الصيانة فى التوكيل فى تويوتا العباسية..العربية ناعمة جداو تقيلة على الارض و عفشتها ممتازة و جراية و حمالة قسية بمعنى الكلمة..عيبها الوحيد زى مافهد قال اكسسوارتها الخارجية الفوانيس و الاشارات و الفبرات وموجودة فى الحرفيين عادى جدا و حاجة الموتور و العفشة موجودة جديدة عند ناس كتير و عالفكرة قطع غيارها موجودة كلها من اول قشة لاخر قشة عند بتوع قطع غيار تويوتا الاصلى (عرفة جابر و العالمية) بس غالية طبعا لانها تويوتا أصلى يابانى..انا معايا دلوقت عربية بيكانتو و كان معايا ستارلت و الله عفشتها و تكييفها برقبة البيكانتو(أقسم بالله لما جيت ابيعها جالى ولا 40 تليفون ده غير الناس اللى بتسألنى و انا ماشى فى الشارع عشان كنت معلق ورقة و محتجتش اعمل اعلان فى الوسيط بعتها عن طريق النت ) بس لما تيجى تجبيها اذا ربنا وفقك ليها متدفعيش فيها أكتر من32-34 الف مهما كانت الحالة عشان هى كده أخرها فعلا..انا حبيت اقولك اللى انا عيشته معاها و ربنا العالم جايز يكون الاستاذzazoksh
فعلا عربيتة كانت محتاجة صرف كتير و حالتها مش زى اللى معايا..ربنا يوفقك للاصلح