الموضوع: help for proton 2009

المشاركة الأصلية كتبت بواسطة shaf3y_3

انا سألت عز العرب عن البروتن جين2 2009 و قالى مفيش اختلاف فى اى حاجه ولا شكل ولا متور و الى انا قريته على على المنتدى ده ان هيبقى فيه اختلاف فى الشكل و المتور ياترى انهى الى صح ؟؟؟؟؟؟؟
هو فعلا المتور اتعد من 110 حصان لى 125 حصان و الشكل اتعد ولا لا
اريد الافاده

يا باشا اللي بيقولك كده ده يا اما مش فاهم حاجه ، يا اما عاوز يبيع وخلاص ، ومش مشكلة يخدع اللي بيشتري ، وعموما اضغط على الصورة اللي في توقيعي هتدخل على موقع جايب تفصيلا كل الأختلافات

البروتون جين 2 موديل 2009 كما قيل لك في التوكيل
الموديل اللي نازل مصر
هو هو اللي موجود حاليا مع تعديل في المحرك بتركيب تكنولوجيا IAFM إليه لعلاج العزم القليل ما بين 2500 إلى 3500 لفة / دقيقة
بس

إنما 127 حصان دي مش هاتنزل مصر إلا لو نزلت للمهندس سامح و مجموعته كطلبية خاصة

إنما كلام المبيعات مظبوط 100 %

المشاركة الأصلية كتبت بواسطة tutankhamoun

البروتون جين 2 موديل 2009 كما قيل لك في التوكيل
الموديل اللي نازل مصر
هو هو اللي موجود حاليا مع تعديل في المحرك بتركيب تكنولوجيا IAFM إليه لعلاج العزم القليل ما بين 2500 إلى 3500 لفة / دقيقة
بس

إنما 127 حصان دي مش هاتنزل مصر إلا لو نزلت للمهندس سامح و مجموعته كطلبية خاصة

إنما كلام المبيعات مظبوط 100 %

ازاي بس يا حج توت ،

امال التغييرات اللي في الصالون دي ايه ( تغيير اماكن زراير الزاجاج ، وجود صندوق في التابلوه للتخزين ، ازالة الساعة اللي في منتصف التابلوه واصبحت في اللوحة اللي في العدادات ، تغيير المقابض الداخلية للأبواب ، التابلوه اسود بالكامل ، وجود اربع حوامل اكواب )

وكمان الواجهة بتاع العربية اصبحت احسن بكتييير جداً

ده طبعا غير التحسين الجوهري في الموتور ،

كل ده ومفيش تغييييييييييير ! ده بردو كلام !

المشاركة الأصلية كتبت بواسطة justs

ازاي بس يا حج توت ،

امال التغييرات اللي في الصالون دي ايه ( تغيير اماكن زراير الزاجاج ، وجود صندوق في التابلوه للتخزين ، ازالة الساعة اللي في منتصف التابلوه واصبحت في اللوحة اللي في العدادات ، تغيير المقابض الداخلية للأبواب ، التابلوه اسود بالكامل ، وجود اربع حوامل اكواب )

وكمان الواجهة بتاع العربية اصبحت احسن بكتييير جداً

ده طبعا غير التحسين الجوهري في الموتور ،

كل ده ومفيش تغييييييييييير ! ده بردو كلام !

ياباشمهندس سامح أهلا بيك أولا
الراجل بيسأل على الموتور 127 حصان
غير كدا مفيش تغييرات حصلت للموتور الحالي بل تحسين أداء العزم لجعله يزداد بدلا من ثبوته ما بين 2500 إلى 3500
وكل التغييرات اللي في الصالون
متعتبرش تغييرات
يعني بتوع المبيعات لما قالوا إن العربية هي هي بدون تغيير
مغلطوش
لما يكون فيه تغيير جوهري زي .............
تغيير موتور ............ أو تغيير تابلوه كامل
دي التغييرات الجوهرية

المشاركة الأصلية كتبت بواسطة tutankhamoun

ياباشمهندس سامح أهلا بيك أولا
الراجل بيسأل على الموتور 127 حصان
غير كدا مفيش تغييرات حصلت للموتور الحالي بل تحسين أداء العزم لجعله يزداد بدلا من ثبوته ما بين 2500 إلى 3500
وكل التغييرات اللي في الصالون
متعتبرش تغييرات
يعني بتوع المبيعات لما قالوا إن العربية هي هي بدون تغيير
مغلطوش
لما يكون فيه تغيير جوهري زي .............
تغيير موتور ............ أو تغيير تابلوه كامل
دي التغييرات الجوهرية

اهلا بيك بيك يا باشا ،

انا بس ليه ملاحظه على كلامك،
وهيه ان علاج موضوع الفجوه بتاع العزم دي مش حاجه قليله ، وكمان تحسين الصالون وخماته دي مش حاجه بسيطه، لأني ببساطه شايف ان الصالون الحلي رديئ بنسبه كبيره ،

ومينفعش يقولو مفيش اي تغييرات ، بصراحة ده كلام فيه خداع للمشتري من بتوع المبيعات

المشاركة الأصلية كتبت بواسطة justs

اهلا بيك بيك يا باشا ،

انا بس ليه ملاحظه على كلامك،
وهيه ان علاج موضوع الفجوه بتاع العزم دي مش حاجه قليله ، وكمان تحسين الصالون وخماته دي مش حاجه بسيطه، لأني ببساطه شايف ان الصالون الحلي رديئ بنسبه كبيره ،

ومينفعش يقولو مفيش اي تغييرات ، بصراحة ده كلام فيه خداع للمشتري من بتوع المبيعات

أهلا بيك يا باشمهندس
يا باشا بالنسبة للفجوة دي ............ لا تعيب العربية في شئ ( في نظري )
لأن على الأرض ............. لا أشعر بها إطلاقا و العربية سحبها زي الفل و خصوصا إن أنا مش شاري العربية علشان أشد مع الناس ................... و المحرك كدا كدا و هو ماشي فوق 50 كم ....... بيعدي 3000 ............ و لا تشعر بشئ إطلاقا
بالنسبة للصالون
هو فعلا الصالون مش تحفة بس لو قارنته بصالون عربيات كتيرة في نفس السعر هاتلاقيه بنفس المستوى
زي الأفيو مثلا و الياريس
و هو أفضل من الفيرنا
و اللي نازل جديد أعتقد أنه جلد ..........في السي بي إس
و موضوع الجلد ........بسيطة .........
تنزل التوفيقية .................. ب 700 أو 1000 جنيه تركب فرش جلد محترم .,....... و يبقى حلت مشكلة خامة الصالون اللي مش عاجباك
مش الصالون اللي يخليني ( شخصيا ) أغير رأيي في عربية بإمكانيات جبارة زي الجين 2
و برضه الإمكانيات الجبارة بالنسبة لي
و يمكن ناس تانية مش شايفة أنها بإمكانيات جبارة

و شكرا على حسن الحوار و رقيه



و بالنسبة لبتوع المبيعات
لو فيه خداع يبقى في حالة واحدة
لو الراجل بتاع المبيعات قال حاجة مش في العربية ......... يبقى كدا غشاش و بيخدع العملاء
إنما لو قال على المميزات ناقصة ......... يبقى مش عارف
بس مش غشاش أو خداع

و أنا مش شايف أيه المشكلة يا باشمهندس أن الراجل يقول العربية نازلة زي ما هي بدون تغيير

يعني أنا كرجل مبيعات هاقول للراجل اللي بيسال
دول شاله زراير الزجاج و حطوها في الأبواب ( ده مش جوهري )
و لا غيرو شكل المقابض ......... برضه مش حاجة جوهرية علشان أقولها للعميل

التغيير الحقيقي
لو اللي كان نازل السي بي إس
ممكن الراجل يقول
الفرش بقى جلد
الموتور بقى 127 حصان

ده التغييرات

إنما هاقول دول شالوه الساعة من حتة وودوها حتة تانية !!!!!!!!

و إليك خالص مودتي و إحترامي

يعني الفرش الجلد تغيير جوهري ، ومكان زراير الزجاج والنظام الجديد اصلا في التحكم الكهربي في الزجاج بدل اللي كان موجود وكان بيعلق مع بعض الناس ده هوه اللي مش جوهري !!!!!!!!!!!!!

وعلى فكره انا شايف ان فرق ال 15 حصان بين السي بي اس والموجودة ده اقل فرق واهمينه اقل بكتييييير من موضوع الفجوه في العزم واللي حتى لو تاثيرها قليل في الطرق السريعة ، فتأثيرها سئ جدا داخل المدينة ، ومش هتكلم عن باقي الفروق اللي وضحتها قبل كده تفصيلا في اكتر من موضوع ،

والخلاف لا يفسد للود قضية ، وانت عارف معزتك عندنا يا توت ، وانا بردو عارفك دايما حقاني ! :)